Filemon 1:20 - Ti Biblia (1973)

²⁰ Wen, cabsat; adda coma rag-oc kenca iti Apo; palamiisam ti pusoc gapu ken Cristo.

Ti Baro a Naimbag a Damag Biblia

²⁰ Isut' gapuna, kabsatko, a patgam kadi daytoy dawatko, ket ipagpagapum iti Apo. Kas maysa a kabsat ken ni Cristo, paragsakennak kadi.

Filemon 1:20 Iomraidhean Croise

1 Taga-Corinto 16:18

Ta rinagragsacda ti nakemco ken ti nakemyo: Bigbigenyo ngarud dagiti cacasta.

2 Taga-Corinto 2:2

Ta no siac pagladingitencayto, siasino ngarud ti mangragragsac caniac, no di daydiay mapagladingit gapu caniac?

2 Taga-Corinto 7:13

Gapuna naliwliwacami: ket iti pannacaliwliwami, agragragsaccami a nangnangrona pay, gapu iti rag-o ni Tito: agsipud ta napapigsa ti espirituna gapu cadacayo amin.

Taga-Filipos 1:8

Ta ti Dios ti sacsic no casano ti iliwco cadacayo amin iti nasnec a dongngo ni Cristo Jesus.

Taga-Filipos 4:1

Gapuna cacabsatco, nga ay-ayatec ken il-iliwec, ragsacco ken balangatco, agtalinaedcayo ngarud iti Apo, dungdungngoec.

Filemon 1:12

Isu a pinagsublic kenca, cayatco a sao-en, ti pusoc met laeng:

Filemon 1:7

Ta adda adu a rag-oc ken liwliwac gapu iti ayatmo, agsipud ta dagiti puspuso dagiti sasanto naliwliwada gapu kenca, cabsat.

Hebreo 13:17

Agtulnogcayo cadagiti mangidalan cadacayo, ket paiturayancayo; ta igagada dagiti cararuayo, a cas la isuda ti mangidatagto iti Dios; tapno aramidenda daytoy a sirarag-o, a saan a sililiday; ta no saan awan ti gungunayo.

1 Juan 3:17

Ngem dayta agicut cadagiti sanicua daytoy a lubong, ket makitana ni cabsatna nga aglac-am iti pannacasapul, ket punitanna kencuana ti pusona, casano ti panagnaed ti ayat ti Dios kencuana?

3 Juan 1:4

Awan ti dacdackel a pagrag-oac ngem iti pannacangngegco a dagiti annacco magmagnada iti kinapudno,