Genesis 17:1 - Ti Biblia (1973)

¹ Ket idi a ni Abram nagtawen iti siam a pulo ket siam, ni Jehova nagparang ken Abram, ket kinunana kencuana, Siac ti Dios a Mannacabalin amin; magnaca iti sangoc ket awan coma ti pagcurcurangam.

Ti Baro a Naimbag a Damag Biblia

¹ Idi agtawen ni Abram iti 99, nagparang ni Yahweh kenkuana. Kinunana, “Siak ti Dios a Mannakabalin-amin. Agtulnogka kaniak ket aramidem a kanayon ti naimbag.

Genesis 17:1 Iomraidhean Croise

Genesis 12:1

Ket ni Jehova kinunana ken Abram, Pumanawca iti dagam, ken cadagiti cabcabagiam, ken iti balay ni amam, ket mapanca iti daga nga ipakitacto kenca.

Genesis 12:7

Ket nagparang ni Jehova ken Abram, ket kinunana, Iti putotmo itedconto daytoy a daga: ket nangbangon idiay iti maysa nga altar ken Jehova, a nagparang kencuana idi.

Genesis 16:16

Ket ni Abram nagtawen iti walopulo ket innem, idi ni Agar inyanacna ken Abram ni Ismael.

Genesis 18:1

Ket ni Jehova nagparang kencuana iti caroblean ni Mamre, idi adda a situtugaw iti ruangan ti sapaw, iti capudot ti aldaw,

Genesis 18:14

Adda aya banag a naricut unay ken Jehova? Iti tiempo a nakedngan agsubliacto kenca, no madanon daytoy met la a tiempo, ket ni Sara addanto anacna.

Genesis 24:40

Ket sinungbatannac, Ni Jehova, nga iti sangona magnaac, ibaonnanto ti angelna a maicuyog kenca, ket pagasatennanto ti dalanmo; ket mangalacanto iti asawa a maipaay iti anacco cadagiti cacabagiac, ken iti balay ni amac:

Genesis 26:2

Ket ni Jehova nagparang kencuana, ket kinunana, Dica sumalog idiay Egipto; agtaengca iti daga nga ibagacto kenca:

Genesis 28:3

Ket ti Dios a Mannacabalin amin bendicionannaca coma, ket pagbungaennaca, ket pagaduennaca tapno sica agbalinca a bunggoy dagiti inilin-ili;

Genesis 35:11

Ket ti Dios kinunana kencuana, Siac ti Dios a Mannacabalin amin: agbungaca ket umaduca; ti maysa a nacion ken maysa bunggoy dagiti nasnacion agtauddanto kenca, ket ar-ari agtauddanto iti lasagmo;

Genesis 43:14

Ket ti Dios a Mannacabalin amin yetnagna coma cadacayo ti caasi iti sango daydiay a lalaki, tapno yawatna cadacayo daytay maysa a cabsatyo a lalaki ken ni Benjamin. Ket no maulilaac cadagiti annacco, maulilaac.

Genesis 46:3

Ket kinunana, Siac ti Dios, ti Dios ni amam: dica agbuteng a sumalog sadi Egipto; ta aramidencanto a dackel a nacion sadiay:

Genesis 48:15

Ket binendicionanna ni Jose, ket kinunana, Ti Dios nga iti sangona nagnagnaanda dagiti dadackelco a ni Abraham ken ni Isaac, ti Dios a manaraon caniac iti amin a panagbiagco agingga itoy nga aldaw,

Genesis 48:3

Ket ni Jacob kinunana ken Jose, Ti Dios a Mannacabalin amin nagparang caniac idiay Luza, sadiay daga a Canaan, ket binendicionannac.

Genesis 5:22

Ket ni Enoc nakipagna iti Dios, calpasan ti panangputotna ken Matusalem, iti tallogasut a tawen, ket pinutotna dagiti annac a lallaki ken babbai:

Genesis 5:24

Ket nakipagna ni Enoc iti Dios: ket nagawan: ta innala ti Dios.

Genesis 6:9

Dagitoy dagiti caputotan ni Noe. Ni Noe isu idi lalaki a nalinteg ken naananay cadagiti caputotanna: nakipagna ni Noe iti Dios.

1 Ar-ari 2:4

Tapno ni Jehova pasingkedanna coma ti saona a sinaona a maipanggep caniac, a kinunana, No dagiti annacmo aluadanda ti dalanda, a magnada iti sangoc iti kinapudno a buyogen ti amin a pusoda ken buyogen ti amin a cararuada, dicanto macurangan (kinunana) iti maysa a lalaki iti trono ti Israel.

1 Ar-ari 3:6

Ket ni Salomon kinunana, Sica impakitam ken adipenmo a David nga amac ti dackel a kinaimbag, a mayalubog iti pannagnana iti sangom iti kinapudno, ken iti kinalinteg, ken iti kinasingpet ti puso a kimmuyog kenca; ket inicutam a maipaay kencuana daytoy dackel a kinaimbag, ta isu ti iniccam iti maysa nga anac nga agtugaw iti tronona, a cas ita nga aldaw.

1 Ar-ari 8:25

Ita ngarud, O Jehova, a Dios ti Israel, salimetmetam ken adipenmo a David nga amac ti incarim kencuana, a kinunam, Saanto nga agcurang kenca ti maysa a lalaki iti imatangco nga agtugaw iti trono ti Israel, no la ket ta dagiti annacmo aluadanda ti dalanda, a magnada iti sangoc a cas pannagnam iti sangoc.

2 Ar-ari 20:3

Lagipem ita, O Jehova, gumawawaac kenca, no casano ti pannagnac idi ita saclangmo iti kinapudno ken iti maysa a puso a napalongdoan, ket inaramidco daydiay a naimbag ita imatangmo. Ket ni Ezekias nagsangit iti nasaem.

Ti Libro ni Job 1:1

Adda idi maysa a lalaki idiay daga nga Hus, a ti naganna Job: ket lalaki a napalongdo ken nalinteg, ken maysa a managaligaget iti Dios, ken linicilicanna ti dakes,

Ti Libro ni Job 11:7

Gapu iti panangbukibuc masaracam aya iti Dios? Masaracam aya a naan-anay ti Mannacabalin?

Dagiti Salmo 115:3

Ngem ti Diosmi adda cadagiti langlangit: inaramidna ti aniaman a kinayatna.

Dagiti Salmo 116:9

Magnaacto iti saclang ni Jehova iti daga dagiti nabiag.

Dagiti Salmo 25:14

Ti kinapagayam ni Jehova addanto cadagiti agbuteng kencuana; ket iparangnanto cadacuada ti tulagna.

Exodo 6:3

Ket siac nagparangac ken Abraham, ken Isaac ken Jacob, cas Dios a Mannacabalin amin; ngem iti naganco a Jehova saandac a naammoan.

Dagiti Proverbio 10:9

Ti magna a sililinteg magna a sitatalged; ngem ti mamadakes cadagiti daldalanna maammoanto.

Isaias 38:3

Ket kinunana, Lagipem ita, O Jehova, gumawawaac kenca, no casano ti pannagnac idi ita saclangmo iti kinapudno ken iti maysa a natarnaw a puso, ket inaramidco daydiay a naimbag ita imatangmo. Ket ni Ezekias nagsangit iti nasaem.

Jeremias 32:17

O Apo Jehova, adtoy, sica inaramidmo dagiti langlangit ken ti daga babaen ti dackel unay a pannacabalinmo ken babaen ti siuunat a tackiagmo; awan ti saanmo a cabaelan,

Daniel 4:35

Ket amin dagiti agnaed iti lubong maibilangda a cas awan; ken aramidenna cas pagayatanna iti buyot ti langit ken cadagiti agnaed iti daga; ket awan ti manglapped iti imana, wenno agcuna kencuana, Ania ti aramidem?

Mikias 6:8

Imparangna kenca, O tao, daydiay naimbag; ket ania aya ti iparebbeng ni Jehova kenca, no di laeng ti agaramid a sililinteg, ken iti kinamanangngaasi ken pannagna a sipapacumbaba iti Diosmo?

Numero 11:23

Ket ni Jehova kinunana ken Moises, Immababa aya ti ima ni Jehova? ita makitamto no ti saoc matungpalto wenno saan.

Numero 24:16

Cunana, Ti macangngeg cadagiti sasao ti Dios, Ken macaammo iti sirib ti Cangatoan unay, Ti macakita iti parparmata ti Mannacabalin-amin, Nagpasag, ket simumulagat dagiti matana:

San Mateo 19:26

Ket ni Jesus, minatmatanna ida, kinunana cadacuada: Cadagiti tao, daytoy saan a mabalin, ngem iti Dios isu-amin mabalin.

San Mateo 5:48

Agimbagcayo ngarud, nga awan pagcuranganna, a cas ken Amayo a nailangitan nga awan pagcuranganna.

San Lucas 1:6

Ket agpadpadada a nasingpet iti sangoanan ti Dios, a nagnagnada nga awan nacababalawanda, cadagiti amin a bilbilin ken linlinteg ti Apo.

Dagiti Aramid 23:1

Ket ni Pablo idi a minatmatanna daydi consejo, kinunana: Lal-laki a cacabsat, siac nagbiagac agraman nadalus a conciencia iti sangoanan ti Dios agingga itoy nga aldaw.

Dagiti Aramid 24:16

Ket gapu itoy siac agnanayon met nga agawaac ti maysa a conciencia nga awan coma ti pagbabawyanna iti maipapan iti Dios ken cadagiti tao.

Taga-Efeso 3:20

Ket iti daydiay mannacabalin nga agaramid iti di matucod nga ad-adu ngem iti dagup ti isu-amin a mabalintayo a dawaten, wenno panunuten, cas iti pannacabalin nga agaramid cadatayo,

Deuteronomio 10:17

Ta ni Jehova a Diosyo isu ti Dios dagiti didios, ken Apo dagiti ap-appo, ti dackel a Dios, ti mannacabalin, ken nacabutbuteng, nga awan idadumana a tao, wenno di agala iti panocsoc.

Deuteronomio 18:13

Sica napalungdocanto ken Jehova a Diosmo.

Deuteronomio 30:20

Ti panagayat ken Jehova a Diosmo, ti panagtungpal iti timecna, ken ti idedecket kencuana; ta isu ti biagmo, ken ti caatiddog dagiti al-aldawmo; tapno macapagnaedca iti daga a ni Jehova insapatana cadagiti ammam, a da Abraham, Isaac, ken Jacob, nga ited cadacuada.

Taga-Filipos 4:13

Mabalinac dagiti amin a banbanag gapu iti daydiay mamapigsa caniac.

Hebreo 12:28

Gapuna idinto nga awatentayo ti maysa a pagarian a saan a mabalin a garawen, agyamantayo coma, ket gapu itoy agdaydayawtayo iti Dios a macaay-ayo kencuana, a buyugen ti panagraem ken buteng:

Hebreo 7:25

Gapuna, mabalinna met nga isalacan agingga iti awan pagcuranganna dagiti umasideg iti Dios gapu kencuana, ta isu agbiag nga agnanayon tapno ibabaetna ida.