Exodo 4:8 - Ti Biblia (1973)

⁸ Ket maaramidto a no didaca patien, wenno dida italtalec ti timec ti umuna a pagilasinan, patiendanto ti timec ti maudi a pagilasinan.

Ti Baro a Naimbag a Damag Biblia

⁸ Kinuna ni Yahweh, “No didakanto patien wenno dida maguyugoy a mamati iti umuna a milagro, mamatidanto iti daytoy maikadua.

Exodo 4:8 Iomraidhean Croise

2 Ar-ari 5:7

Ket naaramid, idi a ti ari ti Israel nabasana ti surat, pinigisna dagiti cawesna, ket kinunana, Siac Diosac aya, a mangpapatay ken mangbiag coma, tapno paimbagec ti maysa a tao iti cucutelna? ngem agdawatac cadacayo, panunutenyo ket kitaenyo no casano ti panagsapulna iti ringgor a maibusor caniac.

Ti Libro ni Job 5:18

Ta mamagsakit, ken mangpatapat; mangsugat, ken dagiti imana mangagas.

Exodo 4:28

Ket ni Moises sinaritana ken Aaron amin dagiti sinao ni Jehova, isu a nacaibaonanna kencuana, ken amin dagiti pagilaslasinan nga imbilinna kencuana.

Exodo 4:7

Ket kinunana, Isucsucmo manen ta imam iti barucongmo. (Ket insucsucna manen ti imana iti barucongna; ket idi nga iniccatna ti imana iti barucongna, adtoy ta nagsubli a cas idi lasagna a sigud.)

Exodo 4:9

Ket maaramidto a no didanto pay la patien dagitoy nagcadua a pagilasinan, wenno dida ipangag ti timecmo, mangalacanto iti danum ti carayan, ket ibuyatmonto iti daga a namaga: ket ti danum nga alaem iti carayan agbalinto a dara iti daga a namaga.

Isaias 28:10

Ta isu ti alagaden a mainayon iti alagaden, Alagaden a mainayon iti alagaden; uged iti rabaw ti uged, uged a rutapan ti uged; sangcabassit ditoy, sangcabassit idiay.

San Juan 12:37

Ngem uray inaramidna iti sangoananda dagiti nagadu a pagilasinan, saanda pay a namati kencuana:

Deuteronomio 32:39

Kitaenyo ita a siac, a siac met laeng daydiay, ket awan dios a caduac: siac pumatayac ken mangbiagac; sumugatac ken mangagasac; ket awan uray asinoman a macalasut iti imac.

Uk-ukom 6:17

Ket isu kinunana kencuana, No nacasaracac ti parabur iti saclangmo, iccannac iti pagilasinan, a sica ti makisao caniac.