Genesis 13:10 - Ti Biblia (1973)

¹⁰ Ket intannawag ni Lot dagiti matana, ket nakitana amin ti Tanap ti Jordan, nga nasayaat ti pannacapadanumda iti isu-amin a disso idi saan pay a dinadael ni Jehova ti Sodoma ken ti Gomorra, cas ti minuyongan ni Jehova, cas ti daga nga Egipto, no cas sumrecca idiay Zoar.

Ti Baro a Naimbag a Damag Biblia

¹⁰ Inwaras ni Lot ti panagkitana ket naimatanganna ti entero a Tanap ti Jordan agingga idiay Zoar. Adu ti danumna a kas iti Minuyongan ni Yahweh wenno ti daga ti Egipto. (Saan pay idi a nadadael dagiti siudad ti Sodoma ken Gomorra.)

Genesis 13:10 Iomraidhean Croise

Genesis 11:27

Ngarud dagitoy dagiti caputotan ni Tare. Ni Tare pinutotna ni Abram ni Nacor ken ni Haran; ket ni Haran pinutotna ni Lot.

Genesis 13:11

Iti casta ni Lot pinilina a cucuana amin ti Tanap ti Jordan; ket nagna ni Lot a nagpadaya: ket nagsinada ti maysa ken maysa.

Genesis 13:9

Awan aya ti amin a daga iti sangoanam? Dawatec kenca, a suminaca cadi caniac; no mapancanto iti akincatigid, siac mapanacto ngarud iti akincanawan wenno no piliemto ti akincanawan, mapanacto ngarud iti makincatigid.

Genesis 14:2

A namuangayda iti gubat a maibusor ken Bera nga ari ti Sodoma, ken Birsa nga ari ti Gomorra, ken ni Sinab nga ari ti Adma, ken Semeber nga ari ti Seboim, ken ti ari ti Bela (nga isu Zoar).

Genesis 14:8

Ket rimmuar ti ari ti Sodoma, ken ti ari ti Gomorra, ken ti ari ti Adma, ken ti ari ti Seboim, ken ti ari ti Bela (nga isu ti Zoar); ket inornosda ti bacal a bumusor cadacuada idiay lobong ti Siddim;

Genesis 3:6

Ket idi ti babai nakitana nga ti cayo nasayaat a canen, ken macaayayo a buyaen ken cayo a macagargari a mamagsirib, pimmuros iti bungana ket nangan, casta met iniccanna ni asawana ket isu nakipagcaan met.

Genesis 47:6

Ti daga nga Egipto adda iti saclangmo; iti casaysayaatan ti daga pagnaedem ni amam ken dagiti cacabsatmo; iti daga a Gosen agnaedda coma: ket no adda ammom a nasalucag cadacuada, mangicabilca nga rud cadacuada ti agaywan cadagiti an-animalco.

Genesis 6:2

Nga idi dagiti lallaki nga annac ti Dios nakitada ti kinapintas dagiti babbai nga annac dagiti tattao pimmilida cadacuada, dagiti kinayatda, nga asawaenda.

1 Ar-ari 7:46

Iti tanap ti Jordan ti nagpasocogan cadacuada ti ari, iti daga a pila iti nagbaetan ti Soccot ken Sartan.

Ti Libro ni Job 40:23

Adtoy, no maysa a carayan aglabiang, isu ti di agpigerger; isu natalged, nupay no ti Jordan dumackel met laeng agingga iti ngiwatna.

Dagiti Salmo 107:34

Daga a pagapapitan, a naapaya a daga, gapu iti kinadakes dagiti agnaed cadacuada.

Isaias 15:5

Ti pusoc agickis a gapu iti Moab; dagiti natacnengna tumarayda agingga ti Zoar, agingga iti Eglath-shelishiyah: ta iti sasang-atan ti Luhith sumang-atda a sisasangit; ta iti dalan ti Horonaim inriawda iti maysa nga ickis ti pannacarba.

Isaias 51:3

Ta ni Jehova liniwliwana ti Sion, isu liniwliwana dagiti amin a dissona a nalangalang, ken inaramidna dagiti let-angna a cas la Eden, ken ti cadaratan a tay-acna a cas minuyongan ni Jehova; rag-o ken ragsac masaracanto idiay, panagyaman ken ti timec ti canta.

Jeremias 48:34

Manipud iti ickis ti Hesbon agingga met laeng iti Eleale, ken agingga met laeng iti Jaaz nagtimecda, manipud Zoar agingga met laeng iti Horonaim agingga iti Eglat-shelishiya; ta dagiti dandanum ti Nimrim agbalindanto met a langalang.

Ezekiel 16:46

Ket ti cabsatmo a babai nga inauna isu ti Samaria, nga agnaed iti macatigidmo, isu ken dagiti annacna a babbai: ket ti inaudi a cabsatmo a babai, nga agnaed iti macanawanmo isu ti Sodoma ken dagiti annacna a babbai.

Ezekiel 16:49

Adtoy, daytoy ti kinadangkes ni cabsatmo a babai a Sodoma: kinacuspag, kinabuslon iti tinapay, ken nalabes a kinatalged ti adda kencuana ken cadagiti annacna a babbai; ket saanna met a pinapigsa ti ima dagiti napanglaw ken addaan pannacasapul.

Ezekiel 28:13

Addaca idi idiay Eden, a minuyongan ti Dios; tunggal napateg a bato isu ti abbongmo, sardio, topacio, ken ti diamante, ti berilo, ti onix, ken ti jaspe, ken ti zafiro, ti esmeralda ken ti carbunculo, ken balitoc: ti pannacaaramid dagiti panderetam ken dagiti pito adda idi kenca; idi aldaw a pannacaparsuam isuda naisaganada.

Ezekiel 31:8

Dagiti cantingen iti minuyongan ti Dios isu saanda a nabalin nga inatiw; dagiti caycayo a parwa saanda idi a cas cadagiti sangana, ket dagiti caycayo ti castano saanda idi a cas cadagiti sangana; ket awan met idi ti aniaman a cayo iti minuyongan ti Dios a cas kencuana iti kinasayaatna.

Ezekiel 31:9

Isu inaramidco a naimnas gapu iti caadu dagiti sangana, tapno, iti casta amin a caycayo ti Eden, nga adda idi iti minuyongan ti Dios, immapalda kencuana.

Ezekiel 47:18

Ket ti makindaya a sikigan, iti nagbaetan ti Hauran ken Damasco ken Galaad ken ti daga ti Israel, isunto ti Jordan; manipud iti makinamianan a beddeng, agingga iti makindaya a baybay rucodenyonto. Daytoy ti makindaya a sikigan.

Joel 2:3

Maysa nga apuy aglamut iti sangoananda; ket iti licudanda maysa a gil-ayab a mangoram; ti daga cas ti minuyungan ti Eden iti sangoananda, ket iti licudanda maysa a langalang a let-ang, wen, ket awan ti nacatalaw cadacuada.

Deuteronomio 34:3

Ken ti Abagatan, ken ti Tanap ti lobong ti Jerico nga ili a capalmaan, inggana iti Soar.