Exodo 4:22 - Ti Biblia (1973)

²² Ket cunamto ken Faraon, Castoy ti cuna ni Jehova, ti Israel isu ti anacco, ti inauna nga anacco:

Ti Baro a Naimbag a Damag Biblia

²² Kunamto kenkuana a kastoy ti sao ni Yahweh: ‘Ni Israel ti inauna nga anakko a lalaki.

Exodo 4:22 Iomraidhean Croise

Dagiti Salmo 89:27

Isu pagbalinecto met nga inauna nga anacco, catan-ocan cadagiti ar-ari ditoy daga.

Exodo 6:11

Sumrecca, saoem ken Faraon nga ari ti Egipto a bay-anna a pumanaw iti dagana dagiti annac ti Israel.

Exodo 7:16

Ket saoemto kencuana, Ni Jehova a Dios dagiti Hebreos imbaonnac kenca, a cunana, Bay-am a pumanaw ti ilic, tapno agdaydayawda caniac idiay let-ang: ket, adtoy nga agpapan ita dica nangipangag.

Isaias 63:16

Ta sica ti Amami, nupay ni Abraham saannacami nga ammo, ken ni Israel dinacami bigbigen: sica, O Jehova, sica ti Amami; Mannubbotmi isu ti naganmo manipud iti agnanayon.

Isaias 64:8

Ngem ita, O Jehova, sica ti Amami; dacami pilacami, ket sica ti agdamdamili; ket dacami amin gapuanannacami ta imam.

Jeremias 2:14

Ni Israel aya maysa nga adipen? maysa a nayanac a tagabu? apay a nagbalin a samsam?

Jeremias 31:9

Isuda umaydanto nga agsangsangit, ket babaen ti panagpacaasi siac idalanconto ida: papagnaecto ida iti sibay dagiti carcarayan ti danum, iti nalinteg a dalan a didanto pacaitibcolan: ta siac ti ama ti Israel, ket ni Efraim ti inauna nga anacco.

Oseas 11:1

Idi ubing pay ti Israel, isu inayatco, ket nanipud idiay Egipto inayabac ti anacco.

Malakias 1:6

Ti anac a lalaki dayawenna ni amana, ket ti adipen iti apona: no siac ngarud ti ama, sadino ti yan ti pannacadayawco? ket no siac ti apo, sadino ti yan ti panagbuteng caniac? cuna ni Jehova dagiti buybuyot cadacayo, O papadi, a manglalais iti naganco, ket dacayo cunaenyo, Iti ania ti nanglaisanmi iti naganmo?

San Mateo 2:15

Ket nagian sadiay aginga ti ipapatay ni Herodes: tapno matungpal ti sinao ti Apo gapu iti pannacaaramat ti mammadto a cuncunana: Nanipud Egipto inayabac ti Anacco.

Taga-Roma 9:4

Isuda dagiti Israelitas, nga agtagicua ti pannacaibilang nga annac ken ti gloria, ken dagiti tultulag, ken ti pannakaituyang ti linteg, ken ti panagservi iti Dios, ken dagiti carcari;

2 Taga-Corinto 6:18

Ket siacto ti Amayo, Ket dacayonto ti annacco a lallaki ken babbai; Cuna ti Apo a Mannacabalin amin.

Deuteronomio 14:1

Dacayo ti annac ni Jehova a Diosyo: dicayto sugaten dagiti bagbagiyo, wenno kiskisan iti uray ania iti baet dagiti matayo maipuon iti natay.

Deuteronomio 32:6

Castoy aya ti panupapacyo ken Jehova, O namaag nga umili ken nanengneng? Saan aya nga isu ti amam a gimmatang kenca? Isu ti nangaramid kenca, ken nangbangon kenca.

Hebreo 12:23

Iti gimung a sapasap, ken Iglesia dagiti inauna nga annac, a nailanad ti naganda idiay langit, ken iti Dios nga Ocom dagiti isu-amin, ken cadagiti espiritu dagiti nalinteg, a naaramidda nga awan pagcurangandan,

Santiago 1:18

Iti nacnakemna met laeng isu pinataudnatayo gapu iti sao ti kinapudno, tapno datay coma ti maysa a kita dagiti umuna a bungbunga cadagiti parsuana.