Genesis 10:2 - Ti Biblia (1973)

² Dagiti lallaki nga annac ni Jafet: ni Gomer, ken Magog, ken Madai, ken Javan, ken Tubal, ken Mesec, ken Tiras.

Ti Baro a Naimbag a Damag Biblia

² Dagiti lallaki nga annak ni Jafet—Gomer, Magog, Madai, Javan, Tubal, Mesec ken Tiras—dagiti naganda ti naisurat kadagiti tribu a kaputotanda.

Genesis 10:2 Iomraidhean Croise

Genesis 10:1

Dagitoy ngarud dagiti caputotan dagiti lallaki nga annac ni Noe, nga isuda Sem, Cam, ken Jafet: ket cadacuada nagtaud dagiti lallaki nga annac iti calpasan ti layus.

Genesis 10:21

Ket ken Sem, nga ama dagiti amin nga annac ni Jeber, nga cacaen ni Jafet, kencuana met nagtaud dagiti putputot.

Genesis 9:27

Palawaen coma ti Dios ni Jafet, Ket agnaed coma cadagiti sapaw ni Sem; Ket adipenna coma ni Canaan.

2 Ar-ari 17:6

Iti maicasiam a tawen ni Oseas ti ari ti Asiria innalana ti Samaria, ket inyallatiwna ti Israel sadi Asiria, ket incabilna ida idiay Hala, ken iti Habor, a carayan ti Gozan, ken cadagiti il-ili dagiti Medos.

Dagiti Salmo 120:5

Asiac pay, ta sangsangailiac ditoy Mesech, ta agnaedac iti tengnga dagiti toltolda ti Kedar!

Isaias 66:19

Ket mangisaadacto iti pagilasinan iti tengngada, ket ibaonconto dagidiay a macatalaw cadacuada cadagiti nasnacion, agingga iti Tarsis, iti Pul, ken iti Lud, nga agibiat iti ba-i agingga iti Tubal ken iti Javan, cadagiti purpuro nga adayu, a di nacangngeg iti damagco, dida met nakita ti dayagco; ket ipacdaardanto ti dayagco cadagiti nasnacion.

Ezekiel 27:19

Ti Vedan ken Javan insucatda ti sagut cadagiti tagtagilacom: nasileng a landoc, casia, ken calamo addada idi cadagiti tagtagilacom.

Ezekiel 27:7

Ti nalapat a lienzo a nabordaan a naggapu idiay Egipto isu ti layagmo, tapno isu coma kenca ti maipaay a maysa a wagayway; azul ken purpura a naggapu cadagiti purpuro ti Elisa isu ti linongmo.

Ezekiel 32:26

Adda idiay ti Mesec, Tubal, ken amin dagiti umariwecwecda; dagiti tantanemda addada iti aglicmut cadacuada; isuda amin saanda a nacugit, napapatayda iti campilan; ta isuda ti nangpataud iti panagbuteng iti daga dagiti sibibiag.

Ezekiel 38:15

Ket umaycanto manipud iti dissom a rumuar cadagiti caadayoan a paspaset iti amianan, sica, ken adu nga il-ili a maicuyog kenca, isuda amin sisasacayda cadagiti cabcabayo, maysa a dackel a cacuyogan ken maysa a nabileg a buyot;

Ezekiel 38:2

Anac ti tao, isangom dayta rupam idiay Gog, iti daga ti Magog, ti principe ti Ros, Mesec, ken Tubal, ket agipadtoca a maibusor kencuana,

Ezekiel 38:6

Ti Gomer, ken amin dagiti adu a bonggoyna; ti balay ti Tagorma iti caadayoan a paspaset ti amianan, ken amin dagiti adu a bonggoyna; adu met laeng nga il-ili a maicuyog kenca.

Ezekiel 39:1

Ket sica, anac ti tao, agpadtoca a maibusor ti Gog, ket cunam, Castoy ti cuna ni Apo Jehova: Adtoy, bumusorac kenca, O Gog, principe ti Ros, Mesec, ken Tubal:

Paltiing 20:8

Ket rummuarto tapno allilawenna dagiti pagpagarian nga adda cadagiti uppat a suli ti daga, da Gog ken Magog, tapno urnongenna ida a maipaay iti gubat: ti bilangda cas cadagiti darat ti baybay.