Genesis 21:8 - Ti Biblia (1973)

⁸ Ket ti ubing, dimmackel ket napusot: ket inaramid ni Abraham ti dackel a daya idi aldaw a pannacapusot ni Isaac.

Ti Baro a Naimbag a Damag Biblia

⁸ Dimmakkel ti ubing. Iti aldaw a pannakapusotna, nangipaay ni Abraham iti dakkel a padaya.

Genesis 21:8 Iomraidhean Croise

Genesis 19:3

Ngem inuyutanna ida iti napalalo; ket napanda kencuana ket simrecda iti balayna; ket inyaramidanna ida iti maysa a daya, ket nagluto iti tinapay a di-nalevaduraan, ket nanganda.

Genesis 21:7

Ket kinunana, Siasino ti nagsao ken Abraham, a ni Sara mamasusu cadagiti annac? ta nangyanacac kencuana ti maysa a lalaki iti kinalacayna.

Genesis 21:9

Ket ni Sara nakitana nga agrabrabac ti anac ni Agar a taga Egipto, nga inyanacna ken Abraham.

Genesis 26:30

Ket inyaramidanna ida iti maysa a daya, ket nanganda ket imminumda.

Genesis 29:22

Ket ni Laban inommongna amin a lallaki idiay a disso, ket nagdaya.

Genesis 40:20

Ket naaramid nga, iti maicatlo nga aldaw, isu ti aldaw a nacayanacan ni Faraon, nagday a cadagiti isu-amin nga ad-adipenna: ket pinaalana ti pangoloen dagiti mamacpacan ken ti pangoloen dagiti agtintinapay cadagiti ad-adipenna.

2 Samuel 3:20

Iti casta immay ni Abner ken David idiay Hebron, ket caduana dagiti duapulo a lallaki. Ket ni David nagaramid iti rambac a maipaay ken Abner ken cadagiti lallaki a naicuyog idi kencuana.

1 Ar-ari 3:15

Ket ni Salomon nagriing; ket adtoy, isu ti maysa a tagtagainep: ket isu nagsubli sadi Jerusalem, ket nagtacder iti sango ti lacasa ti tulag ni Jehova, ket nangidatag cadagiti datdaton a mapuuran, ken nangirucbab cadagiti datdaton ti cappia, ket nangaramid ti maysa a rambac cadagiti amin nga ad-adipenna.

Ester 1:3

Iti maicatlo a tawen ti panagarina, inaramidna ti maysa a rambac a maipaay cadagiti amin a pangpangoloenna ken ad-adipenna; ti pannacabalin ti Persia ken Media, dagiti natacneng ken pangpangoloen dagiti provprovincia, nga addada idi iti sangona;

Dagiti Salmo 131:2

Pudno a nagulimecac ket pinagtalnac toy cararwac; cas mapusot nga ubing ken inana, cas napusot nga ubing toy cararwac iti unegco.

Oseas 1:8

Ket idi a napusotna ni Lo-ruhama, nagsicug, ket impasngayna ti maysa a lalaki.

Uk-ukom 14:10

Ket ni amana simmalog agingga iti babai: ket ni Samson nangaramid idiay iti maysa a rambac; ta casta ti cadawyanda nga aramiden idi dagiti babbaro.

Uk-ukom 14:12

Ket ni Samson kinunana cadacuada, Palubosandac ita a mangicabil iti maysa a burtia cadacayo: no dacayo mabalinyo nga ipalawag caniac iti uneg dagiti pito nga aldaw ti rambac, ket isu matumpunganyo, no casta mangtedacto cadacayo cadagiti tallopulo a cawcawes a lino ken tallopulo a pagpagan-anay a pagpelles.

1 Samuel 1:22

Ngem ni Anna saan a simmang-at; no di ket kinunana ken asawana, Siac diacto sumang-at agingga iti di mapusot ti ubing; ket iti casta ipanconto, tapno ti ubing agparang coma iti saclang ni Jehova, ken agbati coma idiay iti agnanayon.

1 Samuel 1:24

Ket calpasan nga isu napusotna, isu incuyogna kencuana, agraman tallo a vaca, ken maysa nga efa a macan ken sangasupot a lalat nga arac, ken isu inyegna iti balay ni Jehova idiay Silo, ket ti ubing a lalaki bassit pay laeng idi.

1 Samuel 25:36

Ket ni Abigail immay ken Nabal; ket, adtoy, isu addaan idi iti rambac iti balayna, a cas la rambac ti maysa nga ari; ket ti puso ni Nabal naragsac unay iti unegna, ta nabartec unayen: gapuna a ni Abigail awan a pulos ti imbagana kencuana, bassit man wenno adu agingga iti aglawag ti bigat.