Exodo 6:12 - Ti Biblia (1973)

¹² Ket ni Moises nagsao ken Jehova a kinuna, Adtoy dagiti annac ti Israel didac met impangag idi; casano ngarud ti panangipangag, ni Faraon caniac, siac a dagiti bibbibigco saanda a nacugit.

Ti Baro a Naimbag a Damag Biblia

¹² Ngem kinuna ni Moises ken ni Yahweh, “Didakto pay ipangag dagiti Israelita, ipangagnakto ketdin ti ari? Saanak a nalaing nga agsao.”

Exodo 6:12 Iomraidhean Croise

Exodo 3:11

Ket ni Moises kinunana iti Dios, Asinoac a mapan aya ken Faraon, ken mangipanaw iti Egipto cadagiti annac ti Israel?

Exodo 3:13

Ket ni Moises kinunana iti Dios, Adtoy no dumtengac cadagiti annac ti Israel, ket cunacto cadacuada, Ti Dios dagiti ammayo imbaonnac cadacayo, ket no isuda ta saludsudenda caniac, Asino ti naganna? ania ti isungbatconto cadacuada?

Exodo 4:1

Ket ni Moises simmungbat ket kinunana, Ngem, adtoy, didacto patien ket didanto imdengan ti timecco; ta cunadanto, ni Jehova, Saan a nagparang kenca.

Exodo 4:10

Ket ni Moises kinunana ken Jehova, O, Apo, saanac a tao a somasao, uray idi nalabes a tiempo wenno ita ken uray nanipud idi nakisaoca itoy adipenmo; ta naullayatac nga agsao ket natabbed ti dilac.

Exodo 6:13

Ket ni Jehova nakisao cada Moises ken Aaron, ket binilinna ida iti maipaay cadagiti annac ti Israel, ken ni Faraon nga ari ti Egipto, tapno ipanawda dagiti annac ti Israel iti daga nga Egipto.

Exodo 6:30

Ket ni Moises kinunana iti sango ni Jehova, Adtoy siac a di nacugit dagiti bibigna, ket casano ti panangipangagto caniac ni Faraon?

Exodo 6:9

Ket ni Moises castoy ti panangisaona cadagiti annac ti Israel: ngem isuda saanda nga impangag idi ni Moises, a maipanggep iti pagel ti nakemda, ken iti napalalo a pannacaadipen.

Isaias 6:5

Idin kinunac, Asiac pay! ta madadaelac; agsipud ta taoac a narugit dagiti bibigna ket makipagtaengac cadagiti tattao a narugit dagiti bibigda: ta dagiti matac nakitada ti Ari, a ni Jehova dagiti buybuyot.

Jeremias 1:6

Iti casta kinunac, O, Apo Jehova! Adtoy, saanco nga ammo ti agsao; ta ubingac.

Jeremias 6:10

Siasino ti pakisaoac ken pangpanecnecac, tapno mangngegda coma? Adtoy, ti lapayagda saan a nacugit, ket saanda a macaipangag: adtoy, ti sao ni Jehova nagbalin cadacuada a umsi; awan ti ragsacda kencuana.

Jeremias 9:26

Ti Egipto, ken Juda, ken Edom, ken dagiti annac ti Ammon, ken Moab, ken amin a napukisan ti ngarab ti buocda, nga agnaed iti let-ang; ta amin dagiti nasnacion saanda a nacugit, ket amin ti balay ti Israel saanda a nacugit iti puso.

Levitico 26:41

Siac met a maibusor cadacuada, ket impanco ida iti daga dagiti cabusorda: no ngarud no agpacumbaba dagiti puspusoda a di nakugit, ket annugotenda ti dusa ti kinadakesda;

Dagiti Aramid 7:51

O dacayo a natangken a teltel ken saan a nacugit iti puso ken pagdengngeg; agnanayon a sukirenyo ti Espiritu Santo: no casano dagidi ammayo castacay met.

Deuteronomio 30:6

Ket ni Jehova a Diosmo cugitennanto ta pusom, ken ti puso ti putotmo, tapno agayatca ken Jehova a Diosmo iti isu-amin a pusom, ken iti isu-amin a cararuam, tapno agbiagca.