Exodo 7:11 - Ti Biblia (1973)

¹¹ Idin ni Faraon nangayab met cadagiti mamasirib ken managsalamangca: ket isuda met, dagiti a managsalamangcada a taga Egipto, inaramidda met ti casdiay a salamangcada.

Ti Baro a Naimbag a Damag Biblia

¹¹ Inayaban ti ari dagiti mamasirib ken dagiti salamangkerona ket babaen iti salamangkada, inaramidda met ti inaramid ni Aaron.

Exodo 7:11 Iomraidhean Croise

Genesis 41:8

Ket naaramid iti cabigatanna, a naculcolan ti cararuana; ket nagbaon ket pinaayabanna amin dagiti managsalamangca sadi Egipto, ken amin dagiti mamasirib ti daga: ket ni Faraon sinaritana cadacuda ti tagtagainepna; ngem awan cadacuada ti nacaipalawag ken Faraon.

Exodo 7:12

Ta ti tunggal maysa impurruacda ti sarucodna, ket nagbalinda nga ul-uleg: Ngem ti sarucod ni Aaron inalun-unna dagiti sarucodda.

Exodo 7:22

Ket dagiti managsalamangca ti Egipto inaramidda met ti casta cadagiti salsalamangcada: ket ti puso ni Faraon napatangken, ket dina ida impangag, cas panagsao idi ni Jehova.

Exodo 8:18

Ket dagiti managsalamangca inaramatda dagiti salsalamangcada tapno mangpataudda cadagiti cutcuto, ngem dida nabalinan: ket kinuto idi ti tao ken ti animal.

Exodo 8:3

Ket iti carayan ti pagaduanto dagiti tuctucac, nga umulidanto ket dumanondanto iti balaymo, ken iti uneg ti siled a pagturogam, ken iti rabaw ti pagiddaam, ken iti balay dagiti ad-adipenmo, ken cadagiti iturayam, ken cadagiti horhornom, ken cadagiti pagmasmasaam iti tinapay:

Exodo 8:7

Ket dagiti managsalamangca inaramidda ti casta cadagiti salsalamangcada, ket nangpaulida cadagiti tuctucac iti daga nga Egipto.

Daniel 2:2

Idin ti ari nagpaayab cadagiti magos, baglan, managanito ken Caldeos, tapno ipatarusda coma iti ari dagiti tagtagainepna. Simrecda ngarud ket nagtacderda iti saclang ti ari.

Daniel 2:27

Ni Daniel simmungbat iti saclang ti ari, ket kinunana: Ti palimed a kiniddaw ti ari, uray mamasirib, uray bagbaglan, uray magos ken agraman pay mammadles, saanda a mabalin nga ipalgac iti ari.

Daniel 4:6

Gapu itoy nangaramidac iti bilin a mayeg itoy saclangco dagiti amin a mamasirib ti Babilonia, tapno iparangda coma caniac ti catarusan ti tagtagainep.

Daniel 5:11

Adda maysa a lalaki iti pagariam, isu a pagtaengan ti espiritu dagiti nasantoan a didios; ket cadagiti al-aldaw ni amam nasarac kencuana ti silaw ken pannacaawat ken sirib, a cas ti sirib dagiti didios; ket ni ari Nabucodonosor, nga amam, ti ari, cunac, ni amam isu ti inaramidna nga apo dagiti magos, bagbaglan, Caldeos, ken mammadles;

Daniel 5:7

Ti ari nagpuccaw a natbag, a mayeg coma dagiti baglan, Caldeos, ken mammadles. Nagsao ti ari ket kinunana cadagiti mamasirib sadi Babilonia, asinoman a macabasa itoy a surat, ket iparangna caniac ti catarusanna, macawesanto iti purpura, ket addanto tanicala a mayuccor iti tengngedna, ket iti pagarian maitan-octo a maicatlo nga agturay.

San Mateo 24:24

Ta tumacderdanto dagiti saan a pudno a Cristo, ken dagiti saan a pudno a mammadto, ket mangipakitadanto cadagiti dadackel a pagilasinan ken datdatlag tapno mangisiasida coma no mabalin, uray pay cadagiti napili.

Taga-Galacia 3:1

O taga Galacia nga awanan pannacaawat, asino ti nangcayaw cadacayo, idinto a naipakita iti nalawagen cadacayo a ni Jesu-Cristo nailansa iti cruz?

Taga-Efeso 4:14

Tapno ditay agub-ubinganen, nga agal-la-al-latayo ditoy ken idiay, a pailawlaw iti amin nga angin ti sursuro, gapu cadagiti salsalamangca dagiti tattao, iti kinasicapda a di madmadlaw a pangal-lilaw ti kinaulbod;

2 Taga-Tesalonica 2:9

Daydiay nga ti iyaayna cas iti panangaramid ni Satanas, a mapacuyugan iti amin a pannacabalin, ken dagiti pagilasinan, ken dagiti ulbod a datdatlag.

2 Timoteo 3:8

Ket cas ti panangsukirda ken Moises da Janes ken Jambres, casta met dagitoy sukirenda ti kinapudno; tattao a dimmakes ti panunotda, ket mababalawda maipapan iti pammati.

2 Timoteo 3:9

Ngem didanto rumang-ayen iti masangoanan; ta maiparangarangto cadagiti isu-amin ti caawan ti nakemda, a cas met pannakaiparang ti kinaawan a nakem dagidi.

Paltiing 19:20

Ket natiliw daydi animal, ket nairaman kencuana daydi saan a pudno a mammadto a nagar-aramid cadagiti datdatlag iti sangoananna, isuda a pinangalallilawna cadagiti immawat iti marca daydi animal, ken dagidi nagrucrucbab iti ladawanna. Dagitoy dua naitappuacda a sibibiag idi danaw ti apuy a dumardarang nga addaan azufrena:

1 Samuel 6:2

Ket dagiti Filisteos inayabanda dagiti papadi ken dagiti mammadles, a kinunada, Anianto aya ti aramidenmi iti lacasa ni Jehova? ipalawagyo cadacami no casano ti panangisubliminto kencuana iti lugarna.