Genesis 13:2 - Ti Biblia (1973)

² Ket ni Abram nabacnang unay idi cadagiti an-animal, ken pirac, ken balitoc.

Ti Baro a Naimbag a Damag Biblia

² Baknang idin ni Abram. Adu ti karnero, kalding ken bakana agraman pirak ken balitok.

Genesis 13:2 Iomraidhean Croise

Genesis 12:16

Ket inaramidna ti naimbag ken Abram maipuon iti babai: ket adda carnerona idi, ken vaca, ken asno a calakian, ken ad-adipen a lallaki, ken ad-adipen a babbai, ken asno a cabaiyan, ken camello.

Genesis 13:6

Ket ti daga dina ida nalaon, tapno agnaedda nga agtitipon: ta ti sanicuada adu idi, isu a dida nacabalinan nga agnaed a nagtitipon.

Genesis 24:1

Ket ni Abraham lacayen, ket aduanen ti tawen: ket ni Jehova binendicionanna ni Abraham iti isu-amin.

Genesis 24:35

Ket ni Jehova binendicionanna iti adu ni apoc; ket nagbalinen a dackel: ket iniccanna cadagiti carcarnero, ken vacvaca, ken pirac ken balitoc, ken ad-adipen a lallaki ken babbai, ken camcamello ken as-asno.

Genesis 26:14

Ket naaddaan iti cucuana a pangpangen, ken ar-arban, ken adu a tattaona; ket dagiti Filisteos inagumanda.

Genesis 30:43

Ket ti lalaki dimmackel iti casta unay, ket aduda idi dagiti carcarnerona, ken ad-adipen a babbai ken ad-adipen a lallaki, ken camcamello ken as-asno.

Ti Libro ni Job 1:10

Dica aya nangaramid iti maysa nga alad iti aglicmut kencuana, ken aglicmut iti balayna, ken aglicmut ti amin a cupicupanna, iti tunggal sikigan? binendicionam, ti aramid dagiti imana, ket ti cucuana immaduda idiay daga.

Ti Libro ni Job 1:3

Ti sanicuana met pito ribu idi a carcarnero, ken tallo ribu a camcamello, ken limagasut a casangolan a vacvaca, ken limagasut nga as-asno, ken dackel unay a sangacabbalayan iti casta daytoy a tao ti cadackelan idi cadagiti amin nga annac ti daya.

Dagiti Proverbio 10:22

Ti bendicion ni Jehova ti mangpabacnang; ket saanna nga anayan iti ladingit.

San Mateo 6:33

Ngem birukenyo nga umuna ti pagarian ti Dios ken ti kinalintegna, ket isu-amin dagitoy a banbanag mainayondanto cadacayo.

Deuteronomio 8:18

Ngem laglagipemto ni Jehova a Diosmo ta isu ti mangted kenca iti bileg a mamaadda iti sanicua; tapno ibuangayna ti tulagna nga insapatana cadagiti ammam, cas iti daytoy nga aldaw.

1 Timoteo 4:8

Ta ti panangwatwat iti bagi bassit ti magonggona; ngem ti kinasanto mangted ti gonggona iti isu-amin, ta adda cari iti biag nga agdama, ken iti mapasungad.

1 Samuel 2:7

Ni Jehova mamapanglaw, ken mamabacnang: isu mangipababa, ken mangingato met.