Exodo 5:1 - Ti Biblia (1973)

¹ Ket iti calpasanna da Moises ken Aaron dimmanonda ket kinunada ken Faraon, Castoy ti sao ni Jehova a Dios ti Israel, Bay-am a pumanaw ti umilic tapno inda rambacan ti maysa a fiesta caniac idiay let-ang.

Ti Baro a Naimbag a Damag Biblia

¹ Kalpasanna napan da Moises ken Aaron iti ari ti Egipto ket kinunada kenkuana, “Kastoy ti kuna ti Apo a Dios ti Israel: ‘Palubosam dagiti tattaok a mapan idiay let-ang tapno rambakanda ti fiesta a pangpadayaw kaniak.’”

Exodo 5:1 Iomraidhean Croise

1 Ar-ari 21:20

Ket ni Acab kinunana ken Elias, Sinaracnac, O cabusorco? Ket isu simmungbat, Siac sinaracca, ta sica inlacom ti bagim met laeng tapno aramidem daydiay a dakes iti imatang ni Jehova.

Dagiti Salmo 119:46

Saoecto met dagiti pammanecnecmo iti saclang dagiti ar-ari, ket saanacto a maibabain.

Exodo 10:3

Ket da Moises ken ni Aaron napanda ken Faraon, ket kinunada kencuana, Ni Jehova a Dios dagiti Hebreos castoy ti saona, Casano ti cabayagnanto ti dica panagpacumbaba iti saclangco? Bay-am a pumanaw ti ilic, tapno agdaydayawda caniac.

Exodo 10:4

Wenno, no supringem ti panangpalubusmo iti ilic, adtoy, ta yegconto no bigat dagiti dodon iti beddengmo:

Exodo 10:9

Ket ni Moises kinunana, Dacami ti mapanto agraman dagiti agtutubomi ken lallacaymi; agraman dagiti annacmi a lallaki ken babai, ken dagiti an-animalmi a babassit ken an-animalmi a dadackel mapancaminto ta rebbengna nga agrambacami ken Jehova.

Exodo 3:18

Ket ipangagdanto ti timecmo: ket incanto, sica ken dagiti lallacay ti Israel, iti ari ti Egipto, ket cunayonto kencuana, Ni Jehova a Dios dagiti Hebreos nasaracannacami: Ket ita palubosannacami, dawatenmi kenca, nga incami iti let-ang iti bayat dagiti tallo nga aldaw, tapno aramidenmi ti daton ken Jehova a Diosmi.

Exodo 33:13

Ita ngarud, dawatec kenca, no nagunodcon ti parabur iti imatangmo, ipamatmatmo caniac dagiti daldalanmo, tapno maam-ammoca, tapno masaracac ti parabur iti imatangmo: ket panunutem a daytoy a nacion isu ti ilim.

Exodo 4:23

Ket siac kinunac kenca idi, Bayam a pumanaw ti anacco, tapno agdaydayaw caniac; ket dica kinayat a pinalubosan idi: adtoy a siac patayeecto ti anacmo, ti inauna nga anacmo.

Exodo 6:11

Sumrecca, saoem ken Faraon nga ari ti Egipto a bay-anna a pumanaw iti dagana dagiti annac ti Israel.

Exodo 6:27

Dagitoy dagiti nakisao ken Faraon nga ari ti Egipto, tapno aonenda idiay Egipto dagiti annac ti Israel: dagitoy isuda met laeng da Moises ken Aaron.

Exodo 7:16

Ket saoemto kencuana, Ni Jehova a Dios dagiti Hebreos imbaonnac kenca, a cunana, Bay-am a pumanaw ti ilic, tapno agdaydayawda caniac idiay let-ang: ket, adtoy nga agpapan ita dica nangipangag.

Exodo 7:2

Sica saoemto amin dagiti ibilinco kenca, ket ni Aaron a cabsatmo ibagananto ken Faraon a bay-anna a pumanaw iti dagana dagiti annac ti Israel.

Exodo 8:1

Ket ni Jehova kinunana ken Moises, Inca ken Faraon, ket cunam kencuana, Castoy ti cuna ni Jehova, Bayam a pumanaw ti ilic tapno agdaydayawda caniac.

Exodo 8:16

Ket ni Jehova kinunana ken Moises, Saoem ken Aaron, Ilayatmo ta sarucodmo, ket baotem ti tapuc ti daga tapno agbalinda a cutcuto iti amin a daga nga Egipto.

Exodo 8:17

Ket casta ti inaramidda; ket ni Aaron inyunnatna ti imana a siiggem iti sarucod, ket imbaotna iti tapuc ti daga, ket timmaud dagiti cutcuto a kimpet iti tao ken iti animal; amin a tapuc iti daga nagbalin a cutcuto iti isu-amin a daga nga Egipto.

Exodo 8:20

Ket ni Jehova kinunana ken Moises, Bumangonca a masapa no bigat ket sumangoca ken Faraon; adtoy, ta mapan iti danum; ket cunam kencuana, Ni Jehova castoy ti saona, Bay-am a pumanaw ti ilic tapno agdaydayawda caniac.

Exodo 8:27

Tallo nga aldaw a magmagnacamto iti let-ang, ket mangidatoncamto ken Jehova a Diosmi, cas iti ibagananto cadacami.

Exodo 9:1

Idin ni Jehova kinunana ken Moises, Inca ken Faraon ket ibagam kencuana, Castoy ti cuna ni Jehova a Dios dagiti Hebreos, Bay-am a pumanaw ti ilic tapno agservida caniac.

Exodo 9:2

Tapno dica cayat a palubosan ida, ket tactakemto pay la ida,

Isaias 25:6

Ket iti daytoy a bantay ni Jehova dagiti buybuyot agaramidto cadagiti amin nga inilin-ili iti maysa a rambac dagiti nalucmeg a banag, maysa a rambac dagiti ar-arac iti rabaw dagiti aributed, dagiti nalucmeg a banag a napno iti pata, dagiti arac a nadalusan a naimbag cadagiti aributed.

Ezekiel 2:6

Ket sica, anac ti tao; dica agbuteng cadacuada, wenno agamac cadagiti sasaoda, uray pay calcalunay ken cascasumba addada coma kenca, ket agnaedca iti nagtengngaan dagiti manggagama: dica mabuteng cadagiti sasaoda, wenno agcullayaw iti panangkitada, nupay isuda nasukirda a balay.

San Mateo 10:18

Ket maisaclangcayto pay cadagiti agturay ken ar-ari a maipoon caniac, ket agbalinto a pangpanecnec cadacuada ken cadagiti Gentil.

San Mateo 10:28

Ket saanyo a pagbutngan dagiti mamapatay iti bagi, ngem ti cararua dida mabalin a papatayen; ngem pagbutnganyo ketdi daydiay macabalin a mangpukaw iti carurua ken iti bagi idiay infierno.

Dagiti Aramid 4:29

Ket ita ngarud, Apo, kitaem dagiti panangam-amesda ket ipaaymo a dagiti adipenmo saoenda a situtured unay ti saom,

1 Taga-Corinto 5:8

Iti casta ngarud ngilinentayo ti fiestatayo; saan a buyugen ti baac a levadura, saan met nga iti levadura ti panagipato ti dakes ken ti kinadakes, no di ket iti awan levadurana a tinapay ti kinadalus ti nakem ken kinapudno.