Genesis 11:4 - Ti Biblia (1973)

⁴ Ket kinunada, intayon mangbangontayo coma iti maysa a ciudad, ken maysa a torre, a dumanon coma ti tuctocna sadi langit, ket aramidentayo ti pacaidayawantayo; di la ket ta maiwaraswarastayo iti rabaw ti langa ti amin a daga.

Ti Baro a Naimbag a Damag Biblia

⁴ Kinunada, “Ita, mangbangontayo iti siudad nga addaan iti torre a dumanon idiay langit tapno agbalintayo a nalatak ket ditay masinasina iti entero a daga.”

Genesis 11:4 Iomraidhean Croise

Genesis 6:4

Adda cadagidi nga aldaw dagiti gigante iti daga, ket casta met iti calpassanna, ta idi simrec dagiti lallaki nga annac ti Dios cadagiti babbai nga annac dagiti tatao, ket nagputotda cadagiti annac: dagitoy isuda idi dagiti mannacabalin a tattao nga adda idi ugma, dagiti lallaki a nagdindinamag:

2 Samuel 8:13

Ket ni David napadayawan ti naganna idi nagsubli a naggapu iti nangcabilanna cadagiti Sirios idiay Lobong ti Asin, cadagiti sangapulo ket walo a ribu a lallaki met laeng.

Dagiti Salmo 107:26

Umalimpatocda nga agpalangit, sada manen agpababa cadagiti yuyeng: ti cararwada malunag gapu iti ducot.

Dagiti Salmo 92:9

Ta, ni, dagiti cabusormo, O Jehova, ta, ni, dagiti cabusormo mapucawdanto; amin dagiti agar-aramid iti kinadangkes mawarawaradanto.

Dagiti Proverbio 10:7

Ti pacalaglagipan ti nalinteg nagasat; ngem ti nagan ti nadangkes aglungsotto.

Jeremias 51:53

Nupay no ti Babilonia ngumato coma agingga iti langit, ket nupay no palagdaenna ti cangato ti pigsana, nupay casta iti biangco umayto kencuana dagiti mangdadael, cuna ni Jehova.

Daniel 4:11

Dimmackel daytoy a cayo, ket simmickil, ket ti cadackelna dimmanon agingga iti langit, ket isu makita iti amin nga ungto daytoy daga.

Daniel 4:22

Sica met laeng, O ari, a dimmackelca ket nagbalinca a napigsa; immadda ti tan-ocmo, ket dumanon iti langit, ket ti panagturaymo agingga iti pagpatingaan ti daga.

Daniel 4:27

Gapuna, O ari, nga anamungam coma toy balacadco, ket isinam dagiti basolmo babaen ti kinalinteg, ken dagiti babacmo iti panangiparangmo iti asi cadagiti napanglaw: bareng no mapaatiddug ti kinatalnam.

Daniel 4:30

Nagsao ti ari ket kinunana, Saan aya a daytoy ti dackel a Babilonia a binangonco a maipaay iti palacio a naarian, babaen ti bileg ti pannacabalinco a maipaay iti dayag toy kinatan-occo?

San Lucas 1:51

Dackel ti gapuanan ti tackiagna: Winarawarana dagiti nacuspag iti panagpanpanunot dagiti pusoda.

San Juan 5:44

Casano ti pannacabalinna a mamaticayo, nga awatenyo ti dayaw iti maysa ken maysa, ket dicay biruken ti dayaw nga aggapu iti maymaysa laeng a Dios?

Deuteronomio 1:28

Adino ti papanantayo? Dagiti cacabsatmi pinaggarawda dagiti puspusomi a kinunada, Dagiti tattao daddadackel ken nataytayagda ngem datayo: dagiti il-ili dadackelda ken nabacudanda inggana sadi langit: ket maysa pay, nakitami dagiti annac dagiti Anaceos sadiay.

Deuteronomio 4:27

Ket ni Jehova iwarwarasnacayto iti baet dagiti il-ili, ket agbalincayto a bassit ti bilangna iti baet dagiti nasnacion, a pangipananto cadacayo ni Jehova.

Deuteronomio 9:1

Denggem, O Israel: masapul a lumasatca iti a Jordan iti daytoy nga aldaw, tapno sumrecca a mamasia cadagiti nasnacion a daddadackel ken manmannacabalin ngem sica met laeng, il-ili a dadackel ken nasarikedkedan agingga iti langit,