Exodo 6:3 - Ti Biblia (1973)

³ Ket siac nagparangac ken Abraham, ken Isaac ken Jacob, cas Dios a Mannacabalin amin; ngem iti naganco a Jehova saandac a naammoan.

Ti Baro a Naimbag a Damag Biblia

³ Nagparangak a kas Dios a Mannakabalin-amin kada Abraham, Isaac ken Jacob, ngem diak impakaammo kadakuada ti nasantoan a naganko a Yahweh.

Exodo 6:3 Iomraidhean Croise

Genesis 13:18

Ket ni Abram inyalisna ti sapawna, ket napan nagnaed iti abay ti caroblean ni Mamre, nga adda sadiay Hebron, ket namangon idiay ti maysa nga altar nga agpaay ken Jehova.

Genesis 17:1

Ket idi a ni Abram nagtawen iti siam a pulo ket siam, ni Jehova nagparang ken Abram, ket kinunana kencuana, Siac ti Dios a Mannacabalin amin; magnaca iti sangoc ket awan coma ti pagcurcurangam.

Genesis 22:14

Ket ni Abraham pinanagananna daydiay a disso iti Jehova-jireh: a cas masansan a masasao agpapan ita, Iti bantay ni Jehova sisasagananto.

Genesis 28:3

Ket ti Dios a Mannacabalin amin bendicionannaca coma, ket pagbungaennaca, ket pagaduennaca tapno sica agbalinca a bunggoy dagiti inilin-ili;

Genesis 35:11

Ket ti Dios kinunana kencuana, Siac ti Dios a Mannacabalin amin: agbungaca ket umaduca; ti maysa a nacion ken maysa bunggoy dagiti nasnacion agtauddanto kenca, ket ar-ari agtauddanto iti lasagmo;

Genesis 48:3

Ket ni Jacob kinunana ken Jose, Ti Dios a Mannacabalin amin nagparang caniac idiay Luza, sadiay daga a Canaan, ket binendicionannac.

Dagiti Salmo 68:4

Cantaanyo ti Dios, icantayo ti panangidaydayaw iti naganna: iyaramidanyo iti calzada a maipaay kencuana nga agsacay a lumasat cadagiti let-ang; ti naganna Jehova; ket agragrag-ocayo iti sangona.

Dagiti Salmo 83:18

Bareng maammoanda coma a sicsica laeng, nga agnagan Jehova, ti Cangatoan a ringbawam iti amin a daga.

Exodo 15:3

Ni Jehova isu ti mananggubat: Jehova isu ti naganna.

Exodo 23:21

Agannadcayo iti sangona, ket ipangagyo ti timecna; dicayo pagpungtoten; ta dinanto pacawanen ti salungasingyo: ta ti naganco adda kencuana.

Exodo 3:14

Ket ti Dios kinunana ken Moises, SIAC TI SIAC: ket kinunana, castoy ti saoemto cadagiti annac ti Israel NI SIAC ti nangibaon caniac cadacayo.

Isaias 42:8

Siac ni Jehova, dayta ti naganco; ket ti dayagco diacto ited iti sabali, ket diac met ited ti dayawco cadagiti kinitikitan a ladladawan.

Isaias 44:6

Castoy ti cuna ni Jehova, nga ari ti Israel ken Mannubbot kencuana, Jehova dagiti buybuyot: Siac ti immuna ken ti camaudianan; ket awan ti Dios no di la sisiac.

Jeremias 16:21

Gapuna, adtoy, ipabigbigconto cadacuada, iti daytoy a daras ipabigbigconto cadacuada ti imac ken ti bilegco; ket maammoandanto a ti naganco Jehova.

Jeremias 33:2

Castoy ti cuna ni Jehova a mangaramid itoy, ni Jehova a mangbukel ken mangipasdec kencuana; Jehova ti naganna:

Ezekiel 20:5

Ket cunam cadacuada, Castoy ti cuna ni Apo Jehova: Idi aldaw a panamilic iti Israel, ken insapatac iti capuonan ti balay ni Jacob, ket nagpacaamoac cadacuada idiay daga ti Egipto, idi insapatac cadacuada, a kinunac, Siac ni Jehova a Diosyo;

Ezekiel 37:13

Mabigbigyonto a siac ni Jehova, intono maluctac dagiti tanemyo, ken pasang-atencayo manipud cadagiti tanemyo, O ilic.

Ezekiel 37:6

Ket mangicapetacto cadagiti pennet iti rabawyo, ket paaddaecto ti lasag cadacayo, ket bungonencayto iti cudil, ket iccancayto iti anges, ket agbiagcayto; ket mabigbigyonto a siac ni Jehova.

San Juan 8:58

Kinuna cadacuada ni Jesus: Pudno, pudno, cunac cadacayo, idi casangoanan ti pannacayanac ni Abraham, addaacon.

Paltiing 1:4

Ni Juan isuratna cadagiti pito nga Iglesia nga addada iti Asia: Parabur cadacayo ken talna nga aggapu iti daydiay nga adda ita ket adda idi, ken umayto; ken aggapu cadagiti pito nga Espiritu nga addada iti sangoanan ti tronona;

Ruth 1:20

Ket isu kinunana cadacuada: Didac coma naganen iti Noemi, naganendac iti Mara; ta ti Mannacabalin-amin nagaramid a napait unay caniac.