Exodo 9:16 - Ti Biblia (1973)

¹⁶ Ngem kinaagpaysona a daytoy ti nangpabilgac kenca, tapno ipakitac kenca ti pannacabalinco, ken tapno ti naganco maibunagnag iti amin a lubong.

Ti Baro a Naimbag a Damag Biblia

¹⁶ Ngem saanko nga inaramid ti kasta tapno ipakitak kadakuada ti pannakabalinko tapno agsaknap ti kinalatakko iti entero a daga.

Exodo 9:16 Iomraidhean Croise

2 Samuel 7:23

Ket ania ti maysa a nacion nga adda iti daga a cas iti ilim, nga ti Israel met laeng, isu a napanan ti Dios a nangsubbot a maipaay kencuana met laeng a maysa nga ili, ket isu naaramid a maysa a nagan, ken naaramid dagiti dadackel a banag a gapu kenca, ken dagiti nacakigkigtot a banag a gapu iti dagam, iti sango ti ilim, a sinubbotmo a maipaay kenca nanipud Egipto, nanipud cadagiti nacion ken cadagiti didiosda?

2 Ar-ari 19:35

Ket naaramid iti daydi a rabii, a di angel ni Jehova rimmuar, ket nangcabil iti pacarso dagiti Asirios iti sangagasut walo pulo ket lima a ribu a tattao: ket idi a bimmangon dagiti tattao a nasapa iti bigat, adtoy, dagitoy bangbangcayda amin.

1 Cronicas 16:24

Ket ipalawagyo ti dayagna iti tengnga dagiti nasnacion, dagiti nacascasdaaw nga ar-aramidna iti tengnga dagiti amin nga inilin-ili.

Nehemias 9:10

Ket intedmo dagiti pagilasinan ken datdatlag ken Faraon, ken cadagiti amin nga ad-adipenna, ken amin a tattao ti dagana; ta ammom idi a nagaramidda a sipapalangguad unay a maibusor cadacuada, ket nanagananca iti maysa a nagan, a cas itoy nga aldaw.

Dagiti Salmo 106:8

Nupay casta isu insalacanna ida a maigapu iti naganna, tapno maipacaammona ti napigsa a pannacabalinna.

Dagiti Salmo 64:9

Ket amin a tao agbutengdanto; ket ibunannagdanto ti aramid ti Dios, ket ututobendanto a simamanakem ti panangaramidna.

Dagiti Salmo 76:10

Pudno a ti pungtot ti tao pacaidayawamto: ti tidda ti pungtot pagbarikesmonto.

Exodo 14:17

Ket adtoy, siac patangkenecto dagiti puspuso dagiti Egipcios, ket sumrecdanto a sumurot cadacuada; ket maidaydayaoacto ken Faraon, ken cadagiti amin a buyotna, ken cadagiti lugluganna, ken cadagiti caballeriana.

Exodo 14:4

Ket patangkenecto ti puso ni Faraon, ket camacamennanto ida; ket madaydayaoacto gapu ken Faraon, ken cadagiti amin a buyotna; ket dagiti Egipcios maammoandanto nga siac ni Jehova. Ket isuda inaramidda ti casta.

Exodo 18:11

Ita maammoac a ni Jehova dacdackel ngem dagiti isu-amin a didios; kinaagpaysona, gapu iti aramid a tinatangsit nga inaramidda maibusor met laeng cadacuada.

Exodo 9:15

Ta ita inlayatcon ti imac, ket dinidigraca agraman iti iturayam, iti angol, ket sica napucawcan coma iti daga:

Exodo 9:17

Sica agpalangguadca pay laeng aya iti maicaniwas iti ilic a dica baybay-an ida a pumanaw?

Dagiti Proverbio 16:4

Ni Jehova inaramidna tunggal banag iti pacaipaayanna; wen, uray dagiti nadangkes a maipaay iti aldaw ti ranggas.

Jeremias 32:20

Isu a nangicabil cadagiti pagtandaanan ken pagsidsiddaawan idiay daga nga Egipto, agingga met laeng itoy nga aldaw, iti Israel ken castamet iti nagtengngaan dagiti sabali a tattao; ket pinagbalinmo ti naganmo a maysa a nagan a cas itoy nga aldaw;

Ezekiel 39:21

Ket isaadconto ti dayagco iti tengnga dagiti nasnacion; ket amin dagiti nasnacion makitadanto iti panangocomco nga inaramidco, ken ti imac nga indissoc iti rabawda.

Malakias 1:11

Ta manipud iti ileleggac ti init agingga iti ilelennecna met laeng ti naganco dackelto cadagiti Gentiles; ket iti tunggal disso maidatonto ti incienso iti naganco, ken ti nadalus a daton: ta ti naganco dackelto cadagiti Gentiles, cuna ni Jehova dagiti buybuyot.

Malakias 1:14

Ngem mailunod ti mangallilaw nga addaan iti arbanna animal a calakian, ket agcari, ken mangidaton iti Apo iti addaan pacapilawan; ta siac dackelac nga Ari, cuna ni Jehova dagiti buybuyot, ket ti naganco nacakigkigtot iti nagtengngaan dagiti Gentiles.

Numero 14:21

Ngem pudno unay, cas siac sibibiagac ken cas amin ti daga mapnodanto iti dayag ni Jehova;

Taga-Roma 9:17

Ta cuna ti Surat ken Faraon: Gapu met laeng itoy, intan-occa tapno ipakitac kenca iti pannacabalinco ken tapno maiwarragawag ti Naganco iti amin a daga.

Taga-Roma 9:22

Ket no ti Dios, idinto a cayatna nga ipakita ti pungtotna ken ipacaammo ti pannacabalinna, ituredna iti adu ken atiddug nga anus dagiti vasijas ti pungtot a maipaay a pacapucawan:

Josue 4:24

Tapno isu-amin a tattao ditoy lubong maammoanda coma ti ima ni Jehova, nga isu mannacabalin: tapno agbutengcayo coma ken Jehova a Diosyo iti agnanayon.

1 Pedro 2:19

Ta daytoy macaayayo, no ti siasinoman a gapu iti pakinakemna maipuon iti Dios agitured cadagiti rangranggas, nga aglac-am a di maiparbeng.

1 Pedro 2:8

Ken, Bato a pacaitibcolan ken bato a pacaibabainan; ta maitublacda iti sao, idinto a nasukirda: Ket itoy met nakednganda.

San Judas 1:4

Ta adda dadduma a tattao a simrecda a di nadnadlaw dagidiay sigud a nacaisuratan ti maipaay itoy a pannacadusa, nadangkes a tattao a pagbalinenda a derrep ti parabur ti Diostayo, ket paglicudanda ti cacaisuna a Mannursuro ken Apotayo, a Jesu-Cristo.

1 Samuel 4:8

Asitayopay! asino ti mangisalacanto cadatayo iti ima dagitoy mannacabalin a didios! Dagitoy isuda dagiti didios a nangcabil idi cadagiti Egipcios iti amin a kita dagiti didigra idiay let-ang.