Genesis 2:1 - Ti Biblia (1973)

¹ Ket nalpasen dagiti langit ken ti daga, ken amin nga orornosna.

Ti Baro a Naimbag a Damag Biblia

¹ Ket kasta a naaramid dagiti langit ken ti daga ken amin a linaonda.

Genesis 2:1 Iomraidhean Croise

Genesis 1:1

Idi punganay ti Dios pinarsuana dagiti langlangit ken ti daga.

Genesis 1:10

Ket ti Dios ninagananna ti namaga, Daga ket ti nacatiponan dagiti danum ninagananna Tataaw: ket ti Dios nakitana a nasayaatda,

Genesis 2:4

Dagitoy isuda ti capupunganay dagiti langit ken ti daga idi a naparsuada, iti aldaw a pinangaramid ni Jehova a Dios ti daga ken ti langit.

2 Ar-ari 19:15

Ket ni Ezekias nagcararag iti sango ni Jehova, ket kinunana, O Jehova, a Dios ti Israel, nga agsaadca iti ngato dagiti querquerubin, sica ti Dios, sicsica laeng a maymaysa, cadagiti isu-amin a pagpagarian iti lubong; sica inaramidmo ti langit ken ti daga.

2 Cronicas 2:12

Ni Huram kinunana pay, Bendito ni Jehova a Dios ti Israel, a nangaramid ti langit ken daga, isu a nangted ken David nga ari iti maysa nga anac a masirib, nga addaan kinasaririt ken pannacaawat, a mangbangon coma ti balay a maipaay ken Jehova, ken maysa a balay a maipaay iti pagarianna.

Nehemias 9:6

Sica ni Jehova, sica laeng a maymaysa; inaramidmo ti langit, a langit dagiti langlangit, agraman iti amin a buyotda, ti daga ken amin nga adda kencuana, dagiti taaw ken amin nga adda cadacuada, ket igigirmo ida amin; ket agcararag kenca ti buyot ti langit.

Ti Libro ni Job 12:9

Asino ti di macaammo amin cadagitoy, a ti ima ni Jehova inaramidna daytoy,

Dagiti Salmo 104:2

Sica a mangbungon kenca met laeng iti lawag a cas la pannacapagananaymo; a mangbistrad cadagiti langlangit a cas maysa a cortina;

Dagiti Salmo 146:6

Isu a nangaramid iti langit ken daga, ti baybay, ken amin nga adda cadacuada, isu a mangsalimetmet iti pudno nga agnanayon;

Dagiti Salmo 33:6

Gapu iti sao ni Jehova naaramid dagiti langlangit, ken dagup ti buyotda gapu iti sangaw ti ngiwatna.

Dagiti Salmo 33:9

Ta nagsao, ket natungpalen; nagbilin, ket napatibkeran.

Exodo 20:11

Ta cadagiti innem nga aldaw ni Jehova inaramidna ti langit ken daga, ti taaw, ken amin nga adda cadacuada, ket naginana iti maicapito nga aldaw: isu ti gapuna a ni Jehova binendicionanna ti aldaw a panaginana, ken sinantificarna.

Exodo 31:17

Isu ti maysa a tanda a cancanayon caniac ken dagiti annac ti Israel: gapu ta cadagiti innem nga aldaw inaramid ni Jehova ti langit, ken daga, ket iti maicapito nga aldaw naginana, ket nabang-aran.

Isaias 34:4

Ket amin a buyot ti langit mawarawaranto, ken dagiti langlangit malucotlucotdanto a cas maysa a libro a linucot; ket amin a buyotda malaylaydanto, a cas iti bulong a malaylay a naisina iti uvas, ken cas maysa a bulong nga aglaylay nga aggapu iti cayo ti higos.

Isaias 42:5

Castoy ti cuna ti Dios a Jehova, isu a namarsua cadagiti langlangit, ken nangisacnap cadacuada; isu a nangpalawa iti daga ken ti agtaud kencuana; isu a mangited ti anges cadagiti tattao iti rabawna, ken ti espiritu cadagiti magna kencuana:

Isaias 45:12

Inaramidco ti daga ken pinarsuac ti tao iti rabawna: Siac, dagiti im-imac met laeng, binistradco dagiti langlangit; ket binilinco amin dagiti buybuyotda.

Isaias 45:18

Ta castoy ti cuna ni Jehova a namarsua cadagiti langlangit, ti Dios a nangbukel ken nangaramid iti daga, isu a nangpasingked kencuana ken isu pinarsuana a saan nga ongaong, a binukelna tapno isu ti pagyanan: Siac ni Jehova; ket awan ti sabali.

Isaias 48:13

Wen, ti imac insaadna ti pamuon ti daga, ken ti imac a canawan isacnapna dagiti langlangit: no ayabac ida, sangsangcagiddanda a tumacder.

Isaias 55:9

Ta cas dagiti langlangit nangatngatoda ngem iti daga, casta dagiti daldalanco nangatngatoda ngem cadagiti daldalanyo, ken dagiti pampanunotco ngem cadagiti pampanunotyo.

Isaias 65:17

Ta, adtoy, mamarsuaac cadagiti baro a langlangit ken baro a daga; ket dagiti immun-una a banbanag didanto malagipen, didanto mapanunuten.

Jeremias 10:12

Inaramidna ti daga babaen ti pannacabalinna, imbangonna ti lubong babaen ti siribna, ken gapu iti pannacaawatna inyucradna dagiti langlangit.

Jeremias 10:16

Ti bingay ni Jacob saan a cas cadagidiay; ta isu binukelna dagiti amin a banbanag; ket ni Israel ti caputotan ti tawidna: Jehova dagiti buybuyot ti naganna.

Jeremias 8:2

Ket ibilagdanto ida iti init, ken iti bulan, ken amin ti buyot ti langit, isuda nga inayatda, ken nagservianda, ken dagidiay sinurotda, ken sinapulda, ken nagrucbabanda; saandanto a maururnong, wenno maicali, agbalindanto a rugit iti rabaw ti daga.

Zacarias 12:1

Ti awit a sao ni Jehova a maipapan iti Israel. Castoy ti cuna ni Jehova, a mangyucrad cadagiti langlangit, ken mangicabil iti pamuon ti daga, ken mangbukel iti espiritu ti tao iti unegna:

San Lucas 2:13

Ket naigiddato nga adda a naicuyog idi angel ti maysa a dackel a bonggoy dagiti nailangitan nga buybuyot, a nagdaydayaw iti Dios, ket cuncunada.

Dagiti Aramid 4:24

Ket isuda, idi nangngegda daytoy, nagmaymaysada a nangiturong ti timecda iti Dios, ket kinunada: Apo, sica ti Dios, a nangaramid ti langit ken daga, ken ti taaw ken ti amin nga adda cadacuada:

Dagiti Aramid 7:42

Ngem ti Dios timmal-licud, ken binaybayanna ida, tapno agrucbabda iti bongoy iti tangatang cas adda a naisurat iti libro dagiti mammadto. Indatonandac aya cadagiti animal a napapatay ken datdaton, idiay let-ang iti uppat a pulo a tawen, O balay ti Israel?

Deuteronomio 17:3

Ket napan ket nagservi cadagiti sabali a didios, ket nagdaydayaw cadacuada, wenno iti init, wenno iti bulan, wenno iti uray ania a buyot ti langit, isu nga diac imbilin kenca;

Deuteronomio 4:19

Ken di la ket ta itangadmo dagita matam sadi langit, ket no makitam ti init ken ti bulan, ken dagiti bitbitwen, uray dagiti amin a buyot sadi langit maguyuguyca nga agdayaw cadacuada, ken agservi cadacuada cadagidiay impaay ni Jehova a Diosmo cadagiti amin a il-ili iti babaen ti amin a langit.

Hebreo 4:3

Ta datayo nga namati sumrectayo: iti dayta nga inana, cas sinaona: Cas iti panangisapatac idi pannacapungtotco: Saandanto a sumrec iti inanac: uray dagiti ar-aramid naturposda nanipud idi pannacabangon ti lubong.