Genesis 19:5 - Ti Biblia (1973)

⁵ Ket inayabanda ni Lot, ket kinunada kencuana, Adino ti yan dagiti lallaki nga immayda kenca ita a rabii? Iruarmo ida cadacami, tapno maam-ammomi ida.

Ti Baro a Naimbag a Damag Biblia

⁵ Pinukkawanda ni Lot ket sinaludsodda, “Sadino ti ayan dagiti lallaki a nagdagus iti balaymo ita a rabii? Iruarmo ida!” Kayat a kaiddaen ida dagiti lallaki ti Sodoma.

Genesis 19:5 Iomraidhean Croise

Genesis 19:6

Ket rimmuar ni Lot cadacuada agingga iti ruangan, ket rinepcanna ti ruangan iti licudanna.

1 Ar-ari 14:24

Ket adda met dagiti sodomitas iti daga: isuda inaramidda ti mayannurot iti amin a kinarimon dagiti nasnacion a pinagtalaw ni Jehova iti sango dagiti annac ti Israel.

1 Ar-ari 22:46

Ket ti natda cadagiti sodomitas, a natda cadagiti aldaw ni amana nga Asa, isu pinagtalawna iti daga.

Isaias 1:9

No coma no saan a nangitidda cadatayo ni Jehova dagiti buybuyot iti maysa a bassit unay a tidda, naipadatayo coma a cas iti Sodoma, datayo caslatayo coma iti Gomorra.

Isaias 3:9

Ti panagparang dagiti rupada panecnecanna ti maibusor cadacuada; ket ipalawagda ti basolda a cas iti Sodoma, dida ilimed. Asipay ti cararuada! ta nagaramidda ti dakes cadacuada met laeng.

Jeremias 3:3

Gapuna a dagiti arbis naipaidamda, ket awan ti maud-udi a tudo; nupay casta adda idi kenca ti muging ti balangcantis, sica dica mabainan.

Jeremias 6:15

Nagbainda aya idi nagaramidda ti macarimon? Saan, saanda a nagbain a pulos, ket dida met napalabbasit: gapuna a mapasagdanto iti nagtengngaan dagidiay mapasag; intono sarungcarac ida, maipalladawdanto, cuna ni Jehova.

Ezekiel 16:49

Adtoy, daytoy ti kinadangkes ni cabsatmo a babai a Sodoma: kinacuspag, kinabuslon iti tinapay, ken nalabes a kinatalged ti adda kencuana ken cadagiti annacna a babbai; ket saanna met a pinapigsa ti ima dagiti napanglaw ken addaan pannacasapul.

Ezekiel 16:50

Ket isuda nacuspagda, ket nangaramidda iti kinarimon iti sangoc: gapuna nga iniccatco ida, cas nakitac a pagimbagan.

Ezekiel 16:51

Ti Samaria saan met a nagar-aramid iti uray cagudua laeng dagiti basbasolmo; ngem pinaadum dagiti kinarimonmo nga adadda ngem isuda, ket cas la pinaglintegmo dagiti cacabsatmo a babbai babaen dagiti amin a kinarimonmo nga inaramidmo.

Levitico 18:22

Dicanto caidda ti lalaki a cas ibilang a babai: daytoy ti kinarimon.

Levitico 20:13

Ket no ti lalaki makicaidda iti padana a lalaki nga ibilangna a cas babai, isuda a dua nacarimrimon ti aramidda: dinto bumurong a mapapatayda, ti darada maipaawitto cadacuada.

1 Taga-Corinto 6:9

Dicay ammo aya a dagiti nakil-lo didanto tawiden ti pagarian ti Dios? Dicay coma maallilaw: uray dagiti mannakiabig, uray dagiti agrucbab cadagiti ladladawan uray dagiti makicamcamalala, uray dagiti binabai, uray dagiti tumulad cadagiti taga Sodoma,

Deuteronomio 23:17

Awanto ti agbalangcantis cadagiti annac a babbai ti Israel, wenno awanto ti manangubet cadagiti annac a lallaki ti Israel.

1 Timoteo 1:10

Maipaay cadagiti mannakicamalala ken cadagiti tumulad cadagiti taga Sodoma, cadagiti agtacaw cadagiti tao, cadagiti natiri, cadagiti agsapata ti ulbod ken uray ania a sabali a maisalungasing iti nasayaat a sursuro;

2 Timoteo 3:13

Ngem dagiti tattao a dakes ken dagiti mangul-ulbod dumakesdanto la a dumakes, a mangal-lilawda ket maallilawda met laeng.

2 Pedro 2:2

Ket adunto dagiti sumurot cadagiti naderrep nga ar-aramidda, ket gapu cadacuada ti dana ti kinapudno matabaawanto.

2 Pedro 2:7

Ket insalacanna ni nalinteg a Lot, a silaladingit unay gapu iti panagbiag a dinederrep dagiti managdacdackes.

San Judas 1:7

Cas met iti Sodoma ken Gomorra, ken dagiti ciudad iti caparangetda, idinto a cas cadagitoy, nga inyawatda ti bagida iti pannakiabig, ken idinto a simmorotda iti naisingayan a lasag, a maicabilda a cas pagwadan nga aglaclac-am iti dusa ti apuy nga agnanayon.

Uk-ukom 19:22

Ket idi nga isuda pinaragsacda dagiti puspusoda, adtoy, dagiti lallaki ti ili, dadduma a tattao a nacas-ang, linicmutda ti balay, a pampampagenda ti ruangan; nagsaoda iti apoen ti balay, a ti lacay, a cuncunada, Iruarmo ti tao a simrec iti balaymo, tapno isu ti maamammomi coma.