Exodo 8:15 - Ti Biblia (1973)

¹⁵ Ngem idi nakita ni Faraon nga ada bang-ar idi, pinatangkenna ti pusona, ket dina ida impangag; cas ni Jehova imbagana idi.

Ti Baro a Naimbag a Damag Biblia

¹⁵ Ngem idi makita ti ari nga awanen dagiti tukak, timmangken manen ti pusona ket dina impangag da Moises ken Aaron, kas kinuna ni Yahweh.

Exodo 8:15 Iomraidhean Croise

Exodo 14:5

Ket nayammo idi ari sadi Egipto a nagtalaw dagiti tattao; ket ti puso ni Faraon ken dagiti ad-adipenna nagbaliw maipapan cadagiti tattao, ket kinunada, Ania daytoy nga inaramidtayo, binayantayo a pimmanao ti Israel iti panagservina cadatayo?

Exodo 4:21

Ket ni Jehova kinunana ken Moises, Intono agsublica sadi Egipto, kitaem ta aramidem iti saclang ni Faraon amin dagiti datdatlag nga incabilco ita imam: ngem siac patangkenecto ti pusona, ket dinanto palubosan ti ili.

Exodo 7:4

Ngem ni Faraon saanto a dumngeg cadacayo ket isaadconto ti imac iti Egipto ket ipanawconto dagiti buybuyotco, ti ilic, dagiti annac ti Israel, manipud iti daga nga Egipto, nga aramatec dagiti dadackel a panangocom.

Exodo 8:14

Ket inornongda ida a nabunbunton; ket ti daga nagbuyoc.

Exodo 8:16

Ket ni Jehova kinunana ken Moises, Saoem ken Aaron, Ilayatmo ta sarucodmo, ket baotem ti tapuc ti daga tapno agbalinda a cutcuto iti amin a daga nga Egipto.

Exodo 8:28

Ket ni Faraon kinunana, Palobusan cayto a pumanaw tapno agdatoncayto ken Jehova a Diosyo iti let-ang; isuna laeng a dicayto umadadayo unay: idawdawatandac.

Exodo 8:29

Ket ni Moises kinunana, Adtoy, panawancan, ket dawatecto ken Jehova a dagiti pinangen a ngilaw panawanda ni Faraon, ken dagiti ad-adipenna, ken ti ilina, intono bigat: isuna laeng a ni Faraon di coma mangallilawen iti dina panangpalubos iti umili a mapan agdaton ken Jehova.

Exodo 8:32

Ket ni Faraon timmangken pay laeng iti pusona iti daytoy a daras, ket dina pinalubosan ti umili.

Exodo 8:8

Idin ni Faraon pinaayabanna da Moises ken ni Aaron, ket kinunana, Agdawatcayo ken Jehova, tapno iccatenna caniac dagiti tuctucac, ken cadagiti iturayac; ket bay-acto a pumanaw ti umili, tapno agdatonda ken Jehova.

Dagiti Proverbio 26:11

Cas iti aso nga agsubli iti saruana, casta ti maag a mangsunot iti kinamaagna.

Dagiti Proverbio 29:1

Ti tao nga idinto a masansan a matubngar ipatangkenna ti teltelna maclaatto a madadael, ket dayta awan ti pamuspusanen.

Eclesiastes 8:11

Agsipud ta ti panangipato a maibusor iti dakes nga aramid saan a matungpal a sipapardas, iti casta ti puso dagiti annac dagiti tattao ipamaysada ti agaramid iti dakes.

Isaias 26:10

Ti caasi maiparang coma iti nadangkes, nupay casta saan a macasursuro iti kinalinteg; iti daga ti kinalinteg agaramidto a siaallilaw unay, ket isu dinanto mabuya ti kinadayag ni Jehova.

Oseas 6:4

Ania ti aramidecto kenca, O Efraim? Ania ti aramidecto kenca, O Juda? Ta ti kinaimbagmo mayarig iti ulep iti agsapa, ken cas iti linnaaw a pumanaw a masapa.

Hebreo 3:15

Ita, ta masasao: Ita, no mangngegyo ti timecna, Saanyo a patangkenen dagiti puspusoyo, a cas idi pannacagargari.

Hebreo 3:8

Saanyo a patangkenen degiti puspusoyo a cas idi pannacagargari, Cas idi aldaw ti pannacasulisog, idiay let-ang,

Paltiing 16:9

Ket dagidi tattao nacsetda iti napalalo a pudot, ket tinabbaawanda ti nagan ti Dios, isu nga adda pannacabalinna cadagitoy a pannaplit: ket saanda a nagbabawi tapno agdayawda coma kencuana.

1 Samuel 6:12

Ket dagiti vacvaca nagnaga iti nalinteg a dalan nga agpa-Bet-semes; isuda ninurnurda ti napatac a dalan, nga nagem-emmacda a magmagna, ket dida simmiasi iti sikig a canawan wenno catigid; ket dagiti appoen dagiti Filisteos simmurotda cadacuada agingga iti beddeng ti Bet-semes.

1 Samuel 6:3

Ket isuda kinunada, No dacayo ibaonyo ti lacasa ti Dios ti Israel, dicayo ibaon nga ongngaong; no di ket saan nga agcurang a supapacanyo kencuana ti maysa a daton iti salungasing: iti casta dacayo maimbagancayonto, ket maipacaammonto cadacayo no apayapay a ti imana saan a naipanaw cadacayo.

1 Samuel 6:6

Apayapay ngarud a patangkenenyo dagita puspusoyo, a cas cadagiti Egipcios ken ni Faraon pinatangkenda dagiti puspusoda? Idi nga isu nagaramid a nacascasdaaw unay iti tengngada, dida aya pinalubusan ti ili a napan, ket isuda pimmanawda?

1 Samuel 6:9

Ket kitaenyo; no isu sumang-at iti dalan ti beddengna nga agpa-Bet-semes, isu ngarud ti nangaramid cadatayo itoy dackel a dakes: ngem no saan, ammoentayto ngarud a saan a ti imana ti nangcabil cadatayo; gasat laeng ti napasamac cadatayo.