Genesis 13:16 - Ti Biblia (1973)

¹⁶ Ket pagbalinecto ti putotmo cas iti tapuc ti daga; a no adda macabilang iti tapuc ti daga, casta met ti putotmo mabilangto.

Ti Baro a Naimbag a Damag Biblia

¹⁶ Paraburankanto iti adu a kaputotan. Awanto ti makabilang iti kaaduda ket nalaklakanto a bilangen ti tapok iti daga.

Genesis 13:16 Iomraidhean Croise

Genesis 15:5

Ket impanna iti ruar, ket kinunana, Kitaem ita ti langit, ket bilangem dagiti bitbitwen, no mabalinmo a bilangen: ket kinunana kencuana, Castanto dagiti putotmo.

Genesis 16:10

Ket ti angel ni Jehova kinunana pay, Paaduecto unay ti putotmo, a dinto mabilang maipuon iti caaduda.

Genesis 17:16

Ket bendicionacto, ket casta met nga iccancanto iti yanacna a lalaki: pudno, bendicionacto, ket isunto ti ina dagiti pagpagarian: ar-ari dagiti il-ili agtauddanto kencuana.

Genesis 17:2

Ket aramidecto ti pagtulaganta, ket pagaduencanto iti nawadwad unay.

Genesis 17:20

Ket maipanggep ken Ismael, dinengngegca: adtoy, binendicionacon, ket aramidecto nga agbunga, ket pagaduecto iti dackel unay; sangapulo ket dua a pangpangolo putotennanto.

Genesis 17:6

Ket pagbungaencanto iti nawadwad unay, ket aramidencanto a pagpagarian, ket ar-ari agtauddanto kenca.

Genesis 18:18

Idinto nga agbalinto a di bumurong ni Abraham a dackel ken napigsa a nacion, ket idinto a benditonto kencuana ti isu-amin dagiti nasnacion ti daga?

Genesis 21:13

Ket casta met ti anac ti adipen pagbalinecto a nacion, agsipud ta putotmo.

Genesis 22:17

Iti panangbendicion bendicionancanto, ket iti pammaadu, paaduecto ti putotmo cas cadagiti bitbitwen ti langit, ken cas iti darat nga adda iti igid ti baybay; ket ti putotmo cucuananto dagiti ruangan dagiti cabusorna;

Genesis 26:4

Ket pagaduecto ti putotmo a cas cadagiti bitbitwen ti langit, ket itedconto iti putotmo amin dagitoy a dagdaga; ket amin a nasnacion iti daga mabendicionandanto iti putotmo;

Genesis 28:14

Ket dagiti putotmo casdanto cadagiti taptapuc ti daga, ket agwarascanto iti laud, ken iti daya, ken iti amianan, ken iti abagatan: ket amin dagiti famfamilia ditoy lubong mabendicionandanto kenca ken cadagiti putotmo.

Genesis 28:3

Ket ti Dios a Mannacabalin amin bendicionannaca coma, ket pagbungaennaca, ket pagaduennaca tapno sica agbalinca a bunggoy dagiti inilin-ili;

Genesis 32:12

Ket sica sinaom, Di bumurong a paimbagencanto, ket aramidecto a ti putotmo cas la darat ti baybay, a di mabilang gapu iti caadu.

Genesis 32:13

Ket imyan sadiay iti daydi a rabii, ket nangala cadagiti cucuana ti sagut nga ipaayna ken cabsatna nga Esau:

Genesis 35:11

Ket ti Dios kinunana kencuana, Siac ti Dios a Mannacabalin amin: agbungaca ket umaduca; ti maysa a nacion ken maysa bunggoy dagiti nasnacion agtauddanto kenca, ket ar-ari agtauddanto iti lasagmo;

Genesis 46:3

Ket kinunana, Siac ti Dios, ti Dios ni amam: dica agbuteng a sumalog sadi Egipto; ta aramidencanto a dackel a nacion sadiay:

1 Ar-ari 3:8

Ket ti adipenmo adda iti tengnga ti ilim a pinilim, a maysa nga ili a dackel, nga isu ti saan a mabilangen ken mapocpoc agsipud iti kinaruay.

1 Ar-ari 4:20

Ket ti Juda ken ti Israel aduda a cas cadagiti darat nga adda iti igid ti baybay iti kinaruay, a mangmanganda, ken agiinumda ken agragragsacda.

2 Ar-ari 13:23

Ngem ni Jehova naparabur idi cadacuada, ken nangngaasi cadacuada, ket impategna ida, a gapu iti tulagna cada Abraham, Isaac, ken Jacob, ket dina kinayat a dinadael ida, dina pinagtalaw ida iti sangona aginggana ita.

1 Cronicas 21:5

Ket ni Joab intedna ti dagup ti bilang ti umili ken David. Ket isuda amin ti Israel adda idi sangariuriu ket sangagasut a ribu a lallaki a nagtagicampilan: ket ti Juda uppat a gasut ket pitopulo a ribu a lallaki a nagtagicampilan.

1 Cronicas 27:23

Ngem ni David saanna nga innala ti bilang dagiti agtawen iti duapulo ken agpababa, agsipud ta ni Jehova kinunana a pawadwadenna ti Israel a cas cadagiti bitbitwen ti langit.

2 Cronicas 1:9

Ita, O Jehova a Dios, pasingkedam coma ti carim ken David nga amac; ta pinagarinac iti maysa nga umili a cas iti tapoc ti daga iti caaduda.

Ti Libro ni Job 5:25

Maammoamto met a ti putotmo dackelto, ken ti caputotam a cas ti root ti daga.

Exodo 1:7

Ket dagiti annac ni Israel immaduda, ket wimmadwadda iti casta unay, ket nabungada ket nagbalinda a naglablabes iti pannacabalin; ket ti daga napusec cadacuada.

Exodo 32:13

Lagipem da Abraham, Isaac, ken Israel, nga ad-adipenmo, isuda a nangisapataam gapu kenca met laeng, ket kinunam cadacuada, Siac paaduecto dagiti putotyo a cas cadagiti bitbitwen sadi langit, ket amin daytoy a daga a sinasaoc itdecto cadagiti putotyo, ket tawidendanto nga agnanayon.

Jeremias 33:22

Cas iti buyot idiay langit a saan a mabilang, casta met ti darat ti baybay a di masucat; castanto ti panangpaaduc iti capuonan ni David nga adipenco, ken cadagiti Levitas nga agannong caniac.

Numero 23:10

Asino ti macabalin a mangbilang iti tapoc ni Jacob, Wenno mangbilang iti apagcapat ti Israel? Matayac coma iti patay dagiti nasingpet, Ket ti maudi a tungpalco cas coma kencuana!

Deuteronomio 1:10

Ni Jehova a Diosyo pinagadunacayo, ket adtoy, ta ita cascayo la cadagiti bitbitwen sadi langit iti caadu.

Hebreo 11:12

Gapuna met a dagiti cas la bitbituen ti caaduda, ket saanda a mabilang a cas la cadagiti darat nga adda iti igid ti baybay, nagtaudda iti maysa, ket daytoy cas la natayen, gapu iti kinalacayna.

Paltiing 7:9

Calpasan dagitoy, kimmitaac, ket adtoy, ti umariwecwec, nga awan ti nacabalin a bumilang, a naggapuda cadagiti isu-amin a pagarian ken tribu ken il-ili ken pagsasao, nga agtatacderda iti sangoanan di trono ken iti sangoanan daydi Cordero, a nagcawesda cadagiti pagananay a puraw, ket adda palpalma cadagiti im-imada;

Uk-ukom 6:3

Ket naaramid idi, a no ti Israel macamulada, dagiti Madianitas sumang-atda, ken dagiti Amalecitas, ken dagiti annac a taga daya, isuda sumang-atda a maibusor cadacuada;

Uk-ukom 6:5

Ta isuda sumang-atda agraman an-animalda ken toltoldada; simrecda a casdala duddudon iti caaduda, isuda ken camcamelloda a saan ida a mabilang: ket umayda iti daga a mangdadael kencuana.