Genesis 1:9 - Ti Biblia (1973)

⁹ Ket ti Dios kinunana, mapagtitipon coma dagiti danum nga adda iti baba dagiti langit iti maysa a disso, ket agparang coma ti daga a namaga: ket naaramid a casta.

Ti Baro a Naimbag a Damag Biblia

⁹ Kalpasanna, imbilin ti Dios, “Mapagtitipon iti maymaysa a disso ti danum nga adda iti baba ti tangatang tapno agparang ti daga.” Ket naaramid a kasta.

Genesis 1:9 Iomraidhean Croise

Genesis 1:8

Ket ti Dios ninaganna, ti tangatang, Langit. Ket naadda ti malem ken ti bigat, aldaw a maicadua.

Nehemias 9:6

Sica ni Jehova, sica laeng a maymaysa; inaramidmo ti langit, a langit dagiti langlangit, agraman iti amin a buyotda, ti daga ken amin nga adda kencuana, dagiti taaw ken amin nga adda cadacuada, ket igigirmo ida amin; ket agcararag kenca ti buyot ti langit.

Ti Libro ni Job 26:10

Imburicna ti maysa a dulon iti rabaw dagiti dandanum agingga cadagiti pagpatingaan ti lawag ken sipnget.

Ti Libro ni Job 26:7

Yucradna ti amianan iti rabaw ti awan nagyan, ket ibitinna ti daga iti rabaw ti awan.

Dagiti Salmo 104:3

A mangicabil cadagiti busuran dagiti silsiledna iti uneg dagiti dandanum; a pagbalinenna a luganna dagiti ul-ulep; a magna iti rabaw dagiti paypayac ti angin;

Dagiti Salmo 33:7

Isu pagtitiponenna dagiti dandanum ti baybay a cas gabsoon: ipenpenna dagiti mangliwengliweng cadagiti pagpenpenan.

Dagiti Salmo 95:5

Ti baybay cucuana, ket inaramidna; ken dagiti im-imana pinataudda ti namaga a daga.

Eclesiastes 1:7

Amin dagiti carcarayan agayusda a mapan iti taaw; nupay casta saan a mapusec ti taaw; iti disso a papanan dagiti carcarayan, sadiay mapanda manen.

Jeremias 5:22

Saancayo aya nga agbuteng caniac? cuna ni Jehova: saancayo aya nga agpigergerto iti sangoanac, siac a nangicabil ti darat a beddeng ti baybay, ti agnanayon a bilin, nga isu saannanto a malasat? ket uray dagiti dalluyonna agpallatocda, nupay casta saanda nga umartap: uray pay no agungorda, nupay casta saanda a malasat.

Jonas 1:9

Ket isu sinungbatanna ida, Hebreoac, ket mabutengac ken Jehova a Dios ti langit, isu a nangaramid iti taaw ken daga.

2 Pedro 3:5

Ta gagaraenda a lipatan daytoy: nga adda langlangit manipud idi punganay ken maysa a daga a napaltuad iti tengnga ti danum, ken babaen ti pannacaaramat ti danum gapu iti sao ti Dios;

Paltiing 10:6

Ket nagsapata gapu iti daydiay agbiag nga awan inggana, isu a namarsua iti langit ken dagup ti adda kencuana, ken iti daga ken dagup ti adda kencuana, ken iti baybay ken dagup ti adda kencuana, tapno awanton ti pacatactacan: