Genesis 2:5 - Ti Biblia (1973)

⁵ Ket idi awan pay la ti mula ti langalang iti daga, ket awan pay ti roroot a timmubo, ta di pay pinagtudo ni Jehova Dios iti rabaw ti daga ken awan pay la idi ti tao, a mangtalon iti daga;

Ti Baro a Naimbag a Damag Biblia

⁵ awan pay ti mula iti daga ken awan ti bukel a nagrusing agsipud ta awan pay tudo ken awan pay dagiti mannalon.

Genesis 2:5 Iomraidhean Croise

Genesis 2:6

Ngem nagpangato ti maysa nga angep a naggapu iti daga, ket binisibisanna ti amin a rabaw ti daga.

Genesis 3:23

Iti casta ni Jehova Dios pinaruarna iti minuyongan ti Eden, tapno talonenna ti daga a nacaalaanna.

Genesis 4:12

Intono talonem ti daga, dinanto sublien nga itden kenca ti bilegna; walang-walangcanto ken agpagpagnacanto iti daga.

Genesis 4:2

Ket inyanacna manen ni cabsatna nga Abel. Ket nagaywan ni Abel cadagiti carcarnero, ngem ni Cain nagtaltalon.

Ti Libro ni Job 5:10

Isu a mangted ti tudo iti daga, ken agbaon ti dandanum iti rabaw ti taltalon;

Dagiti Salmo 104:14

Pagtuboenna ti root a maipaay cadagiti vacvaca, ken ti mula nga agservi iti tao; tapno isu maparnuayna ti taraonna iti daga,

Dagiti Salmo 135:7

Isu a mamagpangato cadagiti alingasaw manipud cadagiti pungto toy daga; isu a mamagkimat a maipaay agtudo; isu a mangparuar iti angin cadagiti pagidulinanna;

Jeremias 10:12

Inaramidna ti daga babaen ti pannacabalinna, imbangonna ti lubong babaen ti siribna, ken gapu iti pannacaawatna inyucradna dagiti langlangit.

Jeremias 10:13

No isu agtimec, agkibur dagiti dandanum cadagiti langlangit, ket paulienna dagiti alingasaw manipud cadagiti pungto ti daga; isu aramidenna dagiti kimkimat iti tudo, ket paruarenna dagiti anginna cadagiti pagidulinanna.

Jeremias 14:22

Adda aya aniaman cadagiti kinaubbaw dagiti nasnacion a macapatudo? wenno mabalin aya dagiti langlangit ti mangted cadagiti ar-arbis? saan aya a sica dayta, O Jehova a Diosmi? gapuna dacami urayendacanto; ta sica inaramidmo amin dagitoy a banbanag.

San Mateo 5:45

Tapno annacnacayo ni Amayo nga adda sadi langit, ta paruarenna ti initna cadagiti dakes ken cadagiti naimbag ket pagtudoenna cadagiti nalinteg ken nakil-lo.

Hebreo 6:7

Ta ti daga a nangsagepsep iti tudo a naminadu nga umay kencuana, ket pataudenna dagiti roroot a macaited gungguna cadagidiay pacaigapuan ti pannacamulana awatenna ti bendicion ti Dios: