Genesis 1:11 - Ti Biblia (1973)

¹¹ Ket ti Dios kinunana, Patuboen coma ti daga ti root, mulmula nga adda bukelda ken caycayo nga agbunga nga ti bukelda adda cadacuada cas iti casisigudda, iti rabaw ti daga: ket naaramid a casta.

Ti Baro a Naimbag a Damag Biblia

¹¹ Imbilin ti Dios, “Tumaud iti daga dagiti amin a kita ti mula a mangted iti bukel ken dagiti amin a kita ti kayo nga agbunga.” Ket naaramid a kasta.

Genesis 1:11 Iomraidhean Croise

Genesis 1:12

Ket pinataud ti daga ti root, mulmula nga addaan bukel a mayannatup iti casisigudda, ken caycayo nga agbunga a ti bukel adda cadacuada cas ti casisigudda: ket ti Dios nakitana a nasayaatda.

Genesis 1:29

Ket ti Dios kinunana, Adtoy, iniccancayo iti isu-amin a roroot nga addan bukel, nga adda iti rabaw ti amin a daga: ken isu-amin a cayo nga addaan bunga nga agpataud ti bin-i; maipaaydanto a canenyo.

Genesis 2:16

Ket ni Jehova Dios, imbilinna idi tao a kinunana, cadagiti amin a cayo iti minuyongan mangancanto a siwayawaya:

Genesis 2:5

Ket idi awan pay la ti mula ti langalang iti daga, ket awan pay ti roroot a timmubo, ta di pay pinagtudo ni Jehova Dios iti rabaw ti daga ken awan pay la idi ti tao, a mangtalon iti daga;

Genesis 2:9

Ket ni Jehova Dios pinatubona iti daga, amin a cayo a nacaay-ayo a makita, ken naimbag a canen; casta met ti cayo ti biag iti tengnga ti minuyongan, ken ti cayo ti pannacaammo ti imbag ken ti dakes.

Ti Libro ni Job 28:5

Ti maipapan iti daga, isu ti paggapuan ti tinapay; ket ti babana a cas nabaliwan idi ti apuy.

Dagiti Salmo 1:3

Ket isu caslanto iti maysa a cayo a naimula iti sibay dagiti ayayus ti danum, nga ipaltuadna ti bungana iti carbenganna, a ti bulongna met saan a malaylay; ket isu-amin nga aramidna rumang-ayto.

Dagiti Salmo 147:8

Isu a mangcumot cadagiti langlangit cadagiti ululep, isu a mangisagana iti tudo a maipaay toy daga, isu a mamagtubo iti root cadagiti banbantay.

Isaias 61:11

Ta cas ti daga iruarna ti buselna, ken cas ti minuyongan patuboenna dagiti banbanag a maimula kencuana; casta ti panangpatubo ni Apo Jehova iti kinalinteg ken panagdayaw iti saclang dagiti amin a nasnacion.

Jeremias 17:8

Ta isunto ti cas cayo a naimula iti arpad dagiti danum, nga isacnapna dagiti ramutna iti arpad ti carayan, ket saan nga agbuteng no umay ti pudot, no di ket ti bulongna nalangtonto; ket saanto a madanagan iti tawen ti ticag, ket dinto met sumardeng iti panagbungana.

San Mateo 3:10

Ket itan ti wasay naicabilen iti ramut dagiti caycayo tunggal cayo ngarud a di mangted ti nasayaat a bunga, mapucan ket maisungrod iti apuy.

San Mateo 6:30

Ket no ti Dios casta ti panangawesna iti root cadagiti cataltalonan nga ita agbiag, ket inton bigat maisungrod iti dalican. Saan aya a nangnangrona a dacayo ti cawesannanto, O dacayo a bassitan pammati?

San Marcos 4:28

Ta ti daga pataudenna ti bunga nga isisu: umuna, bulong, sumaganad dawa, camaudiananna bukel a nadanunan idiay dawa.

1 Taga-Corinto 15:38

Ngem ti Dios iccanna ti bagi, cas iti nagayatanna, ket iti tunggal bukel iccanna ti bucudna a bagi.

Hebreo 6:7

Ta ti daga a nangsagepsep iti tudo a naminadu nga umay kencuana, ket pataudenna dagiti roroot a macaited gungguna cadagidiay pacaigapuan ti pannacamulana awatenna ti bendicion ti Dios:

Santiago 3:12

Mabalin aya, cacabsatco, ti higos a patauden ti olivas, wenno ti uvas, higos? Di met mabalin ti apgad a patauden ti danum a nasam-it.