Genesis 1:16 - Ti Biblia (1973)

¹⁶ Ket ti Dios inaramidna dagiti dua a silsilaw a dadackel: ti silaw a dacdackel tapno aggundaway iti aldaw, ket ti silaw a basbassit tapno aggundaway iti rabii: inaramidna met dagiti bitbitwen.

Ti Baro a Naimbag a Damag Biblia

¹⁶ Inaramid ti Dios dagiti dua a dadakkel a silaw: ti init nga agraniag iti aldaw ken ti bulan nga agraniag iti rabii. Inaramidna pay dagiti bituen.

Genesis 1:16 Iomraidhean Croise

Genesis 1:15

Ket maipaayda coma a silsilaw iti tangatang dagiti langit a manglawag iti daga: ket naaramid a casta.

Ti Libro ni Job 31:26

No kinitac ti init idi nagraniag, wenno ti bulan a magmagna iti kinalawag,

Ti Libro ni Job 38:7

Idi dagiti bitbitwen ti agsapa nagdaniwda a sangsangcamaysa, ken amin dagiti annac a lallaki ti Dios dimmirida gapu iti rag-o?

Dagiti Salmo 148:3

Idaydayawyo, init ken bulan: idaydayawyo, dacayo amin a bituen nga agsilnag.

Dagiti Salmo 148:5

Idaydayawda coma ti nagan ni Jehova; Ta isu nagbilin, ket naparsuada.

Dagiti Salmo 19:6

Manipud iti pungto dagiti langlangit ti pagruaranna, ket ti pagricusanna agingga cadagiti pungtona; ket awan ti mailemmeng iti pudotna.

Dagiti Salmo 74:16

Ti aldaw cucuam, ket ti rabii cucuam met: sica ti nangsagana iti silaw ken iti init.

Dagiti Salmo 8:3

No imutectecac dagiti langlangitmo, ti aramid dagita ramaymo, ti bulan ken dagiti bitbituen, isuda nga insaadmo;

Isaias 13:10

Ta dagiti bitbitwen sadi langit ken dagiti purpuroc dagiti bitwenna didanto ipaay ti silengda; ti init agsipngetto iti iruruarna, ket ti bulan dinanto pagsilnagen ti lawagna.

Isaias 24:23

Isunton ti pannacariribuc ti bulan, ket ti init mabainanto; ta ni Jehova dagiti buybuyot agarinto idiay bantay Sion, ken sadi Jerusalem; ket iti sangoanan dagiti panglacayenna addanto dayag.

Isaias 40:26

Itangadyo dagiti matayo idiay ngato, ket kitaenyo no asino ti namarsua cadagitoy, nga babaen iti panangbilang isu iruarna dagiti buybuyotda; isu inagananna ida amin; gapu iti kinadackel unay ti kinamaingelna, ken agsipud ta napigsa iti pannacabalin, awan ti agcurang uray no maysa.

Isaias 45:7

Siac parnuayec ti lawag, ken parsuaec ti sipnget; aramidec ti talna ket parsuaec ti pacdacsan; siac ni Jehova a mangaramid amin cadagitoy.

Jeremias 31:35

Castoy ti cuna ni Jehova, a mangted ti init a maipaay a lawag iti aldaw, ken dagiti alagaden ti bulan ken dagiti bitbitwen a maipaay a lawag iti rabii, isu a mangtignay iti baybay tapno dagiti dalluyonna agungorda; ni Jehova dagiti buybuyot ti naganna:

Habakuk 3:11

Ti init ken ti bulan nagsardengda a siiintec cadagiti pagnaedanda. Gapu iti lawag dagiti panam idi a napanda, Gapu iti gilap ta nasileng a picam.

San Mateo 24:29

Ket maigiddatonto iti calpasan ti rigat cadagita nga aldaw, a ti init agsipngetto, ket ti bulan dinto aglawag, ket dagiti bitbituen matnagdanto manipud langit, ket dagiti pannacabalin dagiti langlangit mapakintayegdanto:

San Mateo 27:45

Ket nanipud iti maicanem nga horas adda sipnget iti rabaw ti amin a daga, agingga iti horas a maicasiam.

1 Taga-Corinto 15:41

Maysa ti dayag ti init, ket sabali ti dayag ti bulan, ket sabali ti dayag dagiti bitbituen; ta ti maysa a bituen maisupadi ti dayagna iti sabali.

Deuteronomio 4:19

Ken di la ket ta itangadmo dagita matam sadi langit, ket no makitam ti init ken ti bulan, ken dagiti bitbitwen, uray dagiti amin a buyot sadi langit maguyuguyca nga agdayaw cadacuada, ken agservi cadacuada cadagidiay impaay ni Jehova a Diosmo cadagiti amin a il-ili iti babaen ti amin a langit.

Paltiing 21:23

Ket ti ciudad awan ti pacasapulanna iti init wenno iti bulan, tapno silnaganda: ta ti dayag ti Dios isu ti nanglawag kencuana, ket ti pagsilawanna isu ti Cordero.