Genesis 18:2 - Ti Biblia (1973)

² Ket intangadna dagiti matana, ket kinitana, ket, adtoy, tallo a lallaki sitatacderda idi iti sangoananna; ket idi nakitana ida napan simmabet cadacuada nanipud iti ruangan ti sapaw, ket nagrucnoy agingga iti daga,

Ti Baro a Naimbag a Damag Biblia

² ket idi tumangad, nakitana ti tallo a lallaki a nakatakder. Timmaray a nangsabat kadakuada apaman a nakitana ida. Nagpakleb iti daga

Genesis 18:2 Iomraidhean Croise

Genesis 17:3

Ket ni Abram nagpacleb: ket ti Dios nagsao kencuana, a cunana,

Genesis 18:16

Ket dagiti lallaki timmacderda idiay, ket kinitada ti Sodoma, ket ni Abraham kimmuyog cadacuada a nangitulod cadacuada iti dana.

Genesis 18:22

Ket simmina idiay dagiti lallaki ket tinurongda ti Sodoma; ngem ni Abraham nagtactacder pay laeng iti sangoanan ni Jehova.

Genesis 18:3

Ket kinunana, Apoc, no ita nasaracac ti parabur cadagiti matam, dawatec kenca a dica labasan ti adipenmo:

Genesis 19:1

Ket dagiti dua nga angel dimtengda idiay Sodoma iti malem; ket ni Lot nagtugtugaw iti ruangan ti Sodoma; ket ni Lot nakitana ida, ket timmacder a sumabet cadacuada; ket intamedna ti rupana iti daga;

Genesis 23:12

Ket ni Abraham nagrucnoy iti sango dagiti umili iti daydi a daga.

Genesis 23:7

Ket ni Abraham timmacder, ket nagrucnoy cadagiti umili ti daydi a daga, cadagiti annac ni Heth.

Genesis 24:63

Ket napan nagpanunot ni Isaac iti away idi tagtagilineken ti init: ket intangadna dagiti matana, ket adtoy, nakitana dagiti camello sumungsungadda idi.

Genesis 32:24

Ket nabati ni Jacob a maymaysa; ket nakigubal kencuana ti maysa a lalaki agingga iti di nagbannawag.

Genesis 42:6

Ket ni Jose isu idi ti agturay sadiay a daga; isu idi ti aglaco cadagiti amin a tattao ti daga. Ket dimtengda dagiti cacabsat ni Jose, ket inrucnoyda kencuana dagiti ruprupada iti daga.

Genesis 43:26

Ket idi ni Jose immay iti balayna, impanda kencuana ti sagut nga adda idi cadacuada iti uneg ti balay, ket nagrucnoyda kencuana agingga iti daga.

Genesis 43:28

Ket kinunada, Ti adipenmo nga amami nasalun-at, nabiag pay. Ket indumogda dagiti ol-oloda, ket nagrucnoyda.

Genesis 44:14

Ket ni Juda ken dagiti cacabsatna napanda iti balay ni Jose; ket isu adda pay la sadiay idi: ket nagpaclebda iti sangoananna.

Genesis 48:12

Ket ni Jose innalana ida nanipud iti nagbaetan dagiti tumengna: ket intamedna ti rupana iti daga.

2 Ar-ari 2:15

Ket idi a dagiti annac dagiti mammadto nga addada idiay Jerico iti masangoananna isu ti makitada, kinunada, Ti Espiritu ni Elias agtalinaed ken ni Eliseo, ket immayda a simmabet kencuana, ket nagrucnoyda iti daga iti saclangna.

Taga-Roma 12:13

Makitulong cadagiti pacasapsapulan dagiti sasanto; naayat iti panagpadagus.

Hebreo 13:2

Dicay lipatan ti panangiparangyo iti ayat cadagiti gangannaet; ta gapu itoy dagiti dadduma pinadagusda dagiti angel, nga dida nadlawan.

Josue 5:13

Ket naaramid, nga idi a ni Josue adda iti denna ti Jerico, nga intangadna dagiti matana ket kimmita, ket adtoy, ti maysa a lalaki a nagtacder iti sangona a siaasut ti campilanna idi imana: ket ni Josue immasideg kencuana, ket kinunana kencuana, Sica cumapponca cadacami? wenno sica cumabusorca cadacami?

1 Pedro 4:9

Nga agpipinnadaguscayo nga awan tantanabutob:

Uk-ukom 13:3

Ket ti angel ni Jehova nagparang iti babai, ket kinunana kencuana, Adtoy ita, sica lupesca, ket dica naganac; ngem sica agsicogcanto, ket mangipasngaycanto iti anac a lalaki.

Ruth 2:10

Idin isu inrucnoyna ti rupana, ket nagrucob iti daga, ket kinunana kencuana, Apayapay a nacasaracac iti parabur iti imatangmo, a sica malasinnac, idinto a siac maysaac a gangannaet?