Exodo 8:3 - Ti Biblia (1973)

³ Ket iti carayan ti pagaduanto dagiti tuctucac, nga umulidanto ket dumanondanto iti balaymo, ken iti uneg ti siled a pagturogam, ken iti rabaw ti pagiddaam, ken iti balay dagiti ad-adipenmo, ken cadagiti iturayam, ken cadagiti horhornom, ken cadagiti pagmasmasaam iti tinapay:

Ti Baro a Naimbag a Damag Biblia

³ Mapnonto ti karayan iti tukak. Sumang-atdanto ket serkenda ti palasiom, ti kuartom ken ti katrem. Sumrekdanto met kadagiti balay dagiti ofisialesmo ken dagiti tattaom, agraman dagiti paglutlutoam ken dagiti pagmasmasaam iti tinapay.

Exodo 8:3 Iomraidhean Croise

2 Cronicas 22:11

Ngem ni Josabet nga anac a babai ti ari, innalana ni Joas nga anac ni Ocozias, ket isu ti linibasna cadagiti annac ti ari a napapatay idi, ket isu ken ti mangsisiwa kencuana incabilna ida iti siled a pagiddaan. Iti casta ni Josabet, nga anac a babai ni ari Joram, nga asawa a babai ni Joiada a padi (ta isu idi ti cabsat a babai ni Ocozias), isu ti inlemmengna a gapu ken Atalia, iti casta nga isu saanna a pinatay.

Dagiti Salmo 105:30

Ti dagada naatibelbelan idi cadagiti tuctucac cadagiti silsiled dagiti ar-arida.

Exodo 10:6

Ket mapnonto dagiti balbalaymo, ken dagiti balbalay dagiti amin nga ad-adipenmo ken dagiti balbalay dagiti amin nga Egipcios; a uray caano di nakita dagiti ammam, wenno dagiti amma dagiti ammam, nanipud caaddada iti rabaw ti daga agpapan ita. Ket timmallicud ken pimmanaw ken Faraon.

Exodo 12:34

Ket dagiti tattao innalada dagiti ginamayda a di pay nalevaduraan, dagiti pagaramidanda iti tinapay a naibungon cadagiti paga-anayda a binaclayda.

Exodo 7:11

Idin ni Faraon nangayab met cadagiti mamasirib ken managsalamangca: ket isuda met, dagiti a managsalamangcada a taga Egipto, inaramidda met ti casdiay a salamangcada.

Exodo 8:11

Ket dagiti tuctucac panawandacanto ken cadagiti balbalaymo ken cadagiti ad-adipenmo ken cadagiti iturayam; ti laeng carayan ti pagbatiandanto.

Exodo 8:2

Ket no cas dica cayat a palubosan ida, adtoy, a cadagiti tuctucac dusaecto ti amin a beddengmo:

Exodo 8:4

Ket dagiti tuctucac uliendacanto met, ken dagiti iturayam, ken amin dagiti ad-adipenmo.