Exodo 8:4 - Ti Biblia (1973)

⁴ Ket dagiti tuctucac uliendacanto met, ken dagiti iturayam, ken amin dagiti ad-adipenmo.

Ti Baro a Naimbag a Damag Biblia

⁴ Kalay-atendakanto, kasta met dagiti tattaom ken dagiti amin nga ofisialesmo.’”

Exodo 8:4 Iomraidhean Croise

1 Ar-ari 13:6

Ket ti ari simmungbat, ket kinunana iti lalaki ti Dios, Gawawaem ita ti parabur ni Jehova a Diosmo, ket cumararagca a maipaay caniac, tapno ti imac mapasubli manen caniac. Ket ti lalaki ti Dios gimmawwawa ken Jehova, ket ti ima ti ari napasubli manen kencuana, ket naipulang a cas idi cagagapuna.

Dagiti Salmo 107:40

Iparucpocna ti umsi cadagiti piprincipe, ket pagcalcallautangenna ida iti langalang, nga awan ti pagdalanan.

Exodo 10:17

Ita ngarud dawatec kenca, pacawanem, ti basalco uray daytoy laeng a daras, ket agcararagca ken Jehova a Diosmo, tapno ilisinac coma iti daytoy laeng nga ipapatay.

Exodo 8:24

Ket ni Jehova inaramidna a casta; ket limtuad ti pinangen a ngilaw a macasemsem unay iti balay ni Faraon ken cadagiti balbalay dagiti ad-adipenna; ket iti amin a daga nga Egipto, ti daga limmaad gapu cadagiti pinangen a ngilaw.

Exodo 8:3

Ket iti carayan ti pagaduanto dagiti tuctucac, nga umulidanto ket dumanondanto iti balaymo, ken iti uneg ti siled a pagturogam, ken iti rabaw ti pagiddaam, ken iti balay dagiti ad-adipenmo, ken cadagiti iturayam, ken cadagiti horhornom, ken cadagiti pagmasmasaam iti tinapay:

Exodo 8:5

Ket ni Jehova kinunana ken Moises, Saoem, ken Aaron, Yunnatmo ta imam a siiggem ti sarucod iti rabaw dagiti carcarayan, ken dagiti wawaig ken dagiti dandanaw, ket pasangatem dagiti tuctucac iti daga nga Egipto.

Exodo 9:28

Agcararagcayo ken Jehova; ta umanayen dagitoy mannacabalin a gurrood ken uraro; ket siac palubosancayto ket dicayto agbayagen.

Isaias 19:11

Dagiti panguloen ti Zoan napalalo ti kinamaagda, ti patigmaan dagiti casisiriban a consejero ni Faraon nagbalinda a nacuneng: casano ti panagcunayo ken Faraon, Siac ti anac ti masirib, anac dagidi cadaanan nga ar-ari?

Isaias 19:22

Ket ni Jehova cabilennanto ti Egipto, mangcabil ken mangpaimbag; ket sumublidanto ken ni Jehova, ket isu ti pagdawatandanto ket pasalun-atennanto ida.

Isaias 23:9

Ni Jehova dagiti buybuyot inganuatna, a pangmulit iti kinatangsit ti amin a dayag, mangyeg iti pannacaumsi cadagiti isu-amin a natacneng ditoy daga.

Daniel 4:37

Ngarud siac, ni Nabucodonosor, dayawec ken itandudoc ken itan-occo ti ari ti langit, agsipud ta amin nga aramidna pudnoda, ket dagiti dalanna kinajusticia; ket isu mabalinna a pagpacumbabaen dagiti magna iti kinatangsit.

Numero 21:7

Ket dagiti tattao immayda ken Moises, ket kinunada, Nacabasolcami, gapu ta nagsaocami iti maicaniwas ken Jehova, ken maicaniwas kenca; agdawatca ken Jehova nga iccatenna coma cadacami dagiti ul-uleg. Ket ni Moises indawatanna ti umili.