Exodo 4:23 - Ti Biblia (1973)

²³ Ket siac kinunac kenca idi, Bayam a pumanaw ti anacco, tapno agdaydayaw caniac; ket dica kinayat a pinalubosan idi: adtoy a siac patayeecto ti anacmo, ti inauna nga anacmo.

Ti Baro a Naimbag a Damag Biblia

²³ Ibagak kenka a palubosam a pumanaw tapno agdaydayaw kaniak ngem dimo pinalubosan. Ita, patayek ti inauna nga anakmo a lalaki.’”

Exodo 4:23 Iomraidhean Croise

Dagiti Salmo 105:36

Sinugatna met dagiti inauna nga annac idiay dagada, a cangronaan ti amin a pigsada.

Dagiti Salmo 135:8

Isu a nangdanar iti inauna nga anac sadi Egipto, anac ti tao man ken ti animal;

Dagiti Salmo 136:10

Isu a nangdidigra iti Egipto cadagiti annacda nga inauna; ta ti kinamanagayatna agnanayon:

Dagiti Salmo 78:51

Ket dinanarna amin dagiti inauna nga annac sadi Egipto, ti pangolo ti pigsada cadagiti calapaw ni Cam.

Exodo 10:3

Ket da Moises ken ni Aaron napanda ken Faraon, ket kinunada kencuana, Ni Jehova a Dios dagiti Hebreos castoy ti saona, Casano ti cabayagnanto ti dica panagpacumbaba iti saclangco? Bay-am a pumanaw ti ilic, tapno agdaydayawda caniac.

Exodo 10:4

Wenno, no supringem ti panangpalubusmo iti ilic, adtoy, ta yegconto no bigat dagiti dodon iti beddengmo:

Exodo 11:5

Ket matayto amin dagiti annac nga inauna iti daga nga Egipto, manipud iti inauna nga anac ni Faraon a tumugaw iti tronona agingga iti inauna nga anac ti adipen a babai nga adda iti licud ti paggilingan; ken amin nga inauna nga annac dagiti an-animal.

Exodo 12:29

Ket naaramid a iti tengnga ti rabii ni Jehova Kinabilna amin dagiti inauna nga anac iti daga nga Egipto, nanipud iti anac nga inauna ni Faraon a nagtugaw iti tronona agingga iti inauna nga anac ti balud nga adda idi iti pagbaludan; ken amin dagiti annac nga inauna dagiti an-animal.

Exodo 13:15

Ket naaramid a idi a sinukir ni Faraon ti panangpalubosna cadacami ni Jehova pinatayna sadiay daga nga Egipto amin nga annac a inauna, inaunaan man ti tao ken inaunaan ti animal: isu ti gapuna nga idatonco ken Jehova amin a manglucat iti aanacan, no lalaki; ngem amin nga inauna cadagiti annacco a lallaki subbotec.

Exodo 18:8

Ket ni Moises sinaritana ken catuganganna amin nga inaramid ni Jehova ken Faraon ken cadagiti Egipcios a maipuon iti Israel, amin dagiti rigrigat a linac-amda iti dalan, ken no casano ti panangispal ni Jehova cadacuada.

Exodo 3:18

Ket ipangagdanto ti timecmo: ket incanto, sica ken dagiti lallacay ti Israel, iti ari ti Egipto, ket cunayonto kencuana, Ni Jehova a Dios dagiti Hebreos nasaracannacami: Ket ita palubosannacami, dawatenmi kenca, nga incami iti let-ang iti bayat dagiti tallo nga aldaw, tapno aramidenmi ti daton ken Jehova a Diosmi.

Exodo 5:1

Ket iti calpasanna da Moises ken Aaron dimmanonda ket kinunada ken Faraon, Castoy ti sao ni Jehova a Dios ti Israel, Bay-am a pumanaw ti umilic tapno inda rambacan ti maysa a fiesta caniac idiay let-ang.

Exodo 6:11

Sumrecca, saoem ken Faraon nga ari ti Egipto a bay-anna a pumanaw iti dagana dagiti annac ti Israel.

Exodo 7:16

Ket saoemto kencuana, Ni Jehova a Dios dagiti Hebreos imbaonnac kenca, a cunana, Bay-am a pumanaw ti ilic, tapno agdaydayawda caniac idiay let-ang: ket, adtoy nga agpapan ita dica nangipangag.

Exodo 8:1

Ket ni Jehova kinunana ken Moises, Inca ken Faraon, ket cunam kencuana, Castoy ti cuna ni Jehova, Bayam a pumanaw ti ilic tapno agdaydayawda caniac.

Exodo 8:16

Ket ni Jehova kinunana ken Moises, Saoem ken Aaron, Ilayatmo ta sarucodmo, ket baotem ti tapuc ti daga tapno agbalinda a cutcuto iti amin a daga nga Egipto.

Exodo 8:17

Ket casta ti inaramidda; ket ni Aaron inyunnatna ti imana a siiggem iti sarucod, ket imbaotna iti tapuc ti daga, ket timmaud dagiti cutcuto a kimpet iti tao ken iti animal; amin a tapuc iti daga nagbalin a cutcuto iti isu-amin a daga nga Egipto.

Exodo 8:20

Ket ni Jehova kinunana ken Moises, Bumangonca a masapa no bigat ket sumangoca ken Faraon; adtoy, ta mapan iti danum; ket cunam kencuana, Ni Jehova castoy ti saona, Bay-am a pumanaw ti ilic tapno agdaydayawda caniac.

Exodo 9:1

Idin ni Jehova kinunana ken Moises, Inca ken Faraon ket ibagam kencuana, Castoy ti cuna ni Jehova a Dios dagiti Hebreos, Bay-am a pumanaw ti ilic tapno agservida caniac.

Exodo 9:13

Ket ni Jehova kinunana ken Moises, Bumangonca a masapa no bigat, ket sumangoca ken Faraon, ket saoem kencuana, Ni Jehova a Dios dagiti Hebreos castoy ti cunana, Bay-am a pumanaw ti ilic tapno agservida caniac.

Exodo 9:2

Tapno dica cayat a palubosan ida, ket tactakemto pay la ida,

Oseas 11:1

Idi ubing pay ti Israel, isu inayatco, ket nanipud idiay Egipto inayabac ti anacco.