Exodo 6:1 - Ti Biblia (1973)

¹ Ket ni Jehova kinunana ken Moises, Ita makitamto ti aramidecto ken Faraon: ta babaen iti napigsa nga ima bayannanto ida a pumanaw, ket iti napigsa nga ima papanawennanto ida iti dagana.

Ti Baro a Naimbag a Damag Biblia

¹ Kinuna ni Yahweh ken ni Moises, “Ita, makitam ti aramidek iti ari. Pilitek a mangpalubos kadagiti tattaok. Kinapudnona, pilitek a pagtalawenna ida iti dagana.”

Exodo 6:1 Iomraidhean Croise

2 Ar-ari 7:19

Ket daydiay a capitan simmungbat iti lalaki ti Dios, a kinunana, Ita, adtoy, no ni Jehova agaramid coma iti tawtawa idiay langit, mabalin coma a maaramid daytoy? Ket isu kinunana, Adtoy, nga isu ti makitamto cadagiti matam, ngem dicanto mangan kencuana:

2 Ar-ari 7:2

Idin ti capitan nga iti imana pagsammakedan di ari simmungbat iti lalaki ti Dios, ket kinunana, Adtoy, a no ni Jehova agaramid coma iti tawtawa idiay langit, mabalin a maaramid daytoy? ket isu kinunana, Adtoy, nga isu ti makitamto cadagita matam, ngem dicanto mangan kencuana.

2 Cronicas 20:17

Saanyonto a masapul ti gumubat itoy a bacal; agurnongcayo, agtacdercayo a sitatalna, ket kitaenyo ti panangisalacan ni Jehova cadacayo, O Juda ken Jerusalem; dicayo agbuteng, dicayo met agcullayaw: intono bigat incayo bumusor cadacuada; ta ni Jehova cumuyog cadacayo.

Dagiti Salmo 12:5

Gapu iti pannacailuplupit ti napanglaw, gapu iti sasainnec ti macasapul, ita bumangonacto, cuna ni Jehova; isu isaadconto iti kinatalged a tontontonenna a sigagagar.

Dagiti Salmo 12:6

Dagiti sao ni Jehova nadalusda a sao; cas pirac a nalunag iti pagtunawan iti daga, naminpito a nadalusan.

Dagiti Salmo 136:12

A sibibileg ti imana, ken sidedeppa dagiti tackiagna; ta ti kinamanagayatna agnanayon:

Dagiti Salmo 89:13

Adda tackiagmo a nabileg; napigsa ta imam, ket natayag ta canawanmo.

Exodo 11:1

Ket ni Jehova kinunana ken Moises, Addanto pay laeng maysa a didigra nga yegco ken Faraon ken iti Egipto; iti calpasanna isu bay-annacayton a pumanaw ditoy: no palubosannacayonton a pumanaw, pudno nga ipapilitnanto ti ipapanawyo a maminpinsan ditoy.

Exodo 12:31

Ket pinaayabanna da Moises ken Aaron iti rabii, ket kinunana, Tumacdercayo, pumanawcayo iti baet dagiti iturayac, dacayo ken casta met dagiti annac ti Israel; ket incayo agservi ken Jehova a cas kinunayo.

Exodo 12:33

Ket dagiti Egipcios dinagdagda idi dagiti tattao, a pinagdardarasda a pinapanaw ida iti daga; ta kinunada, Mataycamin amin.

Exodo 12:39

Ket binibingcada nga awan levadura ti ginamay nga innalada sadi Egipto; ta saan a nalevaduraan idi, gapu ta napagtalawda idiay Egipto, ket dida nacapagtactaken, wenno dida nacapagsagana idi iti canenda.

Exodo 13:14

Ket maaramidto a no iti masacbayan saludsudento kenca ti anacmo a lalaki, a cunana, Ania daytoy? saoemto kencuana, Iti pigsa ti ima ni Jehova innalanacami nanipud sadi Egipto iti balay a nacaadipnan:

Exodo 13:16

Ket daytoyto ti maysa a tanda iti imam ken iti sango ti baet dagiti matam, ta gapu iti pigsa ti ima ni Jehova inruarnacami sadi Egipto.

Exodo 13:3

Ket ni Moises kinunana cadagiti tattao, Laglagipenyo daytoy nga aldaw isu a panagtalawyo sadi Egipto iti balay a nacaadipnan; ta gapu iti napigsa nga ima inlapsotnacayo ni Jehova iti daytoy nga ayan; awanto ti macan a nalevaduraan a tinapay.

Exodo 13:9

Ket addanto maysa a pagilasinan kenca ita imam, ken maysa a pacalaglagipan iti baet dagita matam, tapno ti linteg ni Jehova adda iti ngiwatmo: ta gapu iti napigsa nga ima innalanaca ni Jehova sadi Egipto.

Exodo 14:13

Ket ni Moises kinunana cadagiti tattao, Dicayo agbuteng, agtalnacayo, ket kitaenyo ti panangispal ni Jehova nga aramidennanto cadacayo ita nga aldaw: ta dagiti Egipcios a nakitayo ita nga aldaw, uray caano dicayonto ida makitan.

Exodo 15:6

Ti imam a macanwan, O Jehova, nagloriaan iti pigsa, Ti imam a macanawan, O Jehova, ti cabusor winarawarana.

Exodo 7:4

Ngem ni Faraon saanto a dumngeg cadacayo ket isaadconto ti imac iti Egipto ket ipanawconto dagiti buybuyotco, ti ilic, dagiti annac ti Israel, manipud iti daga nga Egipto, nga aramatec dagiti dadackel a panangocom.

Exodo 7:5

Ket dagiti Egipcios maamoandanto a siac ni Jehova, no ilayatco ti imac iti Egipto ken alaec dagiti annac ti Israel iti tengngada.

Isaias 63:12

Daydi a nangipan ti nadayag a tackiagna iti canawan nga ima ni Moises? daydi a nangbisngay cadagiti dandanum iti sangoananda, tapno aramidenna a maipaay kencuana met laeng a maysa a nagan iti agnanayon?

Numero 11:23

Ket ni Jehova kinunana ken Moises, Immababa aya ti ima ni Jehova? ita makitamto no ti saoc matungpalto wenno saan.

Numero 23:23

Pudno a maibusor ken Jacob awan cabaelan ti managanito; Wenno uray ania a padpadles a maibusor iti Israel: Ita ti maisaonto maipanggep ken Jacob ken iti Israel, Anian ti inaramid ti Dios!

Dagiti Aramid 13:17

Ti Dios daytoy ili nga Israel pinilina dagiti ammatayo, ket intan-ocna ti ili idi nagtaengda idiay Egipto, ket iti nabileg a tackiagna inruarna ida idiay.

Deuteronomio 32:39

Kitaenyo ita a siac, a siac met laeng daydiay, ket awan dios a caduac: siac pumatayac ken mangbiagac; sumugatac ken mangagasac; ket awan uray asinoman a macalasut iti imac.

Deuteronomio 4:34

Wenno pinadas ti Dios ti napan nangala ti maysa a nacion a cucuana iti tengnga ti sabali a nacion, gapu cadagiti panangsusuut, gapu cadagiti pagilasinan, ken gapu cadagiti nacascasdaaw, ken gapu iti gubat, ken gapu iti mannacabalin nga ima, ken gapu iti siuunnat a tackiag, ken gapu cadagiti dadackel a pagkigtotan, a cas ti nacadagupan ti inaramid cadacayo ni Jehova a Diosyo sadi Egipto iti sango dagiti matayo?