Genesis 1:1 - Ti Biblia (1973)

¹ Idi punganay ti Dios pinarsuana dagiti langlangit ken ti daga.

Ti Baro a Naimbag a Damag Biblia

¹ Idi punganay, pinarsua ti Dios ti lubong.

Genesis 1:1 Iomraidhean Croise

2 Ar-ari 19:15

Ket ni Ezekias nagcararag iti sango ni Jehova, ket kinunana, O Jehova, a Dios ti Israel, nga agsaadca iti ngato dagiti querquerubin, sica ti Dios, sicsica laeng a maymaysa, cadagiti isu-amin a pagpagarian iti lubong; sica inaramidmo ti langit ken ti daga.

1 Cronicas 16:26

Ta amin dagiti didiosen dagiti inilin-ili ladladawanda: ngem ni Jehova inaramidna dagiti langlangit.

2 Cronicas 2:11

Idin ni Huram nga ari ti Tiro nagsubalit iti surat ket imbaonna ken Salomon, Agsipud ta ni Jehova ayatenna ti ilina, pinagarinaca cadacuada.

Nehemias 9:6

Sica ni Jehova, sica laeng a maymaysa; inaramidmo ti langit, a langit dagiti langlangit, agraman iti amin a buyotda, ti daga ken amin nga adda kencuana, dagiti taaw ken amin nga adda cadacuada, ket igigirmo ida amin; ket agcararag kenca ti buyot ti langit.

Ti Libro ni Job 26:13

Gapu iti Espirituna maarcosan dagiti langlangit; ti imana sinalputda ti nasiglat nga uleg.

Ti Libro ni Job 38:4

Sadino aya ti yanmo idi incabilco dagiti pammuun ti daga? Ipalawagmo no adda pannacaawatmo.

Ti Libro ni Job 9:8

A mangyucrad a maymaysa cadagiti langlangit, ken agtalaytay cadagiti daldalluyon ti taaw;

Dagiti Salmo 102:25

Idi ugma insimpamon ti pamuon toy daga; ket dagiti langit aramid dagiti im-imam.

Dagiti Salmo 104:24

O Jehova, anian a nagadu dagiti ar-aramidmo! Nainsiriban ti panangaramidmo cadacuada amin: ti daga napno iti pagsanicuaam.

Dagiti Salmo 104:30

Sica ibaonmo ti Espiritum, maparsuadan; ket pabaroem ti langa ti daga.

Dagiti Salmo 115:15

Benditonacayo ni Jehova, isu a nangaramid iti langit ken daga.

Dagiti Salmo 121:2

Ti tulongco aggapu ken Jehova, a nangaramid iti langit ken daga.

Dagiti Salmo 124:8

Ti saranaytayo adda iti nagan ni Jehova, isu a nangaramid iti langit ken daga.

Dagiti Salmo 134:3

Bendicionannaca coma ni Jehova manipud Sion; wen isu a nangaramid iti langit ken daga.

Dagiti Salmo 136:5

Isu a nangaramid cadagiti langlangit iti panangisipna laeng; ta ti kinamanagayatna agnanayon:

Dagiti Salmo 146:6

Isu a nangaramid iti langit ken daga, ti baybay, ken amin nga adda cadacuada, isu a mangsalimetmet iti pudno nga agnanayon;

Dagiti Salmo 33:6

Gapu iti sao ni Jehova naaramid dagiti langlangit, ken dagup ti buyotda gapu iti sangaw ti ngiwatna.

Dagiti Salmo 33:9

Ta nagsao, ket natungpalen; nagbilin, ket napatibkeran.

Dagiti Salmo 8:3

No imutectecac dagiti langlangitmo, ti aramid dagita ramaymo, ti bulan ken dagiti bitbituen, isuda nga insaadmo;

Dagiti Salmo 8:4

Ania ti tao, tapno sipapanunutca kencuana? Ket ti anac ti tao, tapno sumarungcarca kencuana?

Dagiti Salmo 90:2

Idi casacbayan ti pannacapataud dagiti banbantay, wenno idi pay la pinaltuadmo ti daga ken ti lubong, ken manipud pay ketdi idi kinaagnanayon agingga iti kinaagnanayon, sica ti Dios.

Dagiti Salmo 96:5

Ta amin dagiti didiosen dagiti tattao isuda dagiti sinan-didios; ngem ni Jehova inaramidna dagiti langlangit.

Exodo 20:11

Ta cadagiti innem nga aldaw ni Jehova inaramidna ti langit ken daga, ti taaw, ken amin nga adda cadacuada, ket naginana iti maicapito nga aldaw: isu ti gapuna a ni Jehova binendicionanna ti aldaw a panaginana, ken sinantificarna.

Exodo 31:18

Ket intedna ken Moises idi a nalpas ti pannakisaona kencuana idiay rabaw ti bantay Sinai, dagiti dua a taptapi ti pamanecnec, a tapi a bato, a sinuratan ti ramay ti Dios.

Dagiti Proverbio 16:4

Ni Jehova inaramidna tunggal banag iti pacaipaayanna; wen, uray dagiti nadangkes a maipaay iti aldaw ti ranggas.

Dagiti Proverbio 3:19

Ni Jehova iti siribna binangonna ti daga; iti pannacaawat pinatacderna dagiti langlangit,

Eclesiastes 12:1

Lagipem met ti Namarsua kenca cadagiti aldaw ti kinaagtutubom, iti sacbay ti idadateng dagiti dakes nga aldaw, ken yaadani dagiti tawen, inton cunaem, Awan ti panagragsacco cadacuada;

Isaias 37:16

O Jehova dagiti buybuyot, Dios ti Israel, nga agtugaw iti ngatoen dagiti querubin, sica ti Dios, sicsica la a maymaysa, cadagiti isu-amin a pagarian iti lubong; sica inaramidmo ti langit ken daga.

Isaias 40:21

Dicayo naammoan aya? dicayo nangngeg aya? saan a naibaga aya cadacayo nanipud idi damo? dicayo aya naawatan nanipud idi pannacaibangon ti daga?

Isaias 40:26

Itangadyo dagiti matayo idiay ngato, ket kitaenyo no asino ti namarsua cadagitoy, nga babaen iti panangbilang isu iruarna dagiti buybuyotda; isu inagananna ida amin; gapu iti kinadackel unay ti kinamaingelna, ken agsipud ta napigsa iti pannacabalin, awan ti agcurang uray no maysa.

Isaias 40:28

Dica aya naammoan? dica aya nangngeg? Ti agnanayon a Dios, ni Jehova, ti Namarsua cadagiti pungto ti daga, saan a cumapuy, ket di met mabannog; awan ti macasukimat iti pannacaawatna.

Isaias 42:5

Castoy ti cuna ti Dios a Jehova, isu a namarsua cadagiti langlangit, ken nangisacnap cadacuada; isu a nangpalawa iti daga ken ti agtaud kencuana; isu a mangited ti anges cadagiti tattao iti rabawna, ken ti espiritu cadagiti magna kencuana:

Isaias 44:24

Castoy ti cuna ni Jehova, a Mannubbot kenca, ken nangbukel kenca nanipud iti aanacan: Siac ni Jehova a mangaramid cadagiti amin a banbanag; nga isacnapco a sisiac dagiti langlangit; ken mangpalawa iti daga (asinonto ti caduac?);

Isaias 45:18

Ta castoy ti cuna ni Jehova a namarsua cadagiti langlangit, ti Dios a nangbukel ken nangaramid iti daga, isu a nangpasingked kencuana ken isu pinarsuana a saan nga ongaong, a binukelna tapno isu ti pagyanan: Siac ni Jehova; ket awan ti sabali.

Isaias 51:13

Ket nalipatamon ni Jehova a Nangaramid kenca, isu a nangisacnap cadagiti langlangit, ken nangisaad iti pamuon ti daga; ket umamacca a cancanayon a gapu iti rungsot ti mamarigat, intono agsagana a mangdadael? ket sadino ti yan ti rungsot ti mamarigat?

Isaias 51:16

Ket incabilco dagiti saoc iti ngiwatmo, ken lininonganca iti aniniwan ti imac, tapno maipasdecco dagiti langlangit, ken maisaadco dagiti pamuon ti daga, ken cunaec iti Sion, Sica ti ilic.

Isaias 65:17

Ta, adtoy, mamarsuaac cadagiti baro a langlangit ken baro a daga; ket dagiti immun-una a banbanag didanto malagipen, didanto mapanunuten.

Jeremias 10:12

Inaramidna ti daga babaen ti pannacabalinna, imbangonna ti lubong babaen ti siribna, ken gapu iti pannacaawatna inyucradna dagiti langlangit.

Jeremias 32:17

O Apo Jehova, adtoy, sica inaramidmo dagiti langlangit ken ti daga babaen ti dackel unay a pannacabalinmo ken babaen ti siuunat a tackiagmo; awan ti saanmo a cabaelan,

Jeremias 51:15

Inaramidna ti daga babaen ti pannacabalinna, iti kinasiribna pinatibkerna ti lubong, ken iti pannacaawatna inyucradna dagiti langlangit.

Zacarias 12:1

Ti awit a sao ni Jehova a maipapan iti Israel. Castoy ti cuna ni Jehova, a mangyucrad cadagiti langlangit, ken mangicabil iti pamuon ti daga, ken mangbukel iti espiritu ti tao iti unegna:

San Mateo 11:25

Iti daydi a tiempo ni Jesus immawag ket kinunana: Daydayawenca O Ama, Apo ti langit ken daga ta inlemmengmo dagitoy a banag cadagiti mamasirib ken mannacaawat, ket impaltiingmo ida cadagiti ububbing:

San Marcos 13:19

Ta cadagiti nga aldaw addanto rigat, nga dipay napasamac nanipud idi damo ti pannacaparsua nga inaramid ti Dios, agingga ita, ket ni caanoman awanton.

Dagiti Aramid 14:15

Ket cuncunada: Lallaki, apayapay aramidenyo dagitoy? Tattaocami met a cas iti kinataoyo, ket ipacaammomi cadacayo ti naimbag a damag, tapno manipud cadagitoy palangguad a banag agsublicay coma iti Dios a sibibiag, a nagaramid iti langit ken daga, ken ti taaw ken ti isu-amin nga adda cadacuada:

Dagiti Aramid 17:24

Ti Dios a nangaramid iti lubong, ken dagiti amin a banag nga adda kencuana: idinto nga isu ti Apo ti langit ken daga, saan nga agnaed cadagiti templo nga inaramid dagiti ima.

Dagiti Aramid 4:24

Ket isuda, idi nangngegda daytoy, nagmaymaysada a nangiturong ti timecda iti Dios, ket kinunada: Apo, sica ti Dios, a nangaramid ti langit ken daga, ken ti taaw ken ti amin nga adda cadacuada:

Taga-Roma 11:36

Ta dagiti amin a banbanag agtaudda kencuana, gapu kencuana ken maipaayda kencuana. Madaydayaw coma iti agnanayon. Amen.

1 Taga-Corinto 8:6

Ngem cadatayo adda maymaysa a Dios, ti Ama nga paggapuan dagiti isu-amin a banag, ket datayo maipaaytayo kencuana; ken maymaysa nga Apo, ni Jesu-Cristo, a gapu kencuana adda dagiti isu-amin a banag, ken gapu kencuana addatayo,

Taga-Efeso 3:9

Ken ti panangilawlawag cadagiti amin a tattao, no ania ti ornos ti palimed, a nanipud idi damo nailemmeng iti Dios, a namarsua cadagiti amin a banbanag;

Hebreo 1:10

Ken: cunana pay: Sica, Apo, idi punganay binangonmo ti daga, Ket dagiti langlangit aramid ida dagiti im-imam:

Hebreo 1:2

Cadagitoy maud-udi nga aldaw, kinasaonatayo babaen iti Anacna; isu a tinudinganna nga agtawid cadagiti isu-amin nga adda, a gapu met kencuana inaramidna ti amin a lubong;

Hebreo 11:3

Gapu iti pammati maawatantayo a dagiti lublubong nabukelda gapu iti sao ti Dios, gapuna a ti makita saan a naaramid cadagiti banbanag nga agparang.

Hebreo 3:4

Ta amin a balay adda nangbangon, ngem ti nangbangon cadagiti isu-amin a banbanag isu ti Dios.

2 Pedro 3:5

Ta gagaraenda a lipatan daytoy: nga adda langlangit manipud idi punganay ken maysa a daga a napaltuad iti tengnga ti danum, ken babaen ti pannacaaramat ti danum gapu iti sao ti Dios;

1 Juan 1:1

Ti adda nanipud idi ugma, ti nangngegmi, ti nakitami cadagiti matami, dagiti binuybuyami, ken ti naaricap dagiti im-imami, a maipapan iti Sao ti biag.

Paltiing 10:6

Ket nagsapata gapu iti daydiay agbiag nga awan inggana, isu a namarsua iti langit ken dagup ti adda kencuana, ken iti daga ken dagup ti adda kencuana, ken iti baybay ken dagup ti adda kencuana, tapno awanton ti pacatactacan:

Paltiing 14:7

Ket cunana iti dackel a timec: agbutengcay iti Dios ket isu dayawenyo: ta dimteng ti horas ti panangocomna; ket agdaydayawcayo iti nangaramid iti langit ken iti daga, ken iti baybay ken cadagiti ubbog dagiti dandanum.

Paltiing 21:6

Ket kinunana caniac: Nalpasdan. Siac ti Alfa ken Omega, ti pangrugian ken panungpalan. Iti mawaw Siac painumecto daydiay mawaw iti ubbog ti danum ti biag, nga awan baybayadna.

Paltiing 22:13

Siac ti Alpha ken ti Omega, ti umuna ken ti camaudianan ti pangrugian ken ti pagpatinggaan.

Paltiing 3:14

Ket isuratmo iti angel ti Iglesia sadi Laodicea: Dagitoy a banbanag cuna ni Amen, ti mamanecnec a matalec ken napudno, ti poon ti pinarsua ti Dios:

Paltiing 4:11

Sica ti maiparbeng, Apomi ken Diosmi, nga umawat iti dayag, iti dayaw ken iti pannacabalin; ta sica pinarsuam dagiti isu-amin nga adda, ket gapu iti nakemmo naaddada, ket naparsuada.