Exodo 8:6 - Ti Biblia (1973)

⁶ Ket ni Aaron inyunnatna ti imana iti rabaw dagiti dandanum sadi Egipto; ket immuli dagiti tuctucac a namungon iti daga nga Egipto.

Ti Baro a Naimbag a Damag Biblia

⁶ Kasta ti inaramid ni Aaron iti sarukodna kadagiti dandanum ti Egipto. Simmang-at dagiti tukak ket nagsaknapda iti entero a pagilian.

Exodo 8:6 Iomraidhean Croise

2 Samuel 7:22

Gapuna a sica nadayagca, O Jehova a Dios: agsipud ta awan ti sabali a cas kenca, awan ti siasinoman a Dios iti lacsidmo, a mayalubog iti isu-amin a nangnangegmi babaen cadagiti lapayagmi.

2 Cronicas 6:14

Ket kinunana, O Jehova, a Dios ti Israel, awan ti Dios a cas kenca, uray iti langit, uray iti daga; a salimetmetanna ti tulag ken ti kinamanangngaasi cadagiti ad-adipenmo, a magna iti sangom iti amin a pusoda;

Dagiti Salmo 105:30

Ti dagada naatibelbelan idi cadagiti tuctucac cadagiti silsiled dagiti ar-arida.

Dagiti Salmo 78:45

Nangibaon cadacuada cadagiti umatibelbel a ngilaw, a nangsepsep cadacuada; ken tuctucac, a nangdadael cadacuada.

Dagiti Salmo 86:8

Awan ti cas kenca cadagiti didiosen, O Apo; awan met ti cas cadagiti ar-aramidmo.

Dagiti Salmo 90:2

Idi casacbayan ti pannacapataud dagiti banbantay, wenno idi pay la pinaltuadmo ti daga ken ti lubong, ken manipud pay ketdi idi kinaagnanayon agingga iti kinaagnanayon, sica ti Dios.

Exodo 10:2

Ken tapno saritaem cadagiti pagdengeg ti anacmo, ken ti anac ti anacmo, no ania dagiti inaramidco iti Egipto, ken dagiti pagilasinan nga inaramidco iti tengngada; tapno maammoanyo a siac ni Jehova.

Exodo 15:11

Asino ti pumadpad kenca, O Jehova, cadagiti didios? Asino ti pumadpad kenca, a nagloriaan iti kinasanto, Nacaam-amac cadagiti pannacadaydayaw, nga agar-aramid cadagiti datdatlag?

Exodo 7:19

Ket ni Jehova kinunana ken Moises, Saoem ken Aaron, alaem ti sarucodmo ket yunnatmo ti imam cadagiti dandanum ti Egipto, iti rabaw dagiti carcarayanda, iti rabaw dagiti wawaigda, ken iti rabaw dagiti dandanawda, ken amin a rabaw dagiti liblibtong ti danumda, tapno agbalinda nga dara; ket addanto dara iti amin a daga ti Egipto, uray pay cadagiti pagdanuman a cayo ken casta met cadagiti pagdanuman a bato.

Exodo 9:14

Ta ibaonconto manen ita amin dagiti pangdidigrac ita pusom, ken cadagiti ad-adipenmo, ken cadagiti iturayam; tapno maammoam nga awan sabali a cas caniac iti amin a lubong.

Exodo 9:29

Ket ni Moises kinunana kencuana, Apaman a rumuarac iti ili, yunnatconto dagiti im-imac ken Jehova; dagiti gurrood agsardengdanto, ket awanto meten ti uraro; tapno maammoam a ni Jehova ti akincucua iti lubong.

Isaias 43:10

Dacayo dagiti sacsic, cuna ni Jehova, ken ti adipenco a pinilic; tapno maammoanyo ken patiendac, ken maawatanyo a siac daydiay: awan idi ti nabukel a Dios nga im-mun-una ngem siac, ket awanto met iti sumaruno caniac.

Levitico 11:12

Uray ania nga awanan pigar ken sicsicna cadagiti dandanum, dayta macarimon cadacayo.

Deuteronomio 32:31

Ta ti batoda saan a cas ti Batotayo, uray dagiti cabcabusor met laeng ti mangipato.

Deuteronomio 33:26

Awan ti siasinoman a pumada iti Dios, O Jesurun, a sacayanna ti langlangit a maipaay a cabadangmo, ken iti kinadaegna, cadagiti langlangit.

Deuteronomio 4:35

Naiparangarang kenca daydi tapno ammmoem a ni Jehova isu ti Dios awanen sabali no di la is-isu.

Paltiing 16:13

Ket nakitac a rumrummuar idi ngiwat daydi dragon, ken idi ngiwat daydi animal ken idi ngiwat daydi saan a pudno a mammadto dagiti tal-lo nga espiritu a narugit, a cas da la tucac: