Exodo 8:8 - Ti Biblia (1973)

⁸ Idin ni Faraon pinaayabanna da Moises ken ni Aaron, ket kinunana, Agdawatcayo ken Jehova, tapno iccatenna caniac dagiti tuctucac, ken cadagiti iturayac; ket bay-acto a pumanaw ti umili, tapno agdatonda ken Jehova.

Ti Baro a Naimbag a Damag Biblia

⁸ Pinaayaban ti ari da Moises ken Aaron, ket kinunana, “Idawatyo iti Apo nga ikkatenna dagitoy a tukak ket palubosakon dagiti tattaoyo a mapan agidaton iti Apo.”

Exodo 8:8 Iomraidhean Croise

1 Ar-ari 13:6

Ket ti ari simmungbat, ket kinunana iti lalaki ti Dios, Gawawaem ita ti parabur ni Jehova a Diosmo, ket cumararagca a maipaay caniac, tapno ti imac mapasubli manen caniac. Ket ti lalaki ti Dios gimmawwawa ken Jehova, ket ti ima ti ari napasubli manen kencuana, ket naipulang a cas idi cagagapuna.

Dagiti Salmo 66:3

Cunaem iti Dios, Amangan a nacaamames dagiti ar-aramidmo! Gapu iti cadackel ti pannacabalinmo dagiti cabcabusormo maparucmadanto kenca.

Exodo 10:16

Idin ni Faraon pinaayabanna a dinardaras da Moises ken Aaron; ket kinunana, Siac nacabasolac iti maicaniwas ken Jehova a Diosyo, ken maicaniwas cadacayo.

Exodo 10:17

Ita ngarud dawatec kenca, pacawanem, ti basalco uray daytoy laeng a daras, ket agcararagca ken Jehova a Diosmo, tapno ilisinac coma iti daytoy laeng nga ipapatay.

Exodo 10:18

Ket pimmanaw iti ayan ni Faraon, ket nagcararag ken Jehova.

Exodo 14:5

Ket nayammo idi ari sadi Egipto a nagtalaw dagiti tattao; ket ti puso ni Faraon ken dagiti ad-adipenna nagbaliw maipapan cadagiti tattao, ket kinunada, Ania daytoy nga inaramidtayo, binayantayo a pimmanao ti Israel iti panagservina cadatayo?

Exodo 32:11

Ket ni Moises nagdawat ken Jehova a Diosna, ket kinunana, Jehova, apayapay a bumara ti pungtotmo iti ilim, a linapsutmo iti daga nga Egipto iti naindaclan a pigsa ken iti ima a mannacabalin?

Exodo 5:2

Ket ni Faraon kinunana, Asino ni Jehova nga imdengac coma ti timecna tapno bay-ac a pumanaw ti Israel? Diac am-ammo ni Jehova, ket maysa pay diacto palubosan ti Israel.

Exodo 8:15

Ngem idi nakita ni Faraon nga ada bang-ar idi, pinatangkenna ti pusona, ket dina ida impangag; cas ni Jehova imbagana idi.

Exodo 8:29

Ket ni Moises kinunana, Adtoy, panawancan, ket dawatecto ken Jehova a dagiti pinangen a ngilaw panawanda ni Faraon, ken dagiti ad-adipenna, ken ti ilina, intono bigat: isuna laeng a ni Faraon di coma mangallilawen iti dina panangpalubos iti umili a mapan agdaton ken Jehova.

Exodo 8:32

Ket ni Faraon timmangken pay laeng iti pusona iti daytoy a daras, ket dina pinalubosan ti umili.

Exodo 8:9

Ket ni Moises kinunana ken Faraon, Daytoy ti gundawaymo caniac: ania nga aldaw ti dawatec gapu cadagiti ad-adipenmo, ken iti ilim, tapno dagiti tuctucac mapucawda kenca ken cadagiti balbalaymo, ket iti la carayan ti pagbatianda?

Exodo 9:27

Ket ni Faraon pinaayabanna ni Moises ken ni Aaron, ket kinunana cadacuada, Nacabasolac itoy a daras: nalinteg ni Jehova, ket siac ken ti ilic dakescami.

Exodo 9:28

Agcararagcayo ken Jehova; ta umanayen dagitoy mannacabalin a gurrood ken uraro; ket siac palubosancayto ket dicayto agbayagen.

Exodo 9:33

Ket ni Moises pimmanaw iti ili a simmina ken Faraon ket intayagna dagiti imana ken Jehova: ket nagsardengda dagiti gurrood ken ti uraro, ket ti tudo di met agtinnagen iti daga.

Numero 21:7

Ket dagiti tattao immayda ken Moises, ket kinunada, Nacabasolcami, gapu ta nagsaocami iti maicaniwas ken Jehova, ken maicaniwas kenca; agdawatca ken Jehova nga iccatenna coma cadacami dagiti ul-uleg. Ket ni Moises indawatanna ti umili.

Dagiti Aramid 8:24

Ket idi simmungbat ni Simon, kinunana: Idawdawatandac iti Apo tapno awan coma cadagiti banag a sinaoyo ti umay caniac.

1 Samuel 12:19

Ket amin nga umili kinunana ken Samuel, Agcararagca iti maipaay cadagiti ad-adipenmo ken Jehova a Diosmo, tapno dicami matay; ta innayonmi cadagiti basbasolmi daytoy a dakes, ti panagdawatmi iti maipaay cadacami a maysa nga ari.