Exodo 4:13 - Ti Biblia (1973)

¹³ Ket kinunana, O, Apo, dawatec kenca, ibaonmo, babaen iti ima daydiay ibaonmonto.

Ti Baro a Naimbag a Damag Biblia

¹³ Ngem kinuna ni Moises, “Saan, apo. Pangngaasim ta mangibaonka laengen iti sabali.”

Exodo 4:13 Iomraidhean Croise

Genesis 24:7

Ni Jehova a Dios dagiti langlangit, a nangala caniac iti balay ni amac, ken iti daga a nacayanacac, ken nagsao caniac, ken nagsapata caniac, a cunana, Iti putotmo itedconto daytoy a daga; isu ibaonnanto ti angelna iti masangoanam ket mangalacanto idiay ti asawa ti anacco.

Genesis 41:35

Ket ummongenda coma amin a macan cadagitoy masacbayan a tawtawen ti kinawadwad, ket idulinda coma iti biang ni Faraon dagiti bucbukel a pagtaraon cadagiti il-ili ket aywananda coma.

Genesis 48:16

Ti angel a nangilisi caniac iti amin a dakes, bendicionanna coma dagiti ubbing; ket ni naganco matawagan coma cadacuada, ken ti nagan dagiti ammac a ni Abraham ken ni Isaac; agbalinda coma a maysa a caadu iti tengnga ti daga.

1 Ar-ari 19:4

Ngem isu met laeng napan a nagnagna iti maysa nga aldaw cadagiti let-ang, ket immay ket nagtugaw iti siroc ti maysa a cayo nga enebro: ket isu dinawatna a maipaay kencuana nga isu matay coma, ket kinunana, Umdasen; ita, O Jehova, alaemon ti biagco; ta siac saanac a naimimbag ngem cadagiti ammac.

Exodo 23:20

Adtoy, baonec iti sangom ti maysa nga angel, a mangaluad kenca iti dalan, ken mangipan kenca iti disso a sinaganac.

Exodo 4:1

Ket ni Moises simmungbat ket kinunana, Ngem, adtoy, didacto patien ket didanto imdengan ti timecco; ta cunadanto, ni Jehova, Saan a nagparang kenca.

Exodo 4:12

Inca ngarud ita ta addaacto iti ngiwatmo ket isurocanto iti saoem.

Exodo 4:14

Ket ni Jehova simged ti pungtotna a maibusor ken Moises, ket kinunana, Awan aya ni cabsatmo nga Aaron, a Levita? Ammoc nga isu ti nalaing nga agsao. Ket maysa pay, adtoy, umaynaca sabten: ket apaman a makitanacanto, agragsacto iti pusona.

Jeremias 1:6

Iti casta kinunac, O, Apo Jehova! Adtoy, saanco nga ammo ti agsao; ta ubingac.

Jeremias 20:9

Ket no cunac, Ti naganna saanconto a dacawaten, diacto met agsaon iti naganna, adda ngarud iti pusoc ti cas sumsumged nga apuy a naripcan cadagiti tultulangco, ket mautoyanac nga agitured, ket saanac a macaibtur.

Jonas 1:3

Ngem ni Jonas timmacder tapno agtalaw iti saclang ni Jehova a mapan idiay Tarsis, ket simmalog idiay Joppe, ket nasaracna ti maysa a barangay nga agrubbuat a mapan idiay Tarsis, iti casta binayadanna ti fletena, ket limmugan kencuana a cumuyog cadacuada idiay Tarsis nga aggapu iti saclang ni Jehova.

Jonas 1:6

Iti casta ti panguloen di sasacayan immasideg kencuana ket kinunana, Ania ti aramidem, O mannaturog? Bumangonca, ket awagam ti Diosmo, bareng no ti Dios malagipnatayto tapno ditayo mapucaw.

San Mateo 13:41

Ti Annac ti tao ibaonnanto dagiti angelna, ket cayascasendanto iti pagarianna, dagiti amin a pacaitibcolan ken dagiti agaramid ti kinadakes.

San Juan 6:29

Simmungbat ni Jesus ket kinunana cadacuada: Daytoy ti aramid ti Dios mamaticayo iti daydiay nga imbaonna.

Uk-ukom 2:1

Ket ti angel ni Jehova simmang-at manipud iti Gilgal agingga ti Boquim, ket kinunana, Siac pinasang-atcayo manipud Egipto, ket inyegcayo iti daga nga insapatac idi cadagiti ammayo; ket kinunac, Diacto dadaelen uray caano ti tulagco cadacayo: