Exodo 7:19 - Ti Biblia (1973)

¹⁹ Ket ni Jehova kinunana ken Moises, Saoem ken Aaron, alaem ti sarucodmo ket yunnatmo ti imam cadagiti dandanum ti Egipto, iti rabaw dagiti carcarayanda, iti rabaw dagiti wawaigda, ken iti rabaw dagiti dandanawda, ken amin a rabaw dagiti liblibtong ti danumda, tapno agbalinda nga dara; ket addanto dara iti amin a daga ti Egipto, uray pay cadagiti pagdanuman a cayo ken casta met cadagiti pagdanuman a bato.

Ti Baro a Naimbag a Damag Biblia

¹⁹ Kinuna ni Yahweh ken ni Moises, “Ibagam ken ni Aaron nga ilayatna ti sarukodna kadagiti dandanum ti Egipto: kadagiti karayan, kanal ken dan-aw. Agbalinto a dara dagiti danum ket addanto dara iti entero a daga uray pay kadagiti burnay ken pagkargaan iti danum.”

Exodo 7:19 Iomraidhean Croise

Exodo 14:21

Ket ni Moises inyunnatna ti imana iti baybay; ket pinagsanud ni Jehova ti baybay gapu iti napigsa nga angin ti daya iti nagpatnag, ket inaramidna ti baybay a daga a namaga, ket dagiti dandanum nabingayda.

Exodo 14:26

Ket ni Jehova kinunana ken Moises, Ilayatmo ta imam iti baybay tapno dagiti dandanum agsublida a mangabur cadagiti Egipcios, cadagiti lugluganda, ken cadagiti caballeriada.

Exodo 10:21

Ket ni Jehova kinunana ken Moises, yunnatmo ti imam iti agpalangit, tapno agsipnget iti daga nga Egipto, sipnget a mamagararicap.

Exodo 10:12

Ket ni Jehova kinunana ken Moises, Yunnatmo ti imam iti rabaw ti daga nga Egipto tapno lumtuad dagiti dodon, tapno umulida iti daga nga Egipto ket canenda amin a mulmula iti daga isu amin a tinidda ti uraro.

Exodo 8:16

Ket ni Jehova kinunana ken Moises, Saoem ken Aaron, Ilayatmo ta sarucodmo, ket baotem ti tapuc ti daga tapno agbalinda a cutcuto iti amin a daga nga Egipto.

Exodo 9:33

Ket ni Moises pimmanaw iti ili a simmina ken Faraon ket intayagna dagiti imana ken Jehova: ket nagsardengda dagiti gurrood ken ti uraro, ket ti tudo di met agtinnagen iti daga.

Genesis 1:10

Ket ti Dios ninagananna ti namaga, Daga ket ti nacatiponan dagiti danum ninagananna Tataaw: ket ti Dios nakitana a nasayaatda,

Exodo 4:9

Ket maaramidto a no didanto pay la patien dagitoy nagcadua a pagilasinan, wenno dida ipangag ti timecmo, mangalacanto iti danum ti carayan, ket ibuyatmonto iti daga a namaga: ket ti danum nga alaem iti carayan agbalinto a dara iti daga a namaga.

Exodo 14:16

Ket sica itayagmo ta sarucodmo ket yunnatmo ta imam iti baybay, ket pagbisngayem: ket dagiti annac ti Israel sumrecdanto iti pagtengngaan ti baybay iti rabaw ti daga a namaga.

2 Ar-ari 4:29

Idin kinunana ken ni Giezi, Baricsam dagita lomom, ket iggamam ti sarucodco, ket inca iti dalanmo: no macasaracca iti siasinoman a tao, dica agcablaaw coma kencuana; ket no uray asinoman ti agcablaaw coma kenca, isu dicanto sungbatan manen: ket ipaiddam ti sarucodco iti rabaw ti rupa ti ubing.

Isaias 5:25

Gapuna a ti pungtot ni Jehova simged a maibusor iti ilina, ken inunnatna ti imana a maibusor cadacuada, ken kinabilna ida; ket dagiti banbantay nagkintayegda, dagiti bangbangcay addada a cas rugit iti tengnga dagiti calcalsada. Iti amin daytoy di pay mapatuckiad ti pungtotna, no di ket ti imana adda pay laeng a silalayat.

Habakuk 3:8

Nagrurodan aya ni Jehova dagiti carcarayan? Naibusor aya ti ungetmo cadagiti carcarayan, Wenno ta pungtotmo maibusor iti taaw. A simmacayca cadagiti cabayom, Cadagiti luganmo a pangisalacan?

Isaias 19:10

Ket dagiti monmon ti Egipto mabungbungtoldanto; isu-amin dagiti mangmangged mapapulcocto iti cararuada.