Exodo 8:12 - Ti Biblia (1973)

¹² Ket da Moises ken Aaron pinmanawda iti ayan ni Faraon: ket ni Moises inawaganna ni Jehova maipanggep cadagiti tuctucac nga impanna idi ken Faraon.

Ti Baro a Naimbag a Damag Biblia

¹² Iti kasta, pimmanaw da Moises ken Aaron ket dinawat ni Moises ken ni Yahweh nga ikkatenna dagiti tukak nga inyegna iti ari.

Exodo 8:12 Iomraidhean Croise

Dagiti Salmo 105:31

Nagsao, ket dimteng dagiti atibelbel dagiti ngilngilaw, ken cutcuto cadagiti amin a lawlawda.

Exodo 10:18

Ket pimmanaw iti ayan ni Faraon, ket nagcararag ken Jehova.

Exodo 32:11

Ket ni Moises nagdawat ken Jehova a Diosna, ket kinunana, Jehova, apayapay a bumara ti pungtotmo iti ilim, a linapsutmo iti daga nga Egipto iti naindaclan a pigsa ken iti ima a mannacabalin?

Exodo 8:13

Ket ni Jehova inaramidna cas iti dinawat ni Moises; ket dagiti tuctucac natayda cadagiti balbalay, cadagiti parparaangan, ken cadagiti aw-away.

Exodo 8:30

Ket ni Moises pinanawanna ni Faraon, ket nagdawat ken Jehova.

Exodo 8:8

Idin ni Faraon pinaayabanna da Moises ken ni Aaron, ket kinunana, Agdawatcayo ken Jehova, tapno iccatenna caniac dagiti tuctucac, ken cadagiti iturayac; ket bay-acto a pumanaw ti umili, tapno agdatonda ken Jehova.

Exodo 9:33

Ket ni Moises pimmanaw iti ili a simmina ken Faraon ket intayagna dagiti imana ken Jehova: ket nagsardengda dagiti gurrood ken ti uraro, ket ti tudo di met agtinnagen iti daga.

Ezekiel 36:37

Castoy ti cuna ni Apo Jehova: Gapu iti daytoy, mapagdawatanacto met iti balay ti Israel, tapno isu aramidec a maipaay cadacuada: paaduecto ida cadagiti tattao cas maysa nga arban.

1 Samuel 12:23

Maysa pay no maipapan caniac, mayadayu coma caniac a siac agbasolac coma iti maibusor ken Jehova iti panagsardengco nga agcararag iti maipaay cadacayo: no di ket isurocayto iti naimbag ken iti nalinteg a dalan.