Genesis 19:16 - Ti Biblia (1973)

¹⁶ Ngem nagmayeng; ket dagiti lallaki iniggamanda ti imana, ken ti ima ti asawana, ken dagiti imima dagiti dua nga annacna a babbai, ta ni Jehova naasi unay kencuana: ket inruarda, ket incabilda iti ruar ti ili.

Ti Baro a Naimbag a Damag Biblia

¹⁶ Nagsarimadeng pay laeng ni Lot, ngem gapu iti asi ni Yahweh kenkuana, ginuyod dagiti lallaki, ti asawana ken dagiti dua nga annakna a rimmuar iti siudad.

Genesis 19:16 Iomraidhean Croise

Genesis 19:15

Ket idi nagbanawagen, dagiti angel pinagdarasda ni Lot, a cunada, Tumacderca, alaem ta asawam, ken dagiti dua nga annacmo a babbai nga adda ditoy, di la ket ta mapucawca iti kinadakes ti ili.

Genesis 43:10

Ta no saancami coma a nagtactac pudno nga ita uray namindua a nagsublicamin.

1 Cronicas 16:34

O agyamancayo ken Jehova; ta isu naimbag; ta ti naayat a kinaimbagna agibtur iti agnanayon.

Dagiti Salmo 103:13

Cas panangngaasi ti maysa nga ama cadagiti annacna, casta ti panangngaasi ni Jehova cadagiti agbuteng kencuana.

Dagiti Salmo 106:1

Idaydayawyo ni Jehova. O pagyamananyo ni Jehova; ta isu naimbag; ta ti kinamanagayatna agnanayon.

Dagiti Salmo 106:8

Nupay casta isu insalacanna ida a maigapu iti naganna, tapno maipacaammona ti napigsa a pannacabalinna.

Dagiti Salmo 107:1

O agyamancayo ken Jehova, ta isu naimbag; ta ti kinamanangngaasina agnanayon.

Dagiti Salmo 111:4

Inaramidna dagiti nacascasdaaw nga aramidna tapno laglagipen ida: ni Jehova managparabur ken manangngaasi.

Dagiti Salmo 118:1

O agyamancayo ken Jehova; ta isu naimbag; ta ti kinamanagayatna agnanayon.

Dagiti Salmo 119:60

Nagalallegac, ket diac nagtantan, a mangannurot cadagiti bilbilinmo.

Dagiti Salmo 136:1

O pagyamananyo ni Jehova; ta isu naimbag; ta ti kinamanagayatna agnanayon.

Dagiti Salmo 32:10

Adu a ladladingit ti maaddanto cadagiti nadangkes; ngem ti agtalec ken Jehova, kinamanagayat ti manglawlawto kencuana.

Dagiti Salmo 33:18

Kitaem, ti mata ni Jehova sisisiput cadagiti agbuteng kencuana, cadagiti manginanama iti kinamanagayatna;

Dagiti Salmo 33:19

Tapno ispalenna ti cararwada ken patay, ken taginayonenna ida a sibibiag iti panagbisin.

Dagiti Salmo 34:12

Siasino a tao ti agcalicagum iti biag, ken agayat iti adu nga al-aldaw, tapno macakita iti imbag?

Dagiti Salmo 86:15

Ngem sica, O Apo, Diosca a naasi ken managparabur, naanatca nga agpungtot, ken aglaplapusananca iti kinamanagayat ken kinapudno.

Dagiti Salmo 86:5

Ta sica, Apo, naimbagca, ken sisasaganaca a mamacawan, ken aglaplapusananca iti kinamagayat cadagiti amin nga umawag kenca.

Exodo 34:6

Ket ni Jehova limmasat iti sangoanan ni Moises ket imbunannagna, Jehova, Jehova, Dios a manangngaasi ken managparabur, nainayad nga agpungtot, ken aglaplapusanan iti kinaimbag a siaayat ken kinapudno;

Exodo 34:7

Manalimetmet iti caasi a siaayat a maipaay cadagiti rinibribu, mamacawan iti kinadakes ken salungasing ken basol; ket iti uray caano dina canunungan ti nacabasol, ipasarungcarna iti kinadakes dagiti amma cadagiti annac, ken cadagiti annac dagiti annac, agpapan maicatlo ken cadagiti maicapat a caputotan.

Isaias 63:9

Iti amin a ladingitda isu napaladingit, ket ti angel ti saclangna insalacanna ida: iti ayatna ken iti asina sinubbotna ida; ket inawitna ida, ken imbagcatna ida cadagiti amin nga al-aldaw di ugma.

Dungdung-aw 3:22

Isu ti kinamanangngaasi ni Jehova a saantay a maibus, ta dagiti caasina saan nga aggibus.

Numero 14:18

Ni Jehova nabannayat nga agpungtot, ket aglablabonan iti caasi a naayat, mamacawan iti kinadakes ken iti kinasalungasing ket uray apagapaman dina baybay-an ti macabiddut, a pasarungcaranna ti kinadakes dagiti amma cadagiti annac, cadagiti maicatlo ken maicapat a caputotan.

San Lucas 18:13

Ngem di agsingsingir ti buis idinto nga adda iti adayu, dina maitangad man la coma dagiti matana sadi langit, no di ket dandanugenna ti barucongna, a cuncunana: Dios, mangngaasica caniac, a managbasol.

San Juan 6:44

Awan ti tao a macabalin nga umay caniac, no saan a guyuguyen ni Ama a nangibaon caniac, ket isu pagungarecto iti camaudianan nga aldaw.

Taga-Roma 9:18

Iti casta ngarud mangngaasi iti cayatna ket mangpatangken iti cayatna.

2 Taga-Corinto 1:3

Madaydayaw coma ti Dios ken Ama ni Apotayo a Jesu-Cristo, ti Ama dagiti asi, ken Dios ti amin a liwliwa;

Deuteronomio 4:31

Ta ni Jehova a Diosmo isu ti Dios a manangngaasi; dinacanto baybay-an wenno dadaelen, wenno lipaten ti tulag dagiti ammam, isu a nangisapata cadacuada.

Deuteronomio 5:15

Ket laglagipemto a maysaca met idi nga adipen iti daga nga Egipto, ket ni Jehova a Diosmo inaonnaca sadiay iti ima a mannacabalin ken tackiag a sitatag-ay: gapuna a ni Jehova a Diosmo imbilinna kenca a salimetmetam ti aldaw a panaginana.

Deuteronomio 6:21

Saoemto ngarud iti anacmo, Dacami idi dagiti ad-adipen ni Faraon sadi Egipto: ket ni Jehova inaonnacami sadi Egipto iti maysa a mannacabalin nga ima:

Deuteronomio 7:8

Ngem gapu ta ni Jehova ay-ayatennacayo ken gapu ta salimetmetanna ti cari nga insapatana cadagiti ammayo, iti ima a mannacabalin ti pinangaon ni Jehova cadacayo, ken pinangsubbotna cadacayo nanipud iti balay ti nacaadipnan iti ima ni Faraon nga ari ti Egipto.

Tito 3:5

Saan a gapu cadagiti ar-aramid ti kinalinteg nga inaramidtayo, no di ket cas iti mayannugot iti asina insalacannatayo, gapu iti paggugoran ti panagbalbaliw a pannacayanac ken ti panangpabaro ti Espiritu Santo,

Josue 6:22

Ket ni Josue kinunana cadagiti dua a tattao a nagsiim iti daga, Sumreccayo iti balay ti babai a balangcantis, ket iruaryo ditoy ti babai, ken isu-amin a cucuana, a cas insapatayo kencuana.

2 Pedro 2:7

Ket insalacanna ni nalinteg a Lot, a silaladingit unay gapu iti panagbiag a dinederrep dagiti managdacdackes.

2 Pedro 2:9

Ti Apo ammona nga isalacan dagiti nasingpet iti pannacasulisogda ken aywanan dagiti managdacdakes a maipaay iti pannacadusa, iti aldaw ti pannacaocom;