Genesis 21:2 - Ti Biblia (1973)

² Ket nagsicug ni Sara, ket nangyanac ken Abraham iti maysa a lalaki, iti kinalacayna, idi tiempo a naituding a kinuna ti Dios kencuana.

Ti Baro a Naimbag a Damag Biblia

² Nagsikog ni Sara ket naganak iti lalaki, uray no lakay unayen ni Abraham nga asawana. Naipasngay ti maladaga iti tiempo nga intuding ti Dios a pannakayanakna.

Genesis 21:2 Iomraidhean Croise

Genesis 17:19

Ket ti Dios kinunana, Pudno unay, ni Sara nga asawam mangyanacto kenca iti maysa a lalaki, ket panaganamto iti Isaac: ket patalgedacto ti tulagco kencuana, a panagcaycaysa nga agnanayon cadagiti putotna iti calpasanna.

Genesis 17:21

Ngem ti tulagco buangayecto ken Isaac, isu a yanacto kenca ni Sara iti daytoy a tiempo a nakedngan ti sumaruno a tawen.

Genesis 18:10

Ket kinunana, Agpaypayso nga agsubliacto kenca iti castoy, met laeng a tiempo ket, adtoy, ni Sara nga asawam aganacto iti lalaki. Ket ni Sara nagdengngeg iti ruangan ti sapaw, nga adda iti licudanna.

Genesis 18:14

Adda aya banag a naricut unay ken Jehova? Iti tiempo a nakedngan agsubliacto kenca, no madanon daytoy met la a tiempo, ket ni Sara addanto anacna.

San Lucas 1:36

Ket adtoy, ni Elisabet a cabagiam, nagsicog met iti kinabaketna iti maysa nga anac a lalaki, ket daytoy ti maicanem a bulanna idinto a naganenda ti lupes.

Dagiti Aramid 7:8

Ket intedna kencuana ti tulag ti pannacacugit: ket iti casta ni Abraham pinutotna ni Isaac, ket isu kinugitna iti maicawalo nga aldaw: ket ni Isaac pinutotna ni Jacob, ket ni Jacob pinutotna met dagiti sangapulo ket dua a patriarca.

Taga-Roma 9:9

Ta daytoy ti sao ti cari: Itoy a panawen umayacto, ket maaddaanto ni Sara ti maysa nga anacna a lalaki.

Taga-Galacia 4:22

Ta adda a naisurat a ni Abraham adda idi dua nga annacna a lallaki, maysa iti tagabu ket maysa iti babai a siwawaya.

Hebreo 11:11

Gapu iti pammati, ni Sara met laeng inawatna ti pannacabalin a mangisicog iti maysa nga anac, nupay nalabasen ti tawenna; gapu ta isu imbilangna a matalec daydi nangicari.

Josue 24:3

Ket siac innalac idi ni amayo nga Abraham nanipud iti ballasiw ti Carayan, ket isu inyegco idi iti amin a daga ti Canaan, ket pinaaduc idi dagiti putputotna, ket intedco kencuana ni Isaac.