Exodo 7:4 - Ti Biblia (1973)

⁴ Ngem ni Faraon saanto a dumngeg cadacayo ket isaadconto ti imac iti Egipto ket ipanawconto dagiti buybuyotco, ti ilic, dagiti annac ti Israel, manipud iti daga nga Egipto, nga aramatec dagiti dadackel a panangocom.

Exodo 7:4 Iomraidhean Croise

Exodo 10:1

Ket ni Jehova kinunana ken Moises, Inca sumango ken Faraon: ta pinatangkenco ti pusona ken ti puso dagiti ad-adipenna, tapno ipakitac cadacuada dagitoy a pagilasinan iti tengngada,

Exodo 11:9

Ket ni Jehova kinunana ken Moises, Ni Faraon dinacayto ipangag; tapno dagiti datdatlagco umaduda iti daga nga Egipto.

Exodo 12:51

Ket naaramid iti daydi met laeng nga aldaw nga innala ni Jehova dagiti annac ti Israel idiay daga nga Egipto a binuyonbuyot.

Exodo 13:3

Ket ni Moises kinunana cadagiti tattao, Laglagipenyo daytoy nga aldaw isu a panagtalawyo sadi Egipto iti balay a nacaadipnan; ta gapu iti napigsa nga ima inlapsotnacayo ni Jehova iti daytoy nga ayan; awanto ti macan a nalevaduraan a tinapay.

Exodo 13:9

Ket addanto maysa a pagilasinan kenca ita imam, ken maysa a pacalaglagipan iti baet dagita matam, tapno ti linteg ni Jehova adda iti ngiwatmo: ta gapu iti napigsa nga ima innalanaca ni Jehova sadi Egipto.

Exodo 18:8

Ket ni Moises sinaritana ken catuganganna amin nga inaramid ni Jehova ken Faraon ken cadagiti Egipcios a maipuon iti Israel, amin dagiti rigrigat a linac-amda iti dalan, ken no casano ti panangispal ni Jehova cadacuada.

Exodo 3:19

Ket ammoc a ti ari ti Egipto dinacayto palubosan a mapan, saan, saan a babaen iti napigsa nga ima.

Exodo 3:20

Ket siac yunnatconto ti imac, ket dusaecto ti Egipto cadagiti amin a datdatlagco nga aramidecto iti beddengna: ket iti calpasanna palubosannacayto.

Exodo 6:1

Ket ni Jehova kinunana ken Moises, Ita makitamto ti aramidecto ken Faraon: ta babaen iti napigsa nga ima bayannanto ida a pumanaw, ket iti napigsa nga ima papanawennanto ida iti dagana.

Exodo 6:26

Dagitoy isuda met laeng da Aaron ken Moises a nagcunaan ni Jehova, Alaenyo dagiti annac ti Israel idiay daga nga Egipto a cas mayannurot iti bungoyda.

Exodo 6:6

Gapuna a saoem cadagiti annac ti Israel, Siac ni Jehova ket siac ilapsutcayto cadagiti pammarparigat dagiti Egipcios cadacayo, ket ispalencayto iti panangadipenda, ket subbotencayto iti siuunnat a tackiag ken cadagiti naindaclan a panangocom:

Exodo 7:13

Ket ti puso ni Faraon timmangken, ket saanna nga impangag ida; cas sinao idi ni Jehova.

Exodo 7:16

Ket saoemto kencuana, Ni Jehova a Dios dagiti Hebreos imbaonnac kenca, a cunana, Bay-am a pumanaw ti ilic, tapno agdaydayawda caniac idiay let-ang: ket, adtoy nga agpapan ita dica nangipangag.

Exodo 8:15

Ngem idi nakita ni Faraon nga ada bang-ar idi, pinatangkenna ti pusona, ket dina ida impangag; cas ni Jehova imbagana idi.

Exodo 8:19

Idin dagiti managsalamangca kinunada ken Faraon, Ramay ti Dios daytoy: ket ti puso ni Faraon napatangken, ket saanna ida nga impangag; cas idi sinao ni Jehova.

Exodo 9:12

Ket ni Jehova pinatangkenna ti puso ni Faraon, ket dina ida impangag; cas ni Jehova imbagana ken Moises.

Exodo 9:3

Adtoy, ti ima ni Jehova adda cadagiti an-animalmo nga addada cadagiti aw-away, cadagiti cabcabayo, cadagiti as-asno, cadagiti camcamello, vacvaca ken carcarnero; addanto macadidigra nga angol.

Dagiti Proverbio 19:29

Sisasaganan ti panangocom cadagiti managuyaw, ken sapsaplit iti bucot dagiti maag.

Isaias 26:9

Itoy cararuac tinartarigagayanca iti rabii; wen, agraman iti espirituc iti unegco sapulencanto a sireregtaac unay: ta intono dagiti panangocommo addada iti daga, dagiti agtaeng iti lubong sursuroenda ti kinalinteg.

Dungdung-aw 3:3

Pudno unay nga iturongna ti imana a maibusor caniac a masansan iti agmalem.

Ezekiel 14:21

Ta castoy ti cuna ni Apo Jehova: Anian a nacarcaro pay intono ipawitco dagiti uppat a nasaem a panangocomco iti Jerusalem, ti campilan, ti bisin, ti narungsot nga animal, ken ti angol, tapno pucawec kencuana dagiti tao ken animal!

Ezekiel 25:11

Ket ocomecto ti Moab; ket mabigbigdanto a siac ni Jehova.

Ezekiel 30:14

Ket aramidecto ti Patros a langalang, ket pasgedecto ti apuy idiay Zoan, ket ocomecto ti No.

Ezekiel 30:19

Castoy ti panangocomconto iti Egipto; ket mabigbigdanto a siac ni Jehova.

Paltiing 15:4

Siasino ti di agbutengto kenca, O Apo, ken saan a mangidaydayawto iti naganmo? Ta sicsica laeng ti santo: ta isu-amin dagiti pagpagarian umaydanto ket agdayawdanto iti sangoanam; ta dagiti ar-aramidmo a nalinteg naiparangarangda.

Paltiing 16:7

Ket nangngegco ti timec a naggapu idi altar a cuncunana: Wen, O Apo Dios a Mannacabalin-amin, dagiti panangipatom isuda dagiti napudno ken nalinteg.

Paltiing 19:2

Ta napudno ken nalinteg dagiti panangipatona; ta isu inocomna daydi dackel a balangcantis, isu a nangparugit iti daga babaen ti pannakicamcamalalana: ket cadagiti im-ima di babai naibales ti dara dagiti adipenna.

Uk-ukom 2:15

Uray sadinoman a ruaranda, ti ima ni Jehova isu idi ti maibusor cadacuada a maipaay iti dakes, cas ni Jehova insaona idi; ken cas ni Jehova insapatana cadacuada: ket isuda naparparigatda iti casta unay.