Genesis 19:3 - Ti Biblia (1973)

³ Ngem inuyutanna ida iti napalalo; ket napanda kencuana ket simrecda iti balayna; ket inyaramidanna ida iti maysa a daya, ket nagluto iti tinapay a di-nalevaduraan, ket nanganda.

Ti Baro a Naimbag a Damag Biblia

³ Saan a namingga ni Lot agingga a naawisna ida ket nakikuyogda kenkuana a napan iti balayna. Binilin ni Lot dagiti adipenna nga aglutoda iti tinapay ken mangisaganada iti naimas a taraon dagiti sangaili. Nangan dagiti sangaili.

Genesis 19:3 Iomraidhean Croise

Genesis 19:2

Ket kinunana, Adtoy ita, appoc, dawatec, cadacayo, umaycayo coma iti balay ti adipenyo, ket umyancayo, ket buggoanyo dagiti sacsacayo, ket bumangoncayto a masapa, ket mapancayo iti dalanyo. Ket kinunada, Saan; ngem agyancaminto nga agpacnag iti calzada,

Genesis 21:8

Ket ti ubing, dimmackel ket napusot: ket inaramid ni Abraham ti dackel a daya idi aldaw a pannacapusot ni Isaac.

Genesis 24:31

Ket kinunana, Sumrecca, sica bendito ni Jehova; apayapay sitatacderca iti ruar? ta insaganacon ti balay, ken ti disso a pagyanan dagiti camello.

Genesis 26:30

Ket inyaramidanna ida iti maysa a daya, ket nanganda ket imminumda.

2 Ar-ari 4:8

Ket napasamac iti naminsan nga aldaw, a ni Eliseo immallatiw idiay Sunem, isu a yan ti maysa a babai a natan-oc, a nangipapilit kencuana a nangan iti tinapay. Ket casta idi, iti masansan nga ilalabasna, dumagas idiay a mangan iti tinapay.

Exodo 12:15

Pito nga al-aldaw a mangancayonto iti tinapay nga awan levadurana; iti umuna nga aldaw met laeng ibellengyonto cadagiti balbalayyo: ta sia-sinoman a manganto iti nalevaduraan a tinapay manipud iti umuna nga aldaw agingga iti maicapito nga aldaw, daydiay a tao maipusayto iti Israel.

Exodo 12:39

Ket binibingcada nga awan levadura ti ginamay nga innalada sadi Egipto; ta saan a nalevaduraan idi, gapu ta napagtalawda idiay Egipto, ket dida nacapagtactaken, wenno dida nacapagsagana idi iti canenda.

San Lucas 11:8

Cunac cadacayo, nga uray pay no saan coma a bumangon a mangted kencuana gapu ta gayyemna, bumangonto laeng agsipud iti pannacaalimutengna ket itednanto kencuana ti isu-amin a masapulna.

San Lucas 14:23

Ket kinuna di apo iti adipen: Rumuarca cadagiti daldalan ken cadagiti inalaladan ket ipapilitmo a sumrecda tapno mapno ti balayco.

San Lucas 5:29

Ket inyaramidan ni Levi ti dackel a daya iti balayna ket adda idi ti dackel a gimong dagiti agsingsingir ti buis ken sabsabali nga adda idi a nakisango cadacuada iti panganan.

San Juan 12:2

Iti casta inyaramidanda idiay ti maysa a panangrabii; ket ni Marta nagrservi, ngem ni Lazaro maysa cadagidi nakisango kencuana iti panganan.

1 Taga-Corinto 5:8

Iti casta ngarud ngilinentayo ti fiestatayo; saan a buyugen ti baac a levadura, saan met nga iti levadura ti panagipato ti dakes ken ti kinadakes, no di ket iti awan levadurana a tinapay ti kinadalus ti nakem ken kinapudno.

2 Taga-Corinto 5:14

Ta ti ayat ni Cristo pilitennacami, idinto nga ipatomi a castoy: Nga no ti maysa natay gapu cadagiti isu-amin; no casta dagiti isu-amin addada idi a natay;

Hebreo 13:2

Dicay lipatan ti panangiparangyo iti ayat cadagiti gangannaet; ta gapu itoy dagiti dadduma pinadagusda dagiti angel, nga dida nadlawan.

Uk-ukom 6:19

Ket ni Gedeon simrec, ket nangisagana iti maysa nga urbon a calding, ken bibbibingca nga awan levadurada a maysa nga efa ti macan: ket incabilna ti lasag iti maysa a labba, ket incabilna di digu iti maysa a banga, ket inyegna kencuana iti siroc ti lugo, ket isu imparangna.

1 Samuel 28:24

Ket ti babai addaan idi iti maysa a nalucmeg nga urbon a vaca iti balay; ket isu nagdaras, ket isu ti pinartina; ket nangala iti harina, ket ginamayna, ket iti daydi nangluto iti di-nalevaduraan a tinapay: