Genesis 2:21 - Ti Biblia (1973)

²¹ Ket ni Jehova Dios immapayna ti nargaan a turog iti tao, ket nacaturog; ket innalana ti maysa cadagiti paragpagna, ket ti nangalaanna rinipcanna ti lasag:

Ti Baro a Naimbag a Damag Biblia

²¹ Kalpasanna, pinaturog ni Yahweh a Dios ti lalaki. Bayat ti nargaan a pannaturogna, nangala iti maysa kadagiti paragpagna sana tinapalan iti lasag ti nangikkatanna.

Genesis 2:21 Iomraidhean Croise

Genesis 15:12

Ket idi a lumlumnec ti init, immapay ti nauneg a turog ken ni Abram; ket, adtoy, maysa a dackel nga alliaw a nasipnget immapay kencuana.

Ti Libro ni Job 33:15

Iti maysa a tagtagainep, iti maysa a parparmata ti rabii, no ti nargaan a turog umapay cadagiti tattao, cadagiti pannacaliblibay iti rabaw ti idda;

Ti Libro ni Job 4:13

Cadagiti panpanunot nga agtaud cadagiti parparmata iti rabii, no sumamay ti nargaan a ridep cadagiti tattao.

Dagiti Proverbio 19:15

Ti kinasadut mangiturong iti nargaan a turog; ket ti cararua a nasadut agsagabanto iti bisin.

Daniel 8:18

Idi a nakisasao caniac, napasagac iti nargaan a turog a sipapaclebac iti daga; ngem isu sinagidnac, ket pinatugawnac.

1 Taga-Corinto 11:8

Ta ti lalaki saan a naala iti babai, no di ket ti babai naala iti lalaki:

1 Samuel 26:12

Iti casta ni David innalana ti gayang ken ti gorgorita ti danum iti oloanan ni Saul; ket pimmanawda: ket awan ti uray maysa a tao a nacakita iti daydi, wenno nacaammo, awan ti uray asino a nacariing; ta nacaturogda amin idi, agsipud ta maysa a nargaan a turog a gapu ken Jehova ti naitinnag cadacuada.