Exodo 7:5 - Ti Biblia (1973)

⁵ Ket dagiti Egipcios maamoandanto a siac ni Jehova, no ilayatco ti imac iti Egipto ken alaec dagiti annac ti Israel iti tengngada.

Ti Baro a Naimbag a Damag Biblia

⁵ Inton dusaek dagiti Egipcio ket iruarko dagiti Israelita iti pagilianda, maammoandanton a siak ni Yahweh.”

Exodo 7:5 Iomraidhean Croise

Dagiti Salmo 138:7

Nupay magnaac iti tengnga ti riribuc, sica pagbiagennacto; sica iyunnatmonto dayta imam a mangsallin iti gura dagiti cabusorco, ket ta canawan nga imam isalacannacto.

Dagiti Salmo 9:16

Ni Jehova nagpacaammon, inaramidnan ti panangocom; ti nadangkes masiloanen iti aramid dagiti im-imana met laeng. (Higgaion. Selah)

Exodo 10:2

Ken tapno saritaem cadagiti pagdengeg ti anacmo, ken ti anac ti anacmo, no ania dagiti inaramidco iti Egipto, ken dagiti pagilasinan nga inaramidco iti tengngada; tapno maammoanyo a siac ni Jehova.

Exodo 10:7

Ket dagiti ad-adipen ni Faraon kinunada kencuana, Casano ti cabayagnanto a daytoy a lalaki silsiloannatayo? Bay-am a pumanaw dagiti tattao, tapno agservida ken Jehova a Diosda: dica pay la ammo a ti Egipto nadadael?

Exodo 14:18

Ket dagiti Egipcios maammuandanto a siac ni Jehova intono madaydayaoac ken Faraon, cadagiti lugluganna, ken cadagiti caballeriana.

Exodo 14:4

Ket patangkenecto ti puso ni Faraon, ket camacamennanto ida; ket madaydayaoacto gapu ken Faraon, ken cadagiti amin a buyotna; ket dagiti Egipcios maammoandanto nga siac ni Jehova. Ket isuda inaramidda ti casta.

Exodo 18:8

Ket ni Moises sinaritana ken catuganganna amin nga inaramid ni Jehova ken Faraon ken cadagiti Egipcios a maipuon iti Israel, amin dagiti rigrigat a linac-amda iti dalan, ken no casano ti panangispal ni Jehova cadacuada.

Exodo 3:20

Ket siac yunnatconto ti imac, ket dusaecto ti Egipto cadagiti amin a datdatlagco nga aramidecto iti beddengna: ket iti calpasanna palubosannacayto.

Exodo 6:1

Ket ni Jehova kinunana ken Moises, Ita makitamto ti aramidecto ken Faraon: ta babaen iti napigsa nga ima bayannanto ida a pumanaw, ket iti napigsa nga ima papanawennanto ida iti dagana.

Exodo 6:6

Gapuna a saoem cadagiti annac ti Israel, Siac ni Jehova ket siac ilapsutcayto cadagiti pammarparigat dagiti Egipcios cadacayo, ket ispalencayto iti panangadipenda, ket subbotencayto iti siuunnat a tackiag ken cadagiti naindaclan a panangocom:

Exodo 7:17

Castoy ti sinao ni Jehova, Daytoyto ti pangilasinam a siac ni Jehova: adtoy, cabilecto dagiti dandanum nga addada iti carayan, iti sarucod nga adda iti imac, ket agbalindanto a dara.

Exodo 8:10

Ket kinunana, Intono bigat. Ket ni Moises kinunana, Maaramid coma cas ti saom; tapno ammoem nga awan sabali a cas ken Jehova a Diosmi.

Exodo 8:19

Idin dagiti managsalamangca kinunada ken Faraon, Ramay ti Dios daytoy: ket ti puso ni Faraon napatangken, ket saanna ida nga impangag; cas idi sinao ni Jehova.

Exodo 8:22

Ket iti dayta nga aldaw salacnibacto ti daga a Gosen, isu a pagnaedan ti ilic, ta awanto ti pinangen a ngilngilaw sadiay; tapno pacaammoam a siac ni Jehova iti tengnga ti daga.

Ezekiel 25:17

Ket aramidecto ti dackel a panangbales cadacuada agraman napungtot a panangtubngar; ket mabigbigdanto a siac ni Jehova, intono isaadco ti panangbalesco cadacuada.

Ezekiel 28:22

Ket cunam, Castoy ti cuna ni Apo Jehova: Adtoy, bumusorac kenca; O Sidon; ket siac maitan-ocacto iti tengngam; ket mabigbigdanto a siac ni Jehova, intono aramidec dagiti panangocomco kencuana, ken masantificarac kencuana.

Ezekiel 32:15

Intono aramidec ti daga ti Egipto a langalang ken let-ang, daga a naiccaten ti kinapunnona, intono cabilec amin dagiti agnaed kencuana, mabigbigdanto a siac ni Jehova.

Ezekiel 36:23

Ket pasantoecto ti dackel a naganco, isu a natabbaawan iti nagtengngaan dagiti nasnacion, isu a tinabbaawanyo iti tengngada; ket dagiti nasnacion mabigbigdanto a siac ni Jehova, cuna ni Apo Jehova, intono mapasantoac cadacayo iti sangoanan dagiti matada.

Ezekiel 39:22

Iti casta ti balay ti Israel mabigbigdanto a siac ni Jehova a Diosda, manipud iti dayta nga aldaw ken iti casacbayan.

Ezekiel 39:7

Ket ti nasantoan a naganco ipacaammocto iti tengnga ti ilic nga Israel; ket diacto metten itured a ti nasantoan a naganco matabbaawan: ket dagiti nasnacion mabigbigdanto a siac ni Jehova, ti Santo ti Israel.