Genesis 15:5 - Ti Biblia (1973)

⁵ Ket impanna iti ruar, ket kinunana, Kitaem ita ti langit, ket bilangem dagiti bitbitwen, no mabalinmo a bilangen: ket kinunana kencuana, Castanto dagiti putotmo.

Ti Baro a Naimbag a Damag Biblia

⁵ Inruar ni Yahweh ni Abram ket kinunana, “Tumangadka ket padasem a bilangen dagiti bituen. Kastanto ti kaadu dagiti kaputotam.”

Genesis 15:5 Iomraidhean Croise

Genesis 12:2

Ket aramidencanto a dackel a pagarian, ket bendicionancanto, ket padackelecto, ti naganmo, ket sicanto ti maysa a bendicion:

Genesis 13:16

Ket pagbalinecto ti putotmo cas iti tapuc ti daga; a no adda macabilang iti tapuc ti daga, casta met ti putotmo mabilangto.

Genesis 16:10

Ket ti angel ni Jehova kinunana pay, Paaduecto unay ti putotmo, a dinto mabilang maipuon iti caaduda.

Genesis 17:2

Ket aramidecto ti pagtulaganta, ket pagaduencanto iti nawadwad unay.

Genesis 22:17

Iti panangbendicion bendicionancanto, ket iti pammaadu, paaduecto ti putotmo cas cadagiti bitbitwen ti langit, ken cas iti darat nga adda iti igid ti baybay; ket ti putotmo cucuananto dagiti ruangan dagiti cabusorna;

Genesis 26:4

Ket pagaduecto ti putotmo a cas cadagiti bitbitwen ti langit, ket itedconto iti putotmo amin dagitoy a dagdaga; ket amin a nasnacion iti daga mabendicionandanto iti putotmo;

Genesis 28:14

Ket dagiti putotmo casdanto cadagiti taptapuc ti daga, ket agwarascanto iti laud, ken iti daya, ken iti amianan, ken iti abagatan: ket amin dagiti famfamilia ditoy lubong mabendicionandanto kenca ken cadagiti putotmo.

Genesis 32:13

Ket imyan sadiay iti daydi a rabii, ket nangala cadagiti cucuana ti sagut nga ipaayna ken cabsatna nga Esau:

1 Ar-ari 3:8

Ket ti adipenmo adda iti tengnga ti ilim a pinilim, a maysa nga ili a dackel, nga isu ti saan a mabilangen ken mapocpoc agsipud iti kinaruay.

1 Cronicas 27:23

Ngem ni David saanna nga innala ti bilang dagiti agtawen iti duapulo ken agpababa, agsipud ta ni Jehova kinunana a pawadwadenna ti Israel a cas cadagiti bitbitwen ti langit.

Nehemias 9:23

Pinaadum met dagiti annacda a cas cadagiti bitbitwen ti langit, ket inserrecmo ida iti daga a nasaom cadagiti ammada, a sumrecda coma a mangtagicua ti dayta.

Ti Libro ni Job 35:5

Imatangam dagiti langlangit, ket kitaem; ket mingmingam dagiti tangatang, a nangatngatoda ngem sica.

Dagiti Salmo 147:4

Bilangenna ti dagup dagiti bitbituen; awaganna ida cadagiti naganda.

Exodo 32:13

Lagipem da Abraham, Isaac, ken Israel, nga ad-adipenmo, isuda a nangisapataam gapu kenca met laeng, ket kinunam cadacuada, Siac paaduecto dagiti putotyo a cas cadagiti bitbitwen sadi langit, ket amin daytoy a daga a sinasaoc itdecto cadagiti putotyo, ket tawidendanto nga agnanayon.

Isaias 51:2

Cumitacayo ken ni Abraham nga amayo, ken casta met ken ni Sara a nangipasngay cadacayo; ta idi isu maymaysa pay laeng, isu inayabac, ket isu binendicionac ken pinaaduc.

Jeremias 33:22

Cas iti buyot idiay langit a saan a mabilang, casta met ti darat ti baybay a di masucat; castanto ti panangpaaduc iti capuonan ni David nga adipenco, ken cadagiti Levitas nga agannong caniac.

Taga-Roma 4:18

Isu namati a siinanama iti saan a mainanaman, a maipoon iti pannacapagbalinna nga ama dagiti adu a nasnacion cas iti naisao kencuana: Cas cadagiti bitbituen ti caputotamto.

Deuteronomio 1:10

Ni Jehova a Diosyo pinagadunacayo, ket adtoy, ta ita cascayo la cadagiti bitbitwen sadi langit iti caadu.

Deuteronomio 10:22

Dagiti ammam simmalogda a napan sadi Egipto a pitopuloda a tattao; ket ita ni Jehova a Diosmo inaramidnaca a cas caadu dagiti bitbitwen sadi langit.

Hebreo 11:12

Gapuna met a dagiti cas la bitbituen ti caaduda, ket saanda a mabilang a cas la cadagiti darat nga adda iti igid ti baybay, nagtaudda iti maysa, ket daytoy cas la natayen, gapu iti kinalacayna.

Josue 24:3

Ket siac innalac idi ni amayo nga Abraham nanipud iti ballasiw ti Carayan, ket isu inyegco idi iti amin a daga ti Canaan, ket pinaaduc idi dagiti putputotna, ket intedco kencuana ni Isaac.