Exodo 4:15 - Ti Biblia (1973)

¹⁵ Ket saoemto kencuana, ket paisaomto kencuana dagiti sasao: ket addaacto iti ngiwatmo ken iti ngiwatna, ken isurocayto iti aramidenyonto.

Ti Baro a Naimbag a Damag Biblia

¹⁵ Kasaom ket ibagam kenkuana ti sawenna. Tulongankayto nga agsao. Ibagakto ti aramidenyo.

Exodo 4:15 Iomraidhean Croise

2 Samuel 14:3

Ket mapanca iti ari, makisaoca kencuana iti castoy a wagas. Iti casta ni Joab incabilna dagiti balicas iti ngiwatna.

Dagiti Salmo 25:12

Asino a tao ti agbuteng ken Jehova? Daydiay isuronanto iti dalan a pilienna.

Dagiti Salmo 51:15

O Apo, luctam dagiti bibigco; ket ti ngiwatco iparangarangnanto ti pannacaidaydayawmo.

Exodo 3:12

Ket kinunana, kinapudnona nga addaacto kenca; ket daytoyto ti pagilasinan kenca a siac imbaonca; Calpasanto ti panangalam iti ili sadi Egipto, agdaydayawcayo iti Dios iti rabaw daytoy a bantay.

Exodo 4:12

Inca ngarud ita ta addaacto iti ngiwatmo ket isurocanto iti saoem.

Exodo 4:28

Ket ni Moises sinaritana ken Aaron amin dagiti sinao ni Jehova, isu a nacaibaonanna kencuana, ken amin dagiti pagilaslasinan nga imbilinna kencuana.

Exodo 4:30

Ket ni Aaron sinaona amin dagiti sasao nga insawang ni Jehova ken Moises, ket inaramidna dagiti pagilaslasinan iti imatang ti umili.

Isaias 51:16

Ket incabilco dagiti saoc iti ngiwatmo, ken lininonganca iti aniniwan ti imac, tapno maipasdecco dagiti langlangit, ken maisaadco dagiti pamuon ti daga, ken cunaec iti Sion, Sica ti ilic.

Isaias 59:21

Ket ti maipapan caniac, daytoy isu ti tulagco cadacuada, cuna ni Jehova: ti Espirituc nga adda kenca, ken dagiti saoc nga incabilco ita ngiwatmo, didanto pumanaw ita ngiwatmo, uray iti ngiwat ti putotmo, uray iti ngiwat ti putot ti putotmo, cuna ni Jehova, manipud ita ken iti agnanayon.

Jeremias 1:9

Idin ni Jehova inyunnatna ti imana ket sinagidna ti ngiwatco; ket ni Jehova sinaona caniac: Adtoy, incabilco dagiti sasaoc dita ngiwatmo:

Jeremias 36:32

Iti casta innala ni Jeremias ti sabali a lucot, ket intedna ken Baruc nga escriba nga anac ni Nerias, isu a nangisurat kencuana cadagiti amin a sasao ti libro, a naggapu iti ngiwat ni Jeremias, isu a ni Joakim nga ari ti Juda pinuuranna iti apuy; ket nainayon pay cadacuada dagiti adu a sasao nga umas-asping.

Numero 16:28

Ket ni Moises kinunana, Gapu iti daytoy ammoenyo a ni Jehova imbaonnac a nangaramid cadagitoy a gapuanan; ta diac inaramid ida a nakemco laeng.

Numero 22:38

Ket ni Balaam kinunana ken Balac, Adtoy, siac immayac kenca: adda aya aniaman a bilegco ita nga agsao iti uray ania? ti sao nga icabil ti Dios iti ngiwatco dayta ti saoecto.

Numero 23:12

Ket isu simmungbat ket kinunana kencuana, Diac ngamin aya rebbeng nga aluadan ti panangisaoc iti incabil ni Jehova iti ngiwatco?

Numero 23:16

Ket ni Jehova sinabetna ni Balaam, ket incabilna ti maysa a sao iti ngiwatna, ket kinunana, Agsublica ken Balac, ket castoy ti saoemto.

Numero 23:5

Ket ni Jehova incabilna ti maysa a sao iti ngiwat ni Balaam, ket kinunana, Agsublica ken Balac ket castoy ti saoemto.

San Mateo 28:20

Nga insursuroyo cadacuada nga aywananda dagiti isu-amin a banag nga inbilinco cadacayo: Ket adtoy, addaac cadacayo nga agnanayon agingga iti panungpalan ti lubong.

San Lucas 21:15

Ta siac iccancayto ti ngiwat ken sirib a di matngelan ken masalungasing dagiti isu-amin a cabusoryo.

1 Taga-Corinto 11:23

Ta inawatco iti Apo ti inyawatco met cadacayo: a ni Apo Jesus, idi met la a rabii a nayawat, nangala iti tinapay;

1 Taga-Corinto 15:1

Ipalawagco manen cadacayo, cacabsat, ti evangelio nga incascasabac cadacayo, isu met nga inawatyo isu met nga yanyo a sititibker,

Deuteronomio 18:18

Mamangonacto cadacuada iti mammadto nga aggapu cadagiti cacabsatda, a cas kenca; ket icabilconto dagiti sasaoc iti ngiwatna, ket saoennanto cadacuada amin ti ibilinconto kencuana.

Deuteronomio 5:31

Ngem no sica, agyanca ditoy caniac, ket saoecto kenca ti dagup dagiti linlinteg, ken al-alagaden, ken bilbilin, nga isuromto cadacuada, tapno aramidendanto ida iti daga nga itedco cadacuada a tagicuaen.

1 Samuel 16:3

Ket ayabam ni Isai iti panagidaton, ket iparangconto kenca no ania ti aramidemto: ket pulotamto caniac daydiay nga inaganac kenca.