Exodo 6:6 - Ti Biblia (1973)

⁶ Gapuna a saoem cadagiti annac ti Israel, Siac ni Jehova ket siac ilapsutcayto cadagiti pammarparigat dagiti Egipcios cadacayo, ket ispalencayto iti panangadipenda, ket subbotencayto iti siuunnat a tackiag ken cadagiti naindaclan a panangocom:

Ti Baro a Naimbag a Damag Biblia

⁶ Ngarud, ibagam daytoy kadagiti Israelita, ‘Siak ni Yahweh. Ispalenkayto ket wayawayaankayto iti pannakatagabuyo kadagiti Egipcio. Ipariknak kadakuada ti dagsen ti mannakabalin nga imak; nakabutbutengto ti panangdusak kadakuada ket isalakankayto.

Exodo 6:6 Iomraidhean Croise

1 Ar-ari 8:42

(Ta isuda mangngegdanto ti maipapan iti naindaclan a naganmo, ken ti mannacabalin nga imam, ken ti tackiagmo a siuunnat), no umayto ket agcararag a sumango ditoy a balay;

2 Ar-ari 17:36

No di ket ken ni Jehova, a nangaon cadacayo idiay daga ti Egipto iti dackel a pannacabalin ken tackiag a siuunnat, agbutengcayto kencuana, ket isu ti pagrucnoyanyonto, ket isu ti pagidatonanyonto:

1 Cronicas 17:21

Ket ania ti maysa a nacion iti daga ti adda a cas iti ilim nga Israel, isu a ti Dios napan a nangsubbot a maipaay kencuana met laeng a maysa nga umili; tapno aramidennaca a maysa a nagan gapu iti dackel ken nacakigkigtot a banag, iti panamagtalawna cadagiti nasnacion iti saclang ti ilim isu a sinubbotmo iti Egipto?

Nehemias 1:10

Ita dagitoy isuda dagiti ad-adipenmo ken ti ilim, a sinubbotmo iti dackel a pannacabalinmo, ken iti napigsa nga imam.

Dagiti Salmo 77:16

Dagiti dandanum nakitadaca, O Dios; dagiti dandanum nakitadaca, nagbutengda: dagiti caadalman nagpigergerda met.

Dagiti Salmo 81:11

Ngem ti ilic dina impangag ti timecco; ken ti Israel dinac kinayat.

Dagiti Salmo 81:6

Inlisic ti abagana iti awiten: dagiti im-imana nailisida iti curibut.

Dagiti Salmo 81:7

Sica immawagca iti pannacariribuc ket siac inispalca; sinungbatanca iti nalmeng a yan ti gurruood; sinuutca idiay danum ti Meriba. (Selah)

Exodo 1:11

Iti casta insaadda dagiti mangdagdag cadacuada a mamadagsen cadagiti awawitda. Ket imbangonanda ni Faraon cadagiti il-ili a pagipenpenan iti taraon, a Pitom ken Rameses.

Exodo 12:41

Ket idi aggibus dagiti uppat a gasut ket tallopulo a tawen, daydi met laeng nga aldaw naaramid nga amin dagiti buybuyot ni Jehova pimmanawda iti daga nga Egipto.

Exodo 12:51

Ket naaramid iti daydi met laeng nga aldaw nga innala ni Jehova dagiti annac ti Israel idiay daga nga Egipto a binuyonbuyot.

Exodo 13:14

Ket maaramidto a no iti masacbayan saludsudento kenca ti anacmo a lalaki, a cunana, Ania daytoy? saoemto kencuana, Iti pigsa ti ima ni Jehova innalanacami nanipud sadi Egipto iti balay a nacaadipnan:

Exodo 13:16

Ket daytoyto ti maysa a tanda iti imam ken iti sango ti baet dagiti matam, ta gapu iti pigsa ti ima ni Jehova inruarnacami sadi Egipto.

Exodo 13:3

Ket ni Moises kinunana cadagiti tattao, Laglagipenyo daytoy nga aldaw isu a panagtalawyo sadi Egipto iti balay a nacaadipnan; ta gapu iti napigsa nga ima inlapsotnacayo ni Jehova iti daytoy nga ayan; awanto ti macan a nalevaduraan a tinapay.

Exodo 15:13

Iti kinaimbag ti dongngom imparocpocmo cadagiti tattao a sinubbotmo: Indalanmo ida ita pigsam ti pagnaedam a nasantoan.

Exodo 16:6

Ket ni Moises ken ni Aaron kinunada cadagiti amin nga annac ti Israel, Intono rumabii, maammoanyonto ngarud nga ni Jehova inaonnacayo iti daga nga Egipto;

Exodo 18:1

Ket ni Jetro a padi sadi Madian, a catugangan a lalaki ni Moises, naanmoanna ti amin nga inaramid ti Dios ken Moises ken iti Israel nga ilina, no casano ti panangiruar ni Jehova iti Israel sadi Egipto.

Exodo 2:11

Ket naaramid cadagidiay nga al-aldaw, a idi ni Moises numakem, napan cadagiti cacabsatna, ket nakitana dagiti rigrigatda: ket nakitana ti maysa nga Egipcio a kimmabil iti maysa nga Hebreo a maysa cadagiti cacabsatna.

Exodo 3:17

Ket kinunacon, Alaencayto manipud iti pammarparigat ti Egipto a ipan sadiay daga ti Cananeo, ken ti Heteo, ken ti Amorreo, ken ti Perezeo, ken ti Heveo, ken ti Jebuseo, iti maysa a daga a pagayusan ti gatas ken diro.

Exodo 3:8

Ket bimmabaacon tapno ilisic ida iti ima dagiti Egipcios, ken tapno ipanawco ida idiay a daga nga ipan iti maysa a naimbag ken nalawa, iti maysa a daga a pagayusan ti gatas ken diro; iti yan ti Cananeo, ken ti Heteo, ken ti Amorreo, ken ti Perezeo, ken ti Heveo, ken ti Jebuseo.

Exodo 32:11

Ket ni Moises nagdawat ken Jehova a Diosna, ket kinunana, Jehova, apayapay a bumara ti pungtotmo iti ilim, a linapsutmo iti daga nga Egipto iti naindaclan a pigsa ken iti ima a mannacabalin?

Exodo 6:2

Ket ti Dios nakisao ken Moises, ket kinunana kencuana, Siac ni Jehova:

Exodo 6:29

A ni Jehova nakisao ken Moises a cunana, Siac ni Jehova: saoem ken Faraon nga ari sadi Egipto amin nga saoec kenca.

Exodo 6:8

Ket iyegcayto iti daga nga insapatac nga ited ken Abraham ken Isaac ken Jacob; ket itdecto cadayo a tawid: siac ni Jehova.

Exodo 7:4

Ngem ni Faraon saanto a dumngeg cadacayo ket isaadconto ti imac iti Egipto ket ipanawconto dagiti buybuyotco, ti ilic, dagiti annac ti Israel, manipud iti daga nga Egipto, nga aramatec dagiti dadackel a panangocom.

Exodo 7:5

Ket dagiti Egipcios maamoandanto a siac ni Jehova, no ilayatco ti imac iti Egipto ken alaec dagiti annac ti Israel iti tengngada.

Isaias 9:12

Dagiti Sirios iti sangoanan, ken dagiti Filisteos iti licudan; ket alun-unendanto ti Israel iti nacanganga a ngiwat. Ta gapu amin daytoy ti pungtotna di pay pimmanaw, no di ket ti imana silalayat pay laeng.

Isaias 9:17

Gapuna a ti Apo saannanto a pagragsacan dagiti agtutubuda a tattao, ket dinto sumnec ti asina cadagiti ululilada ken babbaloda a babbai; ta tunggal maysa managtabbaaw, ket managdacdakesda, ken tunggal ngiwat agsao iti kinamaag. Ta gapu amin daytoy ti pungtotna di pay naiccat, no di ket ti imana adda a silalayat pay laeng.

Isaias 9:21

Ti Manases iti Efraim; ket ti Efraim iti Manases; ket isuda agtipondanto a bumusor iti Juda. Ta gapu amin daytoy ti pungtotna saan a pimmanaw, no di ket ti imana adda a silalayat pay laeng.

Jeremias 21:5

Ket siac met laeng makigubatacto a maicaniwas cadacayo babaen ti siunnat nga ima ken maysa a napigsa a tackiag, ken babaen met ti unget, ken iti rungsot ken iti dackel a pungtot.

Jeremias 27:5

Inaramidco ti lubong, dagiti tattao ken dagiti an-animal nga adda iti rabaw ti daga, babaen ti dackel a pannacabalinco ken babaen ti siunnat a tackiagco; ket isu itedconto iti daydiay ipagarupco a maiparbeng.

Jeremias 32:21

Ket inruarmo ti ilim nga Israel idiay daga nga Egipto babaen cadagiti pagilasinan, ken pagsidsiddaawan, ken babaen ti napigsa nga ima, ken iti siuunnat a tackiag, ken ti dackel unay a panagbuteng;

Ezekiel 20:33

Cas sibibiagac, cuna ni Apo Jehova, pudno a babaen ti ima a nabileg ken siuunnat a tackiag, ken gura a maibuyat, agariacto cadacayo.

Dagiti Aramid 13:17

Ti Dios daytoy ili nga Israel pinilina dagiti ammatayo, ket intan-ocna ti ili idi nagtaengda idiay Egipto, ket iti nabileg a tackiagna inruarna ida idiay.

Deuteronomio 11:2

Ket ammoenyo itoy nga aldaw: ta diac makisao cadagiti annacyo a saan a nacaammo ken saan a nacakita iti panangdusa ni Jehova a Diosmo, ti kinadackelna ken ti imana a mannacabalin, ken ti siuunnat a tackiagna,

Deuteronomio 15:15

Ket sica laglagipemto a maysaca met nga adipen idi iti daga nga Egipto, ket ni Jehova a Diosmo sinubbotnaca; isu ti gapuna nga ibilinco kenca daytoy ita nga aldaw.

Deuteronomio 26:8

Ket iti maysa nga ima a mannacabalin ken tackiag a sinuunnat, ken dackel a nacakigkigtot, ken dagiti pagilaslasinan, ken dagiti nacascasdaaw ti pinangaon ni Jehova cadatayo sadi Egipto;

Deuteronomio 4:23

Aluadanyo dagiti bagbagiyo, di la ket malipatanyo ti tulag ni Jehova a Diosyo nga inaramidna cadacayo, ket mangaramidcayo iti maysa a ladawan a kinitikitan a langa ti uray ania a ni Jehova a Diosmo imparitna kenca.

Deuteronomio 4:34

Wenno pinadas ti Dios ti napan nangala ti maysa a nacion a cucuana iti tengnga ti sabali a nacion, gapu cadagiti panangsusuut, gapu cadagiti pagilasinan, ken gapu cadagiti nacascasdaaw, ken gapu iti gubat, ken gapu iti mannacabalin nga ima, ken gapu iti siuunnat a tackiag, ken gapu cadagiti dadackel a pagkigtotan, a cas ti nacadagupan ti inaramid cadacayo ni Jehova a Diosyo sadi Egipto iti sango dagiti matayo?

Deuteronomio 5:15

Ket laglagipemto a maysaca met idi nga adipen iti daga nga Egipto, ket ni Jehova a Diosmo inaonnaca sadiay iti ima a mannacabalin ken tackiag a sitatag-ay: gapuna a ni Jehova a Diosmo imbilinna kenca a salimetmetam ti aldaw a panaginana.

Deuteronomio 6:12

Agaluadca ngarud di la ket ta malipatam ni Jehova, a nangaon kenca iti daga nga Egipto, nanipud iti balay ti nacaadipnan.

Deuteronomio 7:19

Dagiti dadackel a susuut a nakita dagita matam, ken dagiti pagilaslasinan, ken dagiti pagsidsiddaawan, ken ti mannacabalin nga ima, ken ti siunnat a tackiag a pinangaon kenca ni Jehova a Diosmo: ni Jehova a Diosmo casta ti aramidennanto cadagiti amin nga il-ili a cabutengmo.

Deuteronomio 7:8

Ngem gapu ta ni Jehova ay-ayatennacayo ken gapu ta salimetmetanna ti cari nga insapatana cadagiti ammayo, iti ima a mannacabalin ti pinangaon ni Jehova cadacayo, ken pinangsubbotna cadacayo nanipud iti balay ti nacaadipnan iti ima ni Faraon nga ari ti Egipto.

Deuteronomio 9:29

Isuda met laeng ti ilim ken tawidmo nga inaonmo ida iti dackel a bilegmo ken iti siunnat a tackiagmo.