Genesis 10:5 - Ti Biblia (1973)

⁵ Dagitoy ti nacabingbingayan dagiti purpuro dagiti pagpagarian iti dagdagada, tunggal maysa cas iti pagsasaona, mayannurot cadagiti familiada, cadagiti pagpagarianda.

Ti Baro a Naimbag a Damag Biblia

⁵ Isuda dagiti kapuonan dagiti agnaed iti igid ti baybay ken kadagiti isla. Dagitoy dagiti kaputotan ni Jafet nga agnaed kadagiti bukodda a tribu ken il-ili ken addaan iti bukod a pagsasao.

Genesis 10:5 Iomraidhean Croise

Genesis 10:20

Dagitoy dagiti lallaki nga annac ni Cam, cas cadagiti familiada, mayannurot cadagiti pagsasaoda, cadagiti dagdagada, cadagiti pagpagarianda.

Genesis 10:25

Ket ken Jeber naiputot ti dua nga annac a lallaki: ti nagan ti maysa Peleg; ta cadagiti aldawna nabingay ti daga; ket ti nagan ti lalaki a cabsatna Joctan.

Genesis 10:32

Dagitoy dagiti familia dagiti lallaki nga annac ni Noe, a mayannurot cadagiti caputotanda, cadagiti pagpagarianda: ket cadagitoy nabingay dagiti pagpagarian iti daga iti calpasan ti layus.

Genesis 10:4

Ket dagiti lallaki nga annac ni Javan: ni Elisa, ken Tarsis, ken Cetim, ken Dodanim.

Genesis 10:6

Ket dagiti lallaki nga annac ni Cam: ni Cus, ken Mizraim, ken Fut, ken Canaan.

Genesis 9:19

Dagitoy tallo isuda dagiti lallaki nga annac ni Noe: ket cadagitoy nasacnapan iti amin a daga.

Ester 10:1

Ket nangicabil ni ari Asuero iti maysa a pagpabuis iti daga, ken cadagiti purpuro ti taaw.

Dagiti Salmo 72:10

Dagiti ar-ari idiay Tarsis ken dagiti purpuro agbuisdanto: dagiti ar-ari ti Sheba ken Seba agipaaydanto cadagiti sagsagut.

Isaias 11:11

Ket maaramidto iti dayta nga aldaw, a ti Apo isaadnanto manen ti imana iti maicadua a daras a mangsubbot iti matda iti ilina, dagiti maitiddanto nga aggapu iti Asiria, ken aggapu iti Egipto, ken aggapu iti Patros, ken aggapu iti Cus, ken aggapu iti Elam, ken aggapu iti Sinar, ken aggapu iti Amat, ken cadagiti purpuro ti baybay.

Isaias 24:15

Gapuna nga idaydayawyo ni Jehova iti daya, iti nagan met laeng ni Jehova, a Dios ti Israel cadagiti purpuro ti taaw.

Isaias 40:15

Adtoy, dagiti nasnacion casda la sangcatedted ti maysa a timba, ken naibilangda a cas nalapat a tapoc ti timbengan: adtoy, isu iccatenna dagiti purpuro a cas maysa a bassit a banag.

Isaias 41:5

Dagit purpuro nakitada, ket agbutengda; dagiti pungto ti daga agkintayegda; umasidegda, ken dumtengda.

Isaias 42:10

Icantaanyo ni Jehova iti maysa a baro a canta, ken ti dayawna manipud iti pungto ti daga; dacayo a bumaba iti baybay, ken amin dagiti adda kencuana, dagiti purpuro, ken dagiti agnaed kencuana.

Isaias 42:4

Isu saanto a cumapuy ket di met maupay agingga iti maisaadna ti kinajusticia iti daga; ken dagiti purpuro urayendanto ti lintegna.

Isaias 49:1

Timudendac, O purpuro; ken dumngegcayo nga inilin-ili manipud adayu: ni Jehova inayabannac nanipud iti aanacan, nanipud iti tian ni inac nasasaon ti naganco:

Isaias 51:5

Ti kinalintegco asideg, ti panangisalacanco rimmuaren, ken dagiti tackiagco ocomendanto dagiti inilin-ili dagiti purpuro urayendacto, ken agtalecdanto cadagiti tackiagco.

Isaias 59:18

Cas cadagiti aramidda, iti mayanatop manggungunanto, ti pungtot cadagiti casupadina, supapacannanto dagiti cabusorna; cadagiti purpuro itdennanto ti gunguna.

Isaias 60:9

Pudno a dagiti purpuro agpannuraydanto caniac, ket dagiti sasacayan ti Tarsis nga umuna, a mangyeg cadagiti annacmo a lallaki nga aggapu ti adayu, ti piracda ken balitocda agraman cadacuada, maipaay iti nagan ni Jehova a Diosmo, ken maipaay iti Santo ti Israel, agsipud ta isu ti nangpadayag kenca.

Jeremias 2:10

Ta incayo cadagiti purpuro idiay Kitim, ket kitaenyo; ket ibaonyo idiay Cedar, ket utobenyo a sireregta, ket imutectecanyo no adda idi ti castoy a banag.

Jeremias 25:22

Ken amin dagiti ari tiTiro, ken amin dagiti ari ti Sidon, ken dagiti ari ti puro isu nga adda iti ballasiw ti baybay;

Ezekiel 26:15

Castoy ti cuna ni Apo Jehova iti Tiro: Saanto aya nga agkintayeg dagiti purpuro iti daranudor ti pannacatuangmo, intono dagiti nasugsugat agsainnecda, no ti panangpapatay maaramid iti tengngam?

Ezekiel 26:18

Ita dagiti purpuro agkintayegdanto iti aldaw ti pannacatuangmo; wen, dagiti purpuro nga adda iti baybay agcullayawdanto maipanggep iti nagbanagam.

Daniel 11:18

Calpasan daytoy italiawnanto ti rupana cadagiti purpuro, ket tagicuaennanto iti adu; ngem maysa a principe ti mangpasardengto iti pacaumsian nga inaramidna; wen, ket saan laeng a dayta, pasubliennanto ti pacaumsian nga agpaay kencuana.

Sofonias 2:11

Ni Jehova nacakigkigtotto cadacuada; ta bisinannanto dagiti isu-amin a didios ti daga; ket dagiti tattao agdaydayawdanto kencuana, ti tumunggal maysa manipud iti dissona, isu-amin met laeng a purpuro dagiti nasnacion.

Deuteronomio 32:8

Idi ti Cangatoan unay intedna cadagiti nasnacion dagiti tawidda, idi pinagsisinana dagiti annac dagiti tattao, inwayangna dagiti bedbeddeng dagiti il-ili mayannatup iti bilang dagiti annac ti Israel.