Exodo 5:21 - Ti Biblia (1973)

²¹ Ket dagiti agturturay, kinunada cadacuada, Ni Jehova imatangannacayo coma ket ipatona; ta dacayo ti nangaramid iti pacaguraanmi cadagiti mata ni Faraon, ken cadagiti mata dagiti ad-adipenna, ta icabilyo iti imada ti campilan a pamatayda cadacami.

Ti Baro a Naimbag a Damag Biblia

²¹ Kinunada kadagiti dua, “Nakita ti Apo ti inaramidyo ket dusaennakayo koma ta dakayo ti gapuna a guraennakami ti ari ken dagiti ofisialesna. Inikkanyo ida iti pambaran a mangpatay kadakami.”

Exodo 5:21 Iomraidhean Croise

Genesis 16:5

Ket ni Sarai kinunana ken Abram, Ti pannacalaisco maipabaclay coma kenca: insaadco ti adipenco iti barucongmo, ket idi nakitana a masicug, siac nauy-uyawac cadagiti matana: ni Jehova ocomennata coma.

Genesis 31:53

Ti Dios ni Abraham, ken ti Dios ni Nacor, ti Dios ni amada, ocomennata coma. Ket ni Jacob nagsapata gapu iti Buteng ni Isaac nga amana.

Genesis 34:30

Ket ni Jacob kinunana ken Simeon ken ni Levi, Dacayo pinagal-aligagetdac, ta binalindac a macarurod cadagiti agnaed ditoy a daga, cadagiti Cananeo ken cadagiti Ferezeo: ket, siac idinto a bassit dagiti tattaoc, agtitipondanto a busorendac, ket dadaelendacto; ket siac mapucawacto, siac ken ti balayco.

2 Samuel 10:6

Ket idi a nakita dagiti annac ni Ammon nga isuda nagbalinda a nacarurod ken David, dagiti annac ni Ammon nagbaonda ken nanangdanda cadagiti Sirios idiay Rehob, ken cadagiti Sirios idiay Soba, a duapulo a ribu a lallaki a magmagna, ken iti ari ti Maaca agraman sangaribu a tattaona, ken dagiti lallaki a taga Is-tob a sangapulo ket dua a ribu a lallaki.

1 Cronicas 19:6

Ket idi a dagiti annac ti Ammon nakitada nga isuda nagbalinda a macarurod ken David, ni Hanan ken dagiti annac ti Ammon nagpaibaonda iti sangaribu a talento a pirac panangdanda cadagidiay luglugan ken lallaki a nagcacabayo nga aggapu iti Mesopotamia, ken aggapu iti Aram-maaca, ken aggapu iti Soba.

Exodo 14:11

Ket kinunada ken Moises, Gapu ta awan dagiti pagitaneman sadi Egipto, innalanacami aya tapno mataycami iti let-ang? Apayapay nga incastoynacami nga impanawnacami sadi Egipto?

Exodo 15:24

Ket dagiti tattao nagdanengdengda ken Moises, a cunada, Ania ti inumenminto?

Exodo 16:2

Ket amin ti sancagimongan nga annac ti Israel nagtanabutubda iti maibusor cada Moises ken Aaron idiay let-ang:

Exodo 4:31

Ket ti umili namatida: ket idi nangngegda a ni Jehova sinarungcaranna dagiti annac ti Israel, ket nakitanan ti pagelda, nagtamedda ket nagdaydayawda.

Exodo 5:20

Ket pimmanawda ken Faraon idi nasabetda da Moises ken ni Aaron, a nagtacderda iti dalan:

Exodo 6:9

Ket ni Moises castoy ti panangisaona cadagiti annac ti Israel: ngem isuda saanda nga impangag idi ni Moises, a maipanggep iti pagel ti nakemda, ken iti napalalo a pannacaadipen.

Eclesiastes 10:1

Dagiti natay a ngilngilaw pataudenna iti dakes nga angot iti lana ti agaramid iti bangbanglo; casta ti bassit a kinamaag nadagdagsen ngem ti sirib ken dayaw.

Isaias 30:6

Ti sagabaen dagiti an-animal ti Abagatan. Iti daga ti riribuc ken ladingit, a pagtaudan ti leon a cabaian ken leon a lalaki, ti carasaen ken ti narungsot nga uleg nga agtayab, ipaawitda dagiti kinabacnangda iti abaga dagiti urbon nga asno, ken dagiti gamengda iti bucot dagiti camello, nga agpaay iti maysa nga ili a saanto a manggunguna cadacuada.

Joel 2:20

No di ket yadayucto cadacayo ti makinamianan a buyot, ket isu ipaturongconto iti daga a naticag ken langalang, iti camaunana agingga iti baybay a makindaya, ket iti camaudina agingga iti baybay a makinlaud; ket ti buyocna sumngawto, ket ti nabangsit nga angotna ngumatonto, gapu ta isu nagaramid cadagiti dadackel a banbanag.

Numero 14:22

Gapu ta amin dagidiay a tattao a nacakita iti dayagco, ken dagiti pagilasinac a gapuanac sadi Egipto ken iti let-ang, nupay casta sinuutdac cadagitoy naminsangapulo daras, ket dida impangag ti timecco.

Numero 14:3

Ket ania ti gapuna nga inyegnacam ni Jehova ditoy a daga, tapno maipasagcami iti campilan? dagiti assawami ken dagiti babassitmi isudanto ti maranggasan: di coma nasayaat cadacami nga agsublicam sadi Egipto?

1 Samuel 13:4

Ket amin nga Israel nangngegda a masasao a ni Saul kinabilna ti agbantay a buyot dagiti Filisteos nga casta met a ti Israel naaddaanda ti kinaimon cadagiti Filisteos. Ket ti umili naurnong a nagtitipon a simmurot ken ni Saul idiay Gilgal.

1 Samuel 27:12

Ket ni Aquis pinatina ni David, a kinunana, Isu inaramidna a naananay ti ilina nga Israel nga agrimon kencuana; gapuna nga isunto ti adipenco iti agnanayon.