Genesis 21:3 - Ti Biblia (1973)

³ Ket ni Abraham impanaganna iti anacna a nayanac kencuana, nga impasngay kencuana ni Sara, ti Isaac.

Ti Baro a Naimbag a Damag Biblia

³ Isaac ti impanagan ni Abraham iti anakna.

Genesis 21:3 Iomraidhean Croise

Genesis 17:19

Ket ti Dios kinunana, Pudno unay, ni Sara nga asawam mangyanacto kenca iti maysa a lalaki, ket panaganamto iti Isaac: ket patalgedacto ti tulagco kencuana, a panagcaycaysa nga agnanayon cadagiti putotna iti calpasanna.

Genesis 17:21

Ngem ti tulagco buangayecto ken Isaac, isu a yanacto kenca ni Sara iti daytoy a tiempo a nakedngan ti sumaruno a tawen.

Genesis 21:12

Ket ti Dios kinunana ken Abraham: Saan a macapasennaay coma kenca maipuon iti ubing ken iti adipenmo; iti amin nga ibaga kenca ni Sara, ipangagmo ti timecna; ta ken Isaac maawaganto ti caputotam.

Genesis 21:6

Ket ni Sara kinunana, Pinagcatawanac ti Dios; ket amin a macangngeg makipagcatawadanto caniac,

Genesis 22:2

Ket kinunana, Alaem ita ti anacmo, ti anacmo a bugbugtong, nga dongdongoen, a ni Isaac, ket inca iti daga ti Moria; ket isu idatagmo idiay nga maysa a daton a mapuuran, iti rabaw ti maysa cadagiti banbantay nga ibagacto kenca.

Genesis 25:19

Ket dagitoy dagiti capcaputotan ni Isaac, anac ni Abraham: ni Abraham pinutotna ni Isaac:

San Mateo 1:2

Ni Abraham pinutotna ni Isaac; ket ni Isaac pinutotna ni Jacob; ket ni Jacob pinutotna ni Juda ken dagiti cacabsatna;

Dagiti Aramid 7:8

Ket intedna kencuana ti tulag ti pannacacugit: ket iti casta ni Abraham pinutotna ni Isaac, ket isu kinugitna iti maicawalo nga aldaw: ket ni Isaac pinutotna ni Jacob, ket ni Jacob pinutotna met dagiti sangapulo ket dua a patriarca.

Taga-Roma 9:7

Ket saan met a gapu ta caputotan ida ni Abraham, annacna ida amin; ngem, ken Isaac managanto ti caputotam.

Hebreo 11:18

Uray pay isu ti nacaisao-an daytoy: Ken Isaac managancanto ti caputotan:

Josue 24:3

Ket siac innalac idi ni amayo nga Abraham nanipud iti ballasiw ti Carayan, ket isu inyegco idi iti amin a daga ti Canaan, ket pinaaduc idi dagiti putputotna, ket intedco kencuana ni Isaac.