Filemon 1:9 - Ti Biblia (1973)

⁹ Nupay casta, gapu iti ayat caycayatco ti agdawat kenca idinto a castoyac, Siac ni Pablo a panglacayen; ken ita balud pay gapu ken Cristo Jesus;

Ti Baro a Naimbag a Damag Biblia

⁹ Ngem gapu ta napategka kaniak, kaykayatko ti agpakpakaasi kenka. Aramidek daytoy, nupay siak, ni Pablo, maysaak a pannakabagi ni Cristo Jesus, ken agdama met a balud gapu kenkuana.

Filemon 1:9 Iomraidhean Croise

Dagiti Salmo 71:18

Wen, uray laclacayanacon nga ub-ubanan, dinac cadi baybay-an, O Dios, inggana iti maipalawagco ti kinapigsam iti umay a caputotan, ti pannacabalinmo iti aniaman a dumteng.

Dagiti Salmo 71:9

Dinac cadi pagtalawen iti tiempo ti kinalacay; dinac cadi baybay-an intono umawanen ti pigsac.

Dagiti Proverbio 16:31

Ti ubanan nga olo balangat ti kinadayag; no masaracanto iti dalan ti kinalinteg.

Isaias 46:4

Ken agpapan pay iti kinalacay Siac daydiay, ken agpapan pay iti panaguban awitencayto: inaramidco, ket awitecto; wen, awitecto, ken isalacanconto.

Taga-Roma 12:1

Dawatec ngarud cadacayo, cacabsat, gapu cadagiti caasi ti Dios nga ipaayyo dagiti bagbagiyo, cas daton a sibibiag, nasantoan ken macaay-ayo iti Dios; isu a panagdayawyo a naespirituan.

2 Taga-Corinto 5:20

Dacami ngarud dagiti maibaon iti biang ni Cristo, a cas la agdawdawat ti Dios cadacayo gapu cadacami: iti biang ni Cristo dawatenmi, a makicappiacay iti Dios.

2 Taga-Corinto 6:1

Ket, makipagtrabajocami met kencuana ket dawatenmi met cadacayo a dicay awaten ti parabur ti Dios iti awan pagmamaayanna,

Taga-Galacia 3:26

Ta annacnatay amin ti Dios gapu iti pammati ken Cristo Jesus.

Taga-Efeso 3:1

Gapu itoy, siac ni Pablo, a balud ni Cristo Jesus, gapu cadacay a Gentil,

Taga-Efeso 4:1

Siac a balud iti Apo, dawatec ngarud cadacayo, a magnacay coma a maicari iti pannacaayab a nacaawisanyo,

Taga-Efeso 6:20

Gapu iti daytoy siac ti maysa a babaonen a nacawaran; tapno kencuana macapagsaoac coma a situtured, a cas rebbengco a panagsao.

1 Timoteo 1:12

Agyamanac iti daydiay namapigsa caniac, a ni Cristo Jesus nga Apotayo, gapu ta imbilangnac a matalec, a dinutucannac iti panagaywan:

Tito 2:2

A dagiti lallacay managparbengda coma, natacneng, nanakem, nasalun-at iti pammati, iti ayat, iti kinaanus:

Hebreo 13:19

Ngem agdawatac a nangnangrona nga aramidenyo daytoy, tapno maisubliac cadacayo iti mabibiit.

1 Pedro 2:11

Ayayatec, dawatec cadacayo, dacayo a cas gangannaet ken agpagpagna, nga idianyo coma dagiti derderrep a linalasag, isuda a manggubat iti cararua:

Uk-ukom 21:22

Ket isunto, nga intono dagiti ammada wenno cacabsatda a lallaki agpulongda cadacami, dacami cunaminto cadacuada, Ipalubosyo cadacuada a siaasi cadacami; yantangay dacami dicami nangala ti agpaay tumunggal lalaki cadacuada ti asawana idiay paggugubatan, uray dacayo dicayo inted ida cadacuada; no saan a casta ita dacayo coma ti macabasol.