Genesis 12:2 - Ti Biblia (1973)

² Ket aramidencanto a dackel a pagarian, ket bendicionancanto, ket padackelecto, ti naganmo, ket sicanto ti maysa a bendicion:

Ti Baro a Naimbag a Damag Biblia

² Paraburankanto iti adu nga annak ken appoko ket agbalindanto a dakkel a pagilian. Bendisionankanto ket agdinamagto ti naganmo tapno mausar ti naganmo a pagbendision.

Genesis 12:2 Iomraidhean Croise

Genesis 13:16

Ket pagbalinecto ti putotmo cas iti tapuc ti daga; a no adda macabilang iti tapuc ti daga, casta met ti putotmo mabilangto.

Genesis 15:5

Ket impanna iti ruar, ket kinunana, Kitaem ita ti langit, ket bilangem dagiti bitbitwen, no mabalinmo a bilangen: ket kinunana kencuana, Castanto dagiti putotmo.

Genesis 17:20

Ket maipanggep ken Ismael, dinengngegca: adtoy, binendicionacon, ket aramidecto nga agbunga, ket pagaduecto iti dackel unay; sangapulo ket dua a pangpangolo putotennanto.

Genesis 18:18

Idinto nga agbalinto a di bumurong ni Abraham a dackel ken napigsa a nacion, ket idinto a benditonto kencuana ti isu-amin dagiti nasnacion ti daga?

Genesis 18:19

Ta siac am-ammoc, nga ibilinnanto cadagiti annacna ken iti balayna iti calpasanna, ket surotenda ti dalan ni Jehova, nga aramidenda ti kinalinteg ken pangngocom; tapno tungpalen ni Jehova ken Abraham ti nasaona kencuana.

Genesis 19:29

Ket naaramid nga, idi pinucaw ti Dios dagiti il-ili iti Tanap, ti Dios nalagipna ni Abraham, ket pinapanawna ni Lot iti tengnga ti pannacapucaw, idi rineb-bana dagiti il-ili a nagnaedan ni Lot.

Genesis 24:1

Ket ni Abraham lacayen, ket aduanen ti tawen: ket ni Jehova binendicionanna ni Abraham iti isu-amin.

Genesis 24:35

Ket ni Jehova binendicionanna iti adu ni apoc; ket nagbalinen a dackel: ket iniccanna cadagiti carcarnero, ken vacvaca, ken pirac ken balitoc, ken ad-adipen a lallaki ken babbai, ken camcamello ken as-asno.

Genesis 25:11

Ket naaramid nga, iti calpasan ti ipapatay ni Abraham, binendicionan ti Dios ni Isaac nga anacna: ket ni Isaac nagtaeng iti asideg ti Beer-lahairoi.

Genesis 26:3

Agnaedca iti daytoy a daga, ket siac addaacto kenca, ket bendicionancanto; ta kenca ken iti putotmo itedconto amin dagitoy a dagdaga, ket patalgedacto ti sapata nga insaptac ken Abraham nga amam;

Genesis 26:4

Ket pagaduecto ti putotmo a cas cadagiti bitbitwen ti langit, ket itedconto iti putotmo amin dagitoy a dagdaga; ket amin a nasnacion iti daga mabendicionandanto iti putotmo;

Genesis 27:29

Agservida coma kenca dagiti il-ili, Ken nasnacion agrucnoyda coma kenca: Agbalinca coma nga apo dagiti cacabsatmo, Ket agrucnoy coma kenca dagiti annac ni inam: Mailunod coma ti tunggal maysa a mangilunod kenca, Ket bendito coma ti tunggal maysa a mangbendicion kenca.

Genesis 28:14

Ket dagiti putotmo casdanto cadagiti taptapuc ti daga, ket agwarascanto iti laud, ken iti daya, ken iti amianan, ken iti abagatan: ket amin dagiti famfamilia ditoy lubong mabendicionandanto kenca ken cadagiti putotmo.

Genesis 35:11

Ket ti Dios kinunana kencuana, Siac ti Dios a Mannacabalin amin: agbungaca ket umaduca; ti maysa a nacion ken maysa bunggoy dagiti nasnacion agtauddanto kenca, ket ar-ari agtauddanto iti lasagmo;

Genesis 46:3

Ket kinunana, Siac ti Dios, ti Dios ni amam: dica agbuteng a sumalog sadi Egipto; ta aramidencanto a dackel a nacion sadiay:

2 Samuel 7:9

Ket addaac idi kenca iti uray sadino a napnapanam, ket iti sangoanam kineltayco amin dagiti cabusormo; ket pinagbalinca a nagan a dackel, a cas iti nagan dagiti dadackel, nga addada ditoy daga.

1 Ar-ari 1:47

Ket maysa pay dagiti adipen ti ari immayda tapno bendicionanda ni ari David nga apotayo, a kinunada, Ti Diosmo aramidenna coma ti nagan ni Salomon a naimimbag ngem iti naganmo, ken aramidenna coma ti tronona a dacdackel ngem iti tronom: ket ti ari nagrucob iti pagiddaan.

Ti Libro ni Job 35:8

Ta kinadangcocmo malinna ti mangranggas iti maysa a tao a cas kenca; ket ta kinalintegmo mabalinna ti manggunguna iti anac a lalaki ti tao.

Dagiti Salmo 107:38

Isu bendicionanna met ida, tapno umaduda unay; ket saanna nga ituloc a macraayan dagiti an-animalda.

Exodo 1:7

Ket dagiti annac ni Israel immaduda, ket wimmadwadda iti casta unay, ket nabungada ket nagbalinda a naglablabes iti pannacabalin; ket ti daga napusec cadacuada.

Exodo 32:10

Isu ti gapuna ita nga bay-annac, tapno bumara ti pungtotco cadacuada, ken tapno ibusec ida: ket sica ti aramidecto a dackel a nacion.

Isaias 51:2

Cumitacayo ken ni Abraham nga amayo, ken casta met ken ni Sara a nangipasngay cadacayo; ta idi isu maymaysa pay laeng, isu inayabac, ket isu binendicionac ken pinaaduc.

Ezekiel 34:26

Ket aramidecto ida a bendicion ken dagiti disso iti aglicmut ti turodco; ket pagarbisecto iti pannawen a nakedngan; addanto ar-arbis ti bendicion.

Mikias 7:20

Tungpalemto ti pudno ken Jacob, ken ti kinamanagayat ken Abraham, isu nga insapatam cadagiti ammami nanipud cadagidi al-aldaw idi punganay.

Zacarias 8:13

Ket maaramidto nga idinto a dacayo idi ti cas maysa a lunod iti tengnga dagiti nasnacion, O balay ti Juda ken balay ti Israel, casta ti panangisalacanconto cadacayo, ket dacayonto ti maysa a bendicion. Dicayo agbuteng, no di ket papigsaenyo coma dagita im-imayo.

Numero 14:12

Didigraecto ida iti angol, ket diacto pagtawiden ida, ket aramidencanto a maysa a nacion a dacdackel ken manmannacabalin ngem isuda.

Numero 22:12

Ket ti Dios kinunana ken Balaam. Sica dicanto mapan cumuyog cadacuada, sica dicanto ilunod ti ili; ta isuda benditoda.

Numero 23:20

Adtoy, Inawatco ti bilin a mamendicion: Ket isu binendicionanna, ket diac mabalin a baliwan.

Taga-Roma 4:11

Ket inawatna ti pagilasinan ti pannacacugit, a cas tanda ti kinalinteg ti pammati a cupcupicupanna idi di-pay nacugit; tapno isu coma idi ti ama dagiti amin a mamati, uray pay saanda a nacugit: tapno maibilang cadacuada a kinalinteg:

Taga-Galacia 3:14

Tapno ti bendicion ni Abraham umay cadagiti Gentil, gapu ken Jesu-Cristo tapno awatentayo ti cari ti Espiritu gapu iti pammati.

Taga-Galacia 3:7

Ammoenyo ngarud a dagiti mammati, isuda dagiti annac ni Abraham.

Deuteronomio 26:5

Ket sumungbatcanto, ket cunamto iti sango ni Jehova a Diosmo, Maysa a taga Siria a nganngani matay isu idi ni amac; ket simmalog a napan iti Egipto, ket nagnaed idiay, bassit iti bilang; ket nagbalin a maysa a nacion sadiay, dackel, mannacabalin ken adu a tattao.