Genesis 1:5 - Ti Biblia (1973)

⁵ Ket ti Dios ninaganna ti lawag aldaw, ket dagiti sipnget ninagananna ti rabii. Ket naadda ti malem ken ti bigat, maysa nga aldaw.

Ti Baro a Naimbag a Damag Biblia

⁵ Pinanagananna ti lawag iti “Aldaw,” ket ti sipnget, “Rabii.” Limmabas ti rabii, ket dimteng ti bigat. Daytoy ti umuna nga aldaw.

Genesis 1:5 Iomraidhean Croise

Genesis 1:13

Ket naadda ti malem ken ti bigat, aldaw a maicatlo.

Genesis 1:19

Ket naadda ti malem ken ti bigat, aldaw a maicapat.

Genesis 1:23

Ket naadda ti malem ken ti bigat, aldaw a maicalima.

Genesis 1:31

Ket ti Dios nakitana amin nga inaramidna, ket, adtoy, nasayaatda unay. Ket naadda ti malem ken ti bigat, aldaw a maicanem.

Genesis 1:8

Ket ti Dios ninaganna, ti tangatang, Langit. Ket naadda ti malem ken ti bigat, aldaw a maicadua.

Genesis 8:22

Bayat ti caadda ti daga, ti panagmula ken ti panagapit, ken ti lamec ken ti pudot, ken ti calgaw ken ti sibabasa, ken ti aldaw ken ti rabii saandanto nga agsardeng.

Dagiti Salmo 104:20

Aramidem ti sipnget, ket isu ti rabii, kencuana dagiti amin nga an-animal ti cabakiran agsawarda.

Dagiti Salmo 19:2

Iti inaldaw yesngaoda ti sao, ket iti rinabi-i iparangda ti pannacaammo.

Dagiti Salmo 65:8

Dagiti met agnaed cadagiti caadayoan a yan mabutengda cadagiti pacalaglagipan ti pannacabalinmo: sica paragsakem dagiti iruruar ti bigat ken ti rabii.

Dagiti Salmo 74:16

Ti aldaw cucuam, ket ti rabii cucuam met: sica ti nangsagana iti silaw ken iti init.

Isaias 45:7

Siac parnuayec ti lawag, ken parsuaec ti sipnget; aramidec ti talna ket parsuaec ti pacdacsan; siac ni Jehova a mangaramid amin cadagitoy.

Jeremias 33:20

Castoy ti cuna ni Jehova: No mabalinyo a dadaelen ti tulagco iti aldaw, ken ti tulagco iti rabii, tapno awanton ti aldaw ken rabii cadagiti pannawenda;

Numero 20:29

Ket idi nakita ti dagup ti gimong a natay ni Aaron, sinangitanda ni Aaron cadagiti tallopulo nga aldaw, dagup iti amin a balay ti Israel.

1 Taga-Corinto 3:13

Ti aramid ti tunggal maysa maiparangarangto; ta ti aldaw ipakitananto ta maipalgacto gapu iti apuy; ket ti met laeng apuy padasennanto ti aramid ti tunggal maysa, no ania a kita.

Taga-Efeso 5:13

Ngem amin dagitoy a banbanag intono mababalawda maiparangarangda gapu iti lawag; ta amin a malawagan agbalinda a silaw.

1 Taga-Tesalonica 5:5

Ta dacayo amin annacnacayo ti lawag ken annac ti aldaw; datayo saantayo a taga rabii, ken saan met a taga sipnget;