Genesis 2:9 - Ti Biblia (1973)

⁹ Ket ni Jehova Dios pinatubona iti daga, amin a cayo a nacaay-ayo a makita, ken naimbag a canen; casta met ti cayo ti biag iti tengnga ti minuyongan, ken ti cayo ti pannacaammo ti imbag ken ti dakes.

Ti Baro a Naimbag a Damag Biblia

⁹ Pinagtubona ti amin a kita ti agkakapintas a kayo nga agbunga iti nasayaat. Iti tengnga ti minuyongan, adda ti kayo ti biag ken ti kayo ti pannakaammo iti naimbag ken iti dakes.

Genesis 2:9 Iomraidhean Croise

Genesis 2:17

Ngem ti aggapu iti cayo ti pannacaammo ti imbag ken ti dakes saanmonto a canen: ta iti aldaw a pannanganmo iti daydiay mataycanto a di bumurong.

Genesis 3:22

Ket ni Jehova Dios kinunana, Adtoy, ti lalaki nagbalin a cas maysa cadatayo, nga ammona ti naimbag ken ti dakes; ket ita, di la ket ta igawatna ti imana, ken mangala iti cayo ti biag, ken mangan, ken agbiag a cancanayon.

Genesis 3:24

Ket pinagtalawna ti tao; ket insaadna iti daya ti minuyongan ti Eden ti Kerubin ken ti maysa nga sumilsilap a campilan a simmango iti amin a turong, tapno bantayanna ti dalan nga agturong iti cayo ti biag.

Genesis 3:3

Ngem iti bunga ti cayo nga adda iti tengnga ti minuyongan, kinuna ti Dios, Dicayto canen, ken uray sagiden di la ket ta mataycayo.

Genesis 3:5

Ta ti Dios ammona nga iti aldaw a pananganyo iti dayta, dagiti matayo maluctandanto, ket caslacayton iti Dios a macaammo ti naimbag ken ti dakes.

Dagiti Proverbio 11:30

Ti bunga ti nalinteg isu maysa a cayo ti biag; ket ti masirib macaguyuguy cadagiti carcararua.

Dagiti Proverbio 3:18

Isu ti cayo ti biag cadagiti cumpet kencuana: ket naragsac ti siasinoman a mangsalimetmet kencuana.

Isaias 44:25

A mangdadael cadagiti pagilasinan dagiti managulbod, ken mamagpungtot cadagiti mammadles; ken mangbalictad cadagiti mamasirib a tattao, ken mangaramid iti pannacaammoda a kinamaag;

Isaias 47:10

Ta sica nagtalcam ti kinadangkesmo; sica kinunam, awan ti macakita caniac; ti kinasiribmo ken ti pannacaammom inallilawdaca; ket sica kinunam ita pusom, Siac, ket awanen ti sabali no di la sisiac.

Ezekiel 31:16

Pinagkintayegco dagiti nasnacion iti daranudor ti pannacatuangna, idi isu imbellengco idiay Tanem a naicuyog cadagidiay bumaba iti dariwangwang; ket amin dagiti caycayo ti Eden, dagiti napili ken caimbagan ti Libano, amin dagiti uminum iti danum, naliwliwada cadagiti nababa a paspaset ti daga.

Ezekiel 31:18

Asino ti capadam a castoy iti dayag ken iti cadackel cadagiti caycayo ti Eden? nupay casta maipababacanto a maicuyog cadagiti caycayo ti Eden agingga cadagiti nababa a paspaset ti lubong: agiddacanto iti tengnga dagiti saan a nacugit, a maicuyog cadagidiay napapatay iti campilan. Daytoy isu ni Faraon ken amin ti umariwecwecna, cuna ni Apo Jehova.

Ezekiel 47:12

Ket iti denna ti carayan iti igidna, iti daytoy a sikigan, ken iti dayta a sikigan, tumubonto tunggal cayo a maipaay a taraon, a ti bulongna saanto a magango, ket saanto met nga agcurang ti bungana: mangtedto ti baro a bunga tunggal bulan, agsipud ta dagiti danumna agayusda a rumuar iti santuario; ket ti bungana maipaayto a taraon, ket ti bulongna maipaay a pangagas.

San Juan 6:48

Siac ti tinapay ti biag.

1 Taga-Corinto 8:1

No maipapan cadagiti maidaton cadagiti ladladawan a didiosen: Ammomi a datay amin adda siribtayo. Ti sirib mamagtangsit, ngem ti ayat mamaglaing.

Deuteronomio 6:25

Ket isunto ti kinalinteg cadatayo, no tungpalentayo nga aramiden amin daytoy a bilin iti saclang ni Jehova a Diostayo, cas imbilinna cadatayo.

Paltiing 2:7

Ti adda pagdengngegna, denggenna coma ti cuna ti Espiritu cadagiti Iglesia. Daydiay agbal-ligi isu ti pacanecto iti cayo ti biag, nga adda iti Paraiso ti Dios.

Paltiing 22:14

Nagasat dagidiay mangdalus cadagiti pagananayda, tapno adda calinteganda nga aglac-am iti cayo ti biag, ken tapno mabalinda ti sumrec cadagiti ruruangan ti ciudad.

Paltiing 22:2

Iti tengnga ti calzada sadiay, ket iti agsumbangir nga igid daydi carayan, adda daydi cayo ti biag, nga adda sangapulo ket dua a kita ti bungana, nga agbunga iti binulan; ket dagiti bulbulong daydi cayo maipaayda iti pannacaagas dagiti pagpagarian.