Genesis 21:6 - Ti Biblia (1973)

⁶ Ket ni Sara kinunana, Pinagcatawanac ti Dios; ket amin a macangngeg makipagcatawadanto caniac,

Ti Baro a Naimbag a Damag Biblia

⁶ Kinuna ni Sara, “Inikkannak ti Dios iti panggapuak nga agragsak ken agkatawa. Makipagkatawanto met amin dagiti makangngeg iti daytoy.”

Genesis 21:6 Iomraidhean Croise

Genesis 17:17

Idin ni Abraham nagpacleb ket nagcatawa, ket kinunana iti pusona, Ti lalaki nga sangagasut dagiti tawenna macayanacto iti maysa nga anac? Ket ni Sara, nga siam a pulo dagiti tawenna aganacto?

Dagiti Salmo 113:9

Pagtagibalayenna ti babai a lupes, ket pagbalinenna a naragsac nga ina dagiti annac. Idaydayawyo ni Jehova.

Dagiti Salmo 126:2

Idin ti ngiwatayo napunno iti catawa, ket ti dilatayo iti panagcancanta: idi a casta nasaoda cadagiti nasnacion, ni Jehova inaramidna dagiti dadackel a banbanag cadacuada.

Isaias 49:15

Mabalinan aya ti maysa a babai a lipatan ti maladagana nga agsuso, a dina ket coma caasian ti anac ti aanacanna? wen, dagitoy mabalin a macalipatda, ngem saanac a macalipat kenca.

Isaias 49:21

Iti casta cunaemto iti pusom, Asino ti nangipasngay cadagitoy caniac idinto a naulilaac cadagiti annacco, ken agwaywayasac, maysaac a naibelleng ken agtawtawataw a magmagna? ket asino ti nangtagibi cadagitoy? Adtoy, nabaybayanac a maymaysa; dagitoy sadino ti yanda idi?

Isaias 54:1

Agcantaca, O lupes, sica a di naganac; pumgaacca iti panagcanta, ken iyickismo, sica a di nagpaspasical: ta adadda pay dagiti annac ti nabaybay-an ngem dagiti annac ti babai a naasawaan, cuna ni Jehova.

Jeremias 20:15

Mailunod coma ti tao a nangyeg ti damag ken amac, a kinunana, Maysa nga ubing a lalaki nayanac kenca; isu a nangparagsac unay kencuana.

San Lucas 1:14

Ket sica addanto rag-o ken ragsacmo, ket adunto ti agragsac iti pannacayanacna.

San Lucas 1:58

Ket nangngeg dagiti caarubana ken cacabagianna a ti Apo impakitana kencuana ti dackel nga asina, ket nakipagragsacda kencuana.

Taga-Roma 12:15

Makipagrag-ocayo cadagiti agrag-o; makipagsangitcayo cadagiti agsangit.

Hebreo 11:11

Gapu iti pammati, ni Sara met laeng inawatna ti pannacabalin a mangisicog iti maysa nga anac, nupay nalabasen ti tawenna; gapu ta isu imbilangna a matalec daydi nangicari.

1 Samuel 1:26

Ket kinunana, O, apoc, cas sibibiag, ta cararuam, apoc, siac daydi babai nga agcarcararag ken Jehova a timmacder idi ditoy iti dennam.